ਮੈਕਸੀਕੋ ਦੇ ਇਕ ਰਿਜ਼ੋਰਟ 'ਚ ਗੋਲੀਬਾਰੀ, ਮਾਸੂਮ ਸਮੇਤ 7 ਲੋਕਾਂ ਦੀ ਮੌਤ

ਮੈਕਸੀਕੋ ਸਿਟੀ (ਏ.ਐੱਨ.ਆਈ।): ਮੱਧ ਮੈਕਸੀਕੋ ਦੇ ਗੁਆਨਾਜੁਆਟੋ ਸੂਬੇ ਵਿਚ 15 ਅਪ੍ਰੈਲ ਨੂੰ ਬੰਦੂਕਧਾਰੀਆਂ ਨੇ ਇਕ ਰਿਜ਼ੋਰਟ 'ਤੇ ਹਮਲਾ ਕਰ ਦਿੱਤਾ। ਇਸ ਹਮਲੇ 'ਚ ਇਕ ਮਾਸੂਮ ਸਮੇਤ 7 ਲੋਕਾਂ ਦੀ ਮੌਤ ਹੋ ਗਈ। ਅਧਿਕਾਰੀਆਂ ਨੇ ਐਤਵਾਰ ਨੂੰ ਇਹ ਜਾਣਕਾਰੀ ਦਿੱਤੀ। ਹਮਲੇ ਦੀ ਵੀਡੀਓ ਵੀ ਸੋਸ਼ਲ ਮੀਡੀਆ 'ਤੇ ਸ਼ੇਅਰ ਕੀਤੀ ਜਾ ਰਹੀ ਹੈ। ਗੁਆਨਾਜੁਆਟੋ ਸ਼ਹਿਰ ਤੋਂ ਲਗਭਗ 65 ਕਿਲੋਮੀਟਰ (40 ਮੀਲ) ਦੱਖਣ ਵਿਚ, ਛੋਟੇ ਜਿਹੇ ਕਸਬੇ ਕੋਰਟਾਜ਼ਰ ਵਿਚ ਸਥਿਤ ਇਕ ਰਿਜ਼ੋਰਟ 'ਤੇ ਹੋਏ ਹਮਲੇ ਵਿਚ ਸੱਤ ਲੋਕ ਮਾਰੇ ਗਏ ਸਨ। ਮੈਕਸੀਕੋ ਦੀ ਫੌਜ ਅਤੇ ਸੁਰੱਖਿਆ ਬਲ ਬੰਦੂਕਧਾਰੀਆਂ ਦੀ ਭਾਲ ਲਈ ਜੁਟ ਗਏ ਹਨ।

ਸੱਤ ਸਾਲ ਦੇ ਮਾਸੂਮ ਦੀ ਵੀ ਮੌਤ 

ਘਟਨਾ ਦੇ ਚਸ਼ਮਦੀਦਾਂ ਨੇ ਸਥਾਨਕ ਅਧਿਕਾਰੀਆਂ ਨੂੰ ਦੱਸਿਆ ਕਿ ਹਥਿਆਰਬੰਦ ਵਿਅਕਤੀ ਸ਼ਨੀਵਾਰ ਨੂੰ ਸ਼ਾਮ 4:30 ਵਜੇ (ਸਥਾਨਕ ਸਮੇਂ ਅਨੁਸਾਰ) ਪੂਲ 'ਤੇ ਪਹੁੰਚੇ ਅਤੇ ਗੋਲੀਬਾਰੀ ਕੀਤੀ। ਬਾਅਦ ਵਿੱਚ ਜਾਣ ਤੋਂ ਪਹਿਲਾਂ ਉਹਨਾਂ ਨੇ ਇੱਕ ਦੁਕਾਨ, ਸੁਰੱਖਿਆ ਕੈਮਰੇ ਅਤੇ ਇੱਕ ਮਾਨੀਟਰ ਨੂੰ ਨੁਕਸਾਨ ਪਹੁੰਚਾਇਆ। ਕੋਰਟਾਜ਼ਰ ਦੇ ਸਥਾਨਕ ਸੁਰੱਖਿਆ ਵਿਭਾਗ ਨੇ ਕਿਹਾ ਕਿ ਅਜੇ ਤੱਕ ਇਹ ਪਤਾ ਨਹੀਂ ਲੱਗ ਸਕਿਆ ਹੈ ਕਿ ਗੋਲੀਬਾਰੀ ਪਿੱਛੇ ਕੌਣ ਸੀ। ਇਸ ਹਮਲੇ ਵਿੱਚ ਸੱਤ ਸਾਲ ਦੇ ਬੱਚੇ ਸਮੇਤ ਤਿੰਨ ਪੁਰਸ਼ ਅਤੇ ਤਿੰਨ ਔਰਤਾਂ ਦੀ ਮੌਤ ਹੋ ਗਈ। ਉੱਥੇ ਲਾ ਪਾਲਮਾ ਰਿਜ਼ੋਰਟ ਵਿੱਚ ਇੱਕ ਵਿਅਕਤੀ ਗੰਭੀਰ ਰੂਪ ਵਿੱਚ ਜ਼ਖਮੀ ਹੋ ਗਿਆ। ਸੋਸ਼ਲ ਮੀਡੀਆ 'ਤੇ ਵੀਡੀਓ ਸਰਕੂਲੇਸ਼ਨ ਵਿੱਚ ਸਵਿਮਸੂਟ ਵਿੱਚ ਲੋਕ ਚੀਕਦੇ ਹੋਏ ਆਪਣੇ ਬੱਚਿਆਂ ਨੂੰ ਗਲੇ ਲਗਾਉਂਦੇ ਹੋਏ ਦੇਖੇ ਜਾ ਸਕਦੇ ਹਨ।

ਪੜ੍ਹੋ ਇਹ ਅਹਿਮ ਖ਼ਬਰ-ਸੂਡਾਨ 'ਚ ਹਿੰਸਕ ਝੜਪਾਂ ਦੌਰਾਨ 56 ਲੋਕਾਂ ਸਮੇਤ ਇਕ ਭਾਰਤੀ ਦੀ ਮੌਤ, ਵਿਦੇਸ਼ ਮੰਤਰੀ ਜੈਸ਼ੰਕਰ ਨੇ ਪ੍ਰਗਟਾਇਆ ਦੁੱਖ 

ਹਮਲਾਵਰ ਭਾਰੀ ਹਥਿਆਰਾਂ ਨਾਲ ਲੈਸ 

ਹਮਲੇ ਤੋਂ ਤੁਰੰਤ ਬਾਅਦ ਲਈ ਗਈ ਵੀਡੀਓ ਵਿਚ ਹੈਰਾਨ ਕਰਨ ਵਾਲੇ ਦ੍ਰਿਸ਼ ਦੇਖੇ ਗਏ ਹਨ। ਇਸ ਵਿੱਚ ਇੱਕ ਸਵੀਮਿੰਗ ਪੂਲ ਦੇ ਕੋਲ ਲਾਸ਼ਾਂ ਦਾ ਢੇਰ ਪਿਆ ਦੇਖਿਆ ਜਾ ਸਕਦਾ ਹੈ। ਦੱਸ ਦੇਈਏ ਕਿ ਇਹ ਵੀਡੀਓ ਕਿਸੇ ਅਣਪਛਾਤੇ ਵਿਅਕਤੀ ਨੇ ਰਿਜ਼ੋਰਟ ਵਿੱਚ ਹੀ ਬਣਾਈ। ਵਿਅਕਤੀ ਨੇ ਦੱਸਿਆ ਕਿ ਹਮਲਾਵਰ ਭਾਰੀ ਹਥਿਆਰਾਂ ਨਾਲ ਲੈਸ ਸਨ ਅਤੇ ਗੋਲੀਬਾਰੀ ਕਰ ਰਹੇ ਸਨ।ਹਮਲੇ ਤੋਂ ਬਾਅਦ ਹਮਲਾਵਰ ਮੌਕੇ ਤੋਂ ਫਰਾਰ ਹੋ ਗਏ। ਕੋਰਟਾਜ਼ਰ ਦੇ ਸੁਰੱਖਿਆ ਵਿਭਾਗ ਨੇ ਇਕ ਬਿਆਨ ਵਿਚ ਕਿਹਾ ਕਿ ਹਮਲਾਵਰਾਂ ਨੇ ਰਿਜ਼ੋਰਟ ਨੂੰ ਵੀ ਭਾਰੀ ਨੁਕਸਾਨ ਪਹੁੰਚਾਇਆ ਅਤੇ ਸੁਰੱਖਿਆ ਕੈਮਰਿਆਂ ਨੂੰ ਤਬਾਹ ਕਰ ਦਿੱਤਾ। ਪੁਲਸ ਨੇ ਅਜੇ ਤੱਕ ਮੁਲਜ਼ਮਾਂ ਨੂੰ ਗ੍ਰਿਫ਼ਤਾਰ ਨਹੀਂ ਕੀਤਾ ਹੈ।

ਪੜ੍ਹੋ ਇਹ ਅਹਿਮ ਖ਼ਬਰ-57 ਫਰੈਕਚਰ, ਗੰਭੀਰ ਸੱਟਾਂ... ਨਸ਼ੇੜੀ ਮਾਪਿਆਂ ਨੇ ਲਈ 'ਮਾਸੂਮ' ਦੀ ਜਾਨ, ਸੁਣਵਾਈ ਦੌਰਾਨ ਰੋ ਪਿਆ ਜੱਜ

ਨੋਟ- ਇਸ ਖ਼ਬਰ ਬਾਰੇ ਕੁਮੈਂਟ ਕਰ ਦਿਓ ਰਾਏ।