Gen-Z ਨੇ ਇਕ ਹੋਰ ਦੇਸ਼ ''ਚ ਪਾ''ਤੀਆਂ ਭਾਜੜਾਂ! ਰਾਸ਼ਟਰਪਤੀ ਦੇ ਅਸਤੀਫ਼ੇ ਦੀ ਮੰਗ, 1 ਦੀ ਮੌਤ ਤੇ 100 ਜ਼ਖਮੀ

ਵੈੱਬ ਡੈਸਕ : ਦੱਖਣੀ ਏਸ਼ੀਆਈ ਦੇਸ਼ ਨੇਪਾਲ ਅਤੇ ਅਫਰੀਕੀ ਦੇਸ਼ ਮੈਡਾਗਾਸਕਰ ਤੋਂ ਬਾਅਦ ਲਾਤੀਨੀ ਅਮਰੀਕੀ ਦੇਸ਼ ਪੇਰੂ ਵੀ Gen-Z ਨੌਜਵਾਨਾਂ ਦੇ ਵਿਰੋਧ ਪ੍ਰਦਰਸ਼ਨਾਂ ਦੀ ਮਾਰ ਹੇਠ ਆਇਆ ਹੈ। ਬਿਹਤਰ ਭਵਿੱਖ ਦੀ ਮੰਗ ਨਾਲ ਸ਼ੁਰੂ ਹੋਇਆ ਇਹ ਅੰਦੋਲਨ ਹੁਣ ਦੇਸ਼ ਦੇ ਨਵੇਂ ਰਾਸ਼ਟਰਪਤੀ, ਜੋਸ ਜੇਰੀਆਸ ਦੇ ਅਸਤੀਫ਼ੇ ਦੀ ਮੰਗ ਕਰ ਰਿਹਾ ਹੈ, ਜਦੋਂ ਕਿ ਰਾਸ਼ਟਰਪਤੀ ਨੇ ਅਸਤੀਫ਼ਾ ਦੇਣ ਤੋਂ ਸਾਫ਼ ਇਨਕਾਰ ਕਰ ਦਿੱਤਾ ਹੈ।

ਪੇਰੂ ਵਿਰੋਧ ਪ੍ਰਦਰਸ਼ਨਾਂ ਦੀ ਅੱਗ 'ਚ ਘਿਰ ਗਿਆ
ਹੁਣ ਤੱਕ ਦੇਸ਼ ਭਰ 'ਚ ਇਨ੍ਹਾਂ ਹਿੰਸਕ ਵਿਰੋਧ ਪ੍ਰਦਰਸ਼ਨਾਂ ਦੌਰਾਨ ਇੱਕ ਪ੍ਰਦਰਸ਼ਨਕਾਰੀ ਦੀ ਮੌਤ ਹੋ ਗਈ ਹੈ ਤੇ ਘੱਟੋ-ਘੱਟ 100 ਲੋਕ ਜ਼ਖਮੀ ਹੋ ਗਏ ਹਨ। ਜ਼ਖਮੀਆਂ 'ਚ ਲਗਭਗ 80 ਪੁਲਸ ਅਧਿਕਾਰੀ ਤੇ 10 ਪੱਤਰਕਾਰ ਸ਼ਾਮਲ ਹਨ। ਇਹ ਅੰਦੋਲਨ ਲਗਭਗ ਇੱਕ ਮਹੀਨਾ ਪਹਿਲਾਂ ਨੌਜਵਾਨਾਂ ਲਈ ਬਿਹਤਰ ਤਨਖਾਹਾਂ ਤੇ ਪੈਨਸ਼ਨਾਂ ਦੀ ਮੰਗ ਕਰਦੇ ਹੋਏ ਸ਼ੁਰੂ ਹੋਇਆ ਸੀ।

ਅੰਦੋਲਨ ਦੇ ਮੁੱਖ ਕਾਰਨ:
ਤਨਖਾਹ ਅਤੇ ਪੈਨਸ਼ਨਾਂ: ਨੌਜਵਾਨਾਂ ਲਈ ਬਿਹਤਰ ਸਮਾਜਿਕ-ਆਰਥਿਕ ਭਵਿੱਖ ਦੀ ਮੰਗ।
ਰਾਜਨੀਤਿਕ ਅਸਥਿਰਤਾ: ਪ੍ਰਦਰਸ਼ਨਕਾਰੀਆਂ ਨੇ 10 ਅਕਤੂਬਰ ਨੂੰ ਉਨ੍ਹਾਂ ਦੇ ਸਹੁੰ ਚੁੱਕਣ ਤੋਂ ਬਾਅਦ ਨਵੇਂ ਰਾਸ਼ਟਰਪਤੀ (ਇੱਕ ਦਹਾਕੇ 'ਚ ਸੱਤਵੇਂ ਰਾਸ਼ਟਰਪਤੀ) ਤੇ ਕੁਝ ਕਾਨੂੰਨ ਨਿਰਮਾਤਾਵਾਂ ਦੇ ਅਸਤੀਫ਼ੇ ਦੀ ਮੰਗ ਕੀਤੀ।
ਭ੍ਰਿਸ਼ਟਾਚਾਰ ਤੇ ਅਪਰਾਧ: ਪ੍ਰਦਰਸ਼ਨਕਾਰੀ ਦੇਸ਼ 'ਚ ਵਧ ਰਹੇ ਅਪਰਾਧ ਤੇ ਭ੍ਰਿਸ਼ਟਾਚਾਰ 'ਤੇ ਵੀ ਗੁੱਸਾ ਪ੍ਰਗਟ ਕਰ ਰਹੇ ਹਨ।
ਰਾਸ਼ਟਰਪਤੀ ਜੋਸ ਜੈਰੀ ਦੇ ਅਸਤੀਫ਼ਾ ਦੇਣ ਤੋਂ ਇਨਕਾਰ ਕਾਰਨ ਵਿਰੋਧ ਪ੍ਰਦਰਸ਼ਨ ਹੋਏ ਤੇਜ਼।

ਹਿੱਪ-ਹੌਪ ਗਾਇਕ ਐਡੁਆਰਡੋ ਰੂਇਜ਼ ਦੀ ਮੌਤ
ਅਧਿਕਾਰੀਆਂ ਨੇ ਵਿਰੋਧ ਪ੍ਰਦਰਸ਼ਨਾਂ ਦੌਰਾਨ ਹੋਈ ਮੌਤ ਦੀ ਜਾਂਚ ਸ਼ੁਰੂ ਕਰ ਦਿੱਤੀ ਹੈ। ਮ੍ਰਿਤਕ ਦੀ ਪਛਾਣ 32 ਸਾਲਾ ਹਿੱਪ-ਹੌਪ ਗਾਇਕ ਅਤੇ ਪ੍ਰਦਰਸ਼ਨਕਾਰੀ ਐਡੁਆਰਡੋ ਰੂਇਜ਼ ਵਜੋਂ ਹੋਈ ਹੈ। ਅਧਿਕਾਰੀਆਂ ਦਾ ਕਹਿਣਾ ਹੈ ਕਿ ਹਜ਼ਾਰਾਂ ਨੌਜਵਾਨਾਂ ਦੇ ਇੱਕ ਵਿਸ਼ਾਲ ਪ੍ਰਦਰਸ਼ਨ ਦੌਰਾਨ ਰੂਇਜ਼ ਨੂੰ ਗੋਲੀ ਮਾਰ ਦਿੱਤੀ ਗਈ ਸੀ।

ਨਵੇਂ ਰਾਸ਼ਟਰਪਤੀ ਜੋਸ ਜੈਰੀ ਕੌਣ ਹਨ?
ਪੇਰੂ ਦੇ ਨਵੇਂ ਰਾਸ਼ਟਰਪਤੀ, ਜੋਸ ਜੈਰੀ, 38 ਸਾਲ ਦੇ ਹਨ ਅਤੇ ਪਹਿਲਾਂ ਕਾਂਗਰਸ ਦੇ ਪ੍ਰਧਾਨ ਵਜੋਂ ਸੇਵਾ ਨਿਭਾ ਚੁੱਕੇ ਹਨ। ਉਨ੍ਹਾਂ ਨੇ ਰਾਸ਼ਟਰਪਤੀ ਦਾ ਅਹੁਦਾ ਸੰਭਾਲਣ 'ਤੇ ਦੇਸ਼ 'ਚ ਅਪਰਾਧ ਨੂੰ ਕੰਟਰੋਲ ਕਰਨ ਦਾ ਵਾਅਦਾ ਕੀਤਾ ਸੀ। ਜੈਰੀ ਨੇ ਪ੍ਰਦਰਸ਼ਨਕਾਰੀਆਂ ਦੀ ਆਲੋਚਨਾ ਕੀਤੀ ਹੈ, ਉਨ੍ਹਾਂ ਨੂੰ ਜਨਰਲ-ਜ਼ੈਡ ਅੰਦੋਲਨਕਾਰੀਆਂ ਦਾ 'ਗੈਂਗ' ਕਿਹਾ ਹੈ ਜੋ ਪੜ੍ਹਾਈ ਅਤੇ ਕੰਮ ਕਰਨ ਵਾਲੇ ਨੌਜਵਾਨਾਂ ਦੀ ਨੁਮਾਇੰਦਗੀ ਨਹੀਂ ਕਰਦੇ।

ਜੈਰੀ ਨੂੰ ਇਸ ਲਈ ਵੀ ਆਲੋਚਨਾ ਦਾ ਸਾਹਮਣਾ ਕਰਨਾ ਪੈ ਰਿਹਾ ਹੈ ਕਿਉਂਕਿ ਅਹੁਦਾ ਸੰਭਾਲਣ ਤੋਂ ਪਹਿਲਾਂ ਉਨ੍ਹਾਂ 'ਤੇ ਬਲਾਤਕਾਰ ਦੇ ਦੋਸ਼ਾਂ ਦੀ ਜਾਂਚ ਚੱਲ ਰਹੀ ਸੀ। ਪੇਰੂ ਦੀ ਕਾਂਗਰਸ ਨੇ ਹਾਲ ਹੀ ਵਿੱਚ ਪਿਛਲੀ ਰਾਸ਼ਟਰਪਤੀ, ਦੀਨਾ ਬੋਲੁਆਰਟੇ ਨੂੰ ਹਟਾ ਦਿੱਤਾ ਹੈ। ਪੇਰੂ ਵਿੱਚ ਇਹ ਜਨਰਲ-ਜ਼ੈੱਡ ਅੰਦੋਲਨ ਇੱਕ ਵਿਸ਼ਵਵਿਆਪੀ ਰੁਝਾਨ ਦਾ ਹਿੱਸਾ ਹੈ ਜਿਸ ਵਿੱਚ ਨੌਜਵਾਨ ਆਪਣੀਆਂ ਸਰਕਾਰਾਂ ਵਿਰੁੱਧ ਆਰਥਿਕ ਅਤੇ ਰਾਜਨੀਤਿਕ ਅਸੰਤੁਸ਼ਟੀ ਪ੍ਰਗਟ ਕਰ ਰਹੇ ਹਨ।

ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ

For Android:- https://play.google.com/store/apps/details?id=com.jagbani&hl=en

For IOS:- https://itunes.apple.com/in/app/id538323711?mt=8

For Whatsapp:- https://whatsapp.com/channel/0029Va94hsaHAdNVur4L170e