ਹੂਤੀ ਬਾਗ਼ੀਆਂ ਵੱਲੋਂ 2023 ''ਚ ਜ਼ਬਤ ਕੀਤੇ ਵਪਾਰਕ ਜਹਾਜ਼ ਦਾ ਚਾਲਕ ਦਲ ਰਿਹਾਅ

ਦੁਬਈ (ਏਪੀ)- ਯਮਨ ਦੇ ਹੂਤੀ ਬਾਗ਼ੀਆਂ ਨੇ ਨਵੰਬਰ 2023 ਵਿੱਚ ਲਾਲ ਸਾਗਰ ਵਿੱਚ ਜ਼ਬਤ ਕੀਤੇ ਗਏ ਗਲੈਕਸੀ ਲੀਡਰ ਨਾਮਕ ਇੱਕ ਵਪਾਰਕ ਜਹਾਜ਼ ਦੇ ਚਾਲਕ ਦਲ ਦੇ ਮੈਂਬਰਾਂ ਨੂੰ ਰਿਹਾਅ ਕਰ ਦਿੱਤਾ ਹੈ। ਓਮਾਨ ਦੀ ਵਿਚੋਲਗੀ ਤੋਂ ਬਾਅਦ ਈਰਾਨ ਸਮਰਥਿਤ ਹੂਤੀ ਬਾਗੀਆਂ ਨੇ ਚਾਲਕ ਦਲ ਨੂੰ ਰਿਹਾਅ ਕਰ ਦਿੱਤਾ। ਬੁੱਧਵਾਰ ਨੂੰ ਇੱਕ ਰਾਇਲ ਓਮਾਨ ਏਅਰ ਫੋਰਸ ਜੈੱਟ ਨੇ ਯਮਨ ਲਈ ਉਡਾਣ ਭਰੀ ਅਤੇ ਚਾਲਕ ਦਲ ਦੇ ਮੈਂਬਰਾਂ ਨਾਲ ਮਸਕਟ ਵਾਪਸ ਆ ਗਿਆ। ਚਾਲਕ ਦਲ ਵਿੱਚ ਫਿਲੀਪੀਨਜ਼, ਬੁਲਗਾਰੀਆ, ਰੋਮਾਨੀਆ, ਯੂਕ੍ਰੇਨ ਅਤੇ ਮੈਕਸੀਕੋ ਦੇ 25 ਲੋਕ ਸ਼ਾਮਲ ਸਨ। 

ਹੂਤੀ ਵਿਦਰੋਹੀਆਂ ਨੇ ਇੱਕ ਨਿਊਜ਼ ਏਜੰਸੀ ਨੂੰ ਦਿੱਤੇ ਬਿਆਨ ਵਿੱਚ ਕਿਹਾ,"ਚਾਲਕਾਂ ਦੀ ਰਿਹਾਈ ਗਾਜ਼ਾ ਵਿੱਚ ਜੰਗਬੰਦੀ ਸਮਝੌਤੇ ਦਾ ਸਮਰਥਨ ਕਰਨ ਦੇ ਕਦਮ ਦਾ ਹਿੱਸਾ ਹੈ।"  ਫਿਲੀਪੀਨਜ਼ ਦੇ ਰਾਸ਼ਟਰਪਤੀ ਫਰਡੀਨੈਂਡ ਮਾਰਕੋਸ ਜੂਨੀਅਰ ਨੇ 17 ਫਿਲੀਪੀਨੋ ਚਾਲਕ ਦਲ ਦੇ ਮੈਂਬਰਾਂ ਦੀ ਰਿਹਾਈ ਦੀ ਪੁਸ਼ਟੀ ਕੀਤੀ। ਅਤੇ ਇਸ ਨੂੰ "ਬਹੁਤ ਖੁਸ਼ੀ ਦੇ ਪਲ" ਵਜੋਂ ਦੱਸਿਆ। ਬੁਲਗਾਰੀਆ ਦੇ ਵਿਦੇਸ਼ ਮੰਤਰਾਲੇ ਨੇ ਆਪਣੇ ਦੋ ਨਾਗਰਿਕਾਂ... ਜਹਾਜ਼ ਦੇ ਕਪਤਾਨ ਲਿਊਬੋਮੀਰ ਚਾਨੇਵ ਅਤੇ ਸਹਿ-ਕਪਤਾਨ ਡੈਨੀਅਲ ਵੇਸੇਲੀਨੋਵ ਦੀ ਰਿਹਾਈ ਦਾ ਐਲਾਨ ਕੀਤਾ। ਸੰਯੁਕਤ ਰਾਸ਼ਟਰ ਦੇ ਵਿਸ਼ੇਸ਼ ਦੂਤ ਹੰਸ ਗ੍ਰੰਡਬਰਗ ਨੇ ਚਾਲਕ ਦਲ ਦੇ ਮੈਂਬਰਾਂ ਦੀ ਰਿਹਾਈ ਨੂੰ "ਵੱਡੀ ਖ਼ਬਰ" ਦੱਸਿਆ। ਉਨ੍ਹਾਂ ਨੇ ਹੂਤੀ ਬਾਗ਼ੀਆਂ ਨੂੰ ਸਾਰੇ ਸਮੁੰਦਰੀ ਹਮਲੇ ਬੰਦ ਕਰਨ ਅਤੇ ਸਕਾਰਾਤਮਕ ਯਤਨ ਜਾਰੀ ਰੱਖਣ ਦੀ ਅਪੀਲ ਕੀਤੀ। 

ਪੜ੍ਹੋ ਇਹ ਅਹਿਮ ਖ਼ਬਰ-ਤੇਜ਼ੀ ਨਾਲ ਟੁੱਟ ਰਿਹੈ ਇਹ ਮਹਾਂਦੀਪ... ਦਿੱਸ ਰਹੀ ਇੱਕ ਵੱਡੀ ਦਰਾੜ

ਹੂਤੀ ਬਾਗ਼ੀਆਂ ਨੇ ਕਿਹਾ ਕਿ ਗਲੈਕਸੀ ਲੀਡਰ ਜਹਾਜ਼ ਨੂੰ ਇਸ ਦੇ ਇਜ਼ਰਾਈਲੀ ਸਬੰਧਾਂ ਕਾਰਨ ਜ਼ਬਤ ਕੀਤਾ ਗਿਆ ਸੀ। ਇਸ ਜਹਾਜ਼ ਦਾ ਮਾਲਕ ਇਜ਼ਰਾਈਲੀ ਅਰਬਪਤੀ ਅਬ੍ਰਾਹਮ ਉਂਗਰ ਹੈ। ਹੂਤੀ ਬਾਗ਼ੀਆਂ ਨੇ ਜਹਾਜ਼ 'ਤੇ ਹਮਲਾ ਕਰਕੇ ਕਬਜ਼ਾ ਕਰ ਲਿਆ ਸੀ ਅਤੇ ਇਸਦੀ ਇੱਕ ਵੀਡੀਓ ਵੀ ਜਾਰੀ ਕੀਤੀ ਸੀ। ਹੂਤੀ ਬਾਗ਼ੀਆਂ ਨੇ ਸੰਕੇਤ ਦਿੱਤਾ ਕਿ ਗਾਜ਼ਾ ਪੱਟੀ ਵਿੱਚ ਜੰਗਬੰਦੀ ਸ਼ੁਰੂ ਹੋਣ ਤੋਂ ਬਾਅਦ ਉਹ ਹੁਣ ਲਾਲ ਸਾਗਰ ਲਾਂਘੇ ਵਿੱਚ ਆਪਣੇ ਹਮਲੇ ਸਿਰਫ਼ ਇਜ਼ਰਾਈਲ-ਸਹਿਯੋਗੀ ਜਹਾਜ਼ਾਂ ਤੱਕ ਸੀਮਤ ਕਰਨਗੇ, ਪਰ ਲੋੜ ਪੈਣ 'ਤੇ ਵੱਡੇ ਹਮਲੇ ਦੁਬਾਰਾ ਸ਼ੁਰੂ ਕਰ ਸਕਦੇ ਹਨ। ਗਾਜ਼ਾ ਸੰਘਰਸ਼ ਦੌਰਾਨ ਹੌਥੀ ਬਾਗ਼ੀਆਂ ਨੇ 100 ਤੋਂ ਵੱਧ ਵਪਾਰਕ ਜਹਾਜ਼ਾਂ ਨੂੰ ਨਿਸ਼ਾਨਾ ਬਣਾਇਆ ਹੈ। ਹਾਲ ਹੀ ਦੇ ਹਫ਼ਤਿਆਂ ਵਿੱਚ ਹਮਲੇ ਘੱਟ ਗਏ ਹਨ। ਅਮਰੀਕਾ ਅਤੇ ਉਸਦੇ ਸਹਿਯੋਗੀਆਂ ਨੇ ਹੂਤੀ ਵਿਦਰੋਹੀਆਂ ਵਿਰੁੱਧ 260 ਤੋਂ ਵੱਧ ਹਵਾਈ ਹਮਲੇ ਕੀਤੇ ਹਨ।

ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ
For Android:- https://play.google.com/store/apps/details?id=com.jagbani&hl=en
For IOS:- https://itunes.apple.com/in/app/id538323711?mt=8

ਨੋਟ- ਇਸ ਖ਼ਬਰ ਬਾਰੇ ਕੁਮੈਂਟ ਕਰ ਦਿਓ ਰਾਏ।