ਗੂਗਲ ਨੇ ਆਰ.ਟੀ. ਸਪੂਤਨਿਕ ਨਾਲ ਸੰਬੰਧਿਤ ਐਪਸ ਨੂੰ ਕੀਤਾ ਬੈਨ

ਕੈਲੀਫੋਰਨੀਆ– ਗੂਗਲ ਨੇ ਰੂਸੀ ਆਰ.ਟੀ. ਪ੍ਰਸਾਰਕ ਅਤੇ ਸਪੂਤਨਿਕ ਨਿਊਜ਼ ਏਜੰਸੀ ਨਾਲ ਸੰਬੰਧਿਤ ਮੋਬਾਇਲ ਐਪਸ ’ਤੇ ਯੂਰਪ ’ਚ ਰੋਕ ਲਗਾ ਦਿੱਤੀ ਹੈ। ਇਹ ਫੈਸਲਾ ਅਮਰੀਕੀ ਕੰਪਨੀ ਦੁਆਰਾ ਮੰਗਲਵਾਰ ਨੂੰ ਯੂਕ੍ਰੇਨ ’ਚ ਵਿਸ਼ੇਸ਼ ਮੁਹਿੰਮ ਨੂੰ ਵੇਖਦੇ ਹੋਏ ਪੂਰੇ ਯੂਰਪ ਦੇ ਸਮਾਰਚਾਰ/ਨਿਊਜ਼ਨ ਚੈਨਲਾਂ ਨਾਲ ਜੁੜੇ ਯੂਟਿਊਬ ਚੈਨਲਾਂ ਨੂੰ ਬੈਨ ਕਰਨ ਤੋਂ ਬਾਅਦ ਲਿਆ ਗਿਆ ਹੈ। 

ਰੂਸ ਨਾਲ ਜੁੜੇ ਸਮਾਚਾਰ ਚੈਨਲਾਂ ਨੂੰ ਮੇਟਾ, ਟਿਕਟੌਕ ਅਤੋ ਹੋਰ ਆਈ.ਟੀ. ਦਿੱਗਜਾਂ ਦੁਆਰਾ ਟਾਰਗੇਟ ਕੀਤਾ ਗਿਆ ਹੈ ਕਿਉਂਕਿ ਯੂਰਪੀ ਸੰਘ ਦੀ ਪ੍ਰਧਾਨ ਉਰਸੁਲਾ ਵਾਰਨ ਡੇਰ ਲੇਯੇਨ ਨੇ ਐਤਵਾਰ ਨੂੰ ਯੂਕ੍ਰੇਨ ’ਚ ਰੂਸੀ ਫੌਜ ਮੁਹਿੰਮ ਵਿਚਕਾਰ ਰੂਸ ’ਤੇ ਲਗਾਈਆਂ ਗਈਆਂ ਨਵੀਆਂ ਪਾਬੰਦੀਆਂ ’ਚ ਆਰ.ਟੀ. ਸਪੂਤਨਿਕ ਅਤੇ ਉਨ੍ਹਾਂ ਦੀਆਂ ਸਹਾਇਕ ਕੰਪਨੀਆਂ ਸਮੇਤ ਸੂਬੇ ਦੀ ਮਲਕੀਅਤ ਵਾਲੇ ਰੂਸੀ ਮੀਡੀਆ ਚੈਨਲਾਂ ’ਤੇ ਪਾਬੰਦੀ ਲਗਾਉਣ ਦਾ ਐਲਾਨ ਕੀਤਾ ਸੀ।