ਹਾਰਵਰਡ ਯੂਨੀਵਰਸਿਟੀ ਦੀ ਪ੍ਰੋਫੈਸਰ ਕਲਾਉਡੀਆ ਗੋਲਡਿਨ ਨੂੰ ਅਰਥ ਸ਼ਾਸਤਰ ''ਚ ਮਿਲਿਆ ਨੋਬਲ ਪੁਰਸਕਾਰ

ਸਟਾਕਹੋਮ (ਭਾਸ਼ਾ)- ਹਾਰਵਰਡ ਯੂਨੀਵਰਸਿਟੀ ਦੀ ਪ੍ਰੋਫੈਸਰ ਕਲਾਉਡੀਆ ਗੋਲਡਿਨ ਨੂੰ "ਔਰਤਾਂ ਦੇ ਲੇਬਰ ਮਾਰਕੀਟ ਨਤੀਜਿਆਂ ਬਾਰੇ ਸਾਡੀ ਸਮਝ ਨੂੰ ਬਿਹਤਰ ਬਣਾਉਣ" ਲਈ ਅਰਥ ਸ਼ਾਸਤਰ ਦਾ ਨੋਬਲ ਪੁਰਸਕਾਰ ਦੇਣ ਦਾ ਐਲਾਨ ਕੀਤਾ ਗਿਆ ਹੈ। ਰਾਇਲ ਸਵੀਡਿਸ਼ ਅਕੈਡਮੀ ਆਫ ਸਾਇੰਸਿਜ਼ ਦੇ ਜਨਰਲ ਸਕੱਤਰ ਹੰਸ ਏਲਗ੍ਰੇਨ ਨੇ ਸੋਮਵਾਰ ਨੂੰ ਇੱਥੇ ਪੁਰਸਕਾਰ ਦਾ ਐਲਾਨ ਕੀਤਾ।

ਗੋਲਡਿਨ ਇਸ ਪੁਰਸਕਾਰ ਨਾਲ ਸਨਮਾਨਿਤ ਹੋਣ ਵਾਲੀ ਤੀਜੀ ਔਰਤ ਹੈ। ਨੋਬਲ ਪੁਰਸਕਾਰ ਦੇ ਤਹਿਤ, ਜੇਤੂ ਨੂੰ 10 ਲੱਖ ਡਾਲਰ ਦਾ ਪੁਰਸਕਾਰ ਦਿੱਤਾ ਜਾਂਦਾ ਹੈ। ਦਸੰਬਰ ਵਿੱਚ ਓਸਲੋ ਅਤੇ ਸਟਾਕਹੋਮ ਵਿੱਚ ਹੋਣ ਵਾਲੇ ਐਵਾਰਡ ਸਮਾਰੋਹਾਂ ਵਿੱਚ ਜੇਤੂਆਂ ਨੂੰ 18 ਕੈਰੇਟ ਸੋਨੇ ਦਾ ਤਗਮਾ ਅਤੇ ਇੱਕ ਡਿਪਲੋਮਾ ਵੀ ਦਿੱਤਾ ਜਾਂਦਾ ਹੈ।