ਫਰਾਂਸ ਨੇ ਸਰਕਾਰੀ ਸਕੂਲਾਂ ''ਚ ਵਿਦਿਆਰਥਣਾਂ ਦੇ ਅਬਾਯਾ ਪਹਿਨਣ ''ਤੇ ਲਗਾਈ ਪਾਬੰਦੀ

ਪੈਰਿਸ- ਫਰਾਂਸ ਸਰਕਾਰ ਨੇ ਸਕੂਲ ਯੂਨੀਫਾਰਮ ਨੂੰ ਲੈ ਕੇ ਇਕ ਵਾਰ ਫਿਰ ਵੱਡਾ ਫ਼ੈਸਲਾ ਲਿਆ ਹੈ। ਫਰਾਂਸ ਦੇ ਸਿੱਖਿਆ ਮੰਤਰੀ ਨੇ ਐਤਵਾਰ ਨੂੰ ਦੱਸਿਆ ਕਿ ਸਰਕਾਰੀ ਸਕੂਲਾਂ 'ਚ ਅਬਾਯਾ ਪਹਿਨਣ 'ਤੇ ਪਾਬੰਦੀ ਹੋਵੇਗੀ। ਇੱਥੇ ਦੱਸ ਦਈਏ ਕਿ ਅਬਾਯਾ ਇੱਕ ਪੂਰੀ-ਲੰਬਾਈ ਦਾ ਢਿੱਲੀ-ਫਿਟਿੰਗ ਵਾਲਾ ਪਹਿਰਾਵਾ ਹੈ ਜੋ ਮੁਸਲਮਾਨ ਔਰਤਾਂ ਦੁਆਰਾ ਪਹਿਨਿਆ ਜਾਂਦਾ ਹੈ। ਫਰਾਂਸ ਨੇ ਪਹਿਲਾਂ ਸਕੂਲਾਂ ਵਿੱਚ ਸਿਰ ਦੇ ਸਕਾਰਫ਼ ਪਹਿਨਣ 'ਤੇ ਪਾਬੰਦੀ ਲਗਾਈ ਸੀ ਅਤੇ ਫਿਰ 2010 ਤੋਂ ਜਨਤਕ ਤੌਰ 'ਤੇ ਪੂਰੇ ਚਿਹਰੇ ਦੇ ਨਕਾਬ ਪਹਿਨਣ 'ਤੇ ਪਾਬੰਦੀ ਲਗਾ ਦਿੱਤੀ। ਹਾਲਾਂਕਿ ਫਰਾਂਸ ਦੇ ਇਨ੍ਹਾਂ ਫ਼ੈਸਲਿਆਂ ਖ਼ਿਲਾਫ਼ ਵਿਰੋਧ ਪ੍ਰਦਰਸ਼ਨ ਹੋਏ ਪਰ ਪਾਬੰਦੀਆਂ ਅਜੇ ਵੀ ਜਾਰੀ ਹਨ।

ਫਰਾਂਸ ਨੇ ਰਾਜ ਦੇ ਸਕੂਲਾਂ ਵਿੱਚ ਧਾਰਮਿਕ ਚਿੰਨ੍ਹਾਂ 'ਤੇ ਸਖ਼ਤੀ ਨਾਲ ਪਾਬੰਦੀ ਲਗਾਈ ਹੈ ਅਤੇ ਮੁਸਲਮਾਨਾਂ ਦੀ ਵਧਦੀ ਆਬਾਦੀ ਨੂੰ ਦੇਖਦੇ ਹੋਏ ਨਿਯਮ ਬਣਾਉਣ ਲਈ ਸੰਘਰਸ਼ ਕੀਤਾ ਹੈ। ਫ੍ਰੈਂਚ ਪਬਲਿਕ ਸਕੂਲਾਂ ਵਿੱਚ ਵੱਡੇ ਕਰਾਸ, ਯਹੂਦੀ ਕਿਪਾ ਜਾਂ ਇਸਲਾਮੀ ਹੈੱਡ ਸਕਾਰਫ਼ ਪਹਿਨਣ ਦੀ ਇਜਾਜ਼ਤ ਨਹੀਂ ਹੈ। ਸਿੱਖਿਆ ਮੰਤਰੀ ਗੈਬਰੀਅਲ ਅਟਲ ਨੇ ਕਿਹਾ ਕਿ ਮੈਂ ਫ਼ੈਸਲਾ ਕੀਤਾ ਹੈ ਕਿ ਸਕੂਲਾਂ ਵਿੱਚ ਅਬਾਯਾ ਨਹੀਂ ਪਹਿਨਿਆ ਜਾਵੇਗਾ। ਜਦੋਂ ਤੁਸੀਂ ਇੱਕ ਕਲਾਸਰੂਮ ਵਿੱਚ ਜਾਂਦੇ ਹੋ, ਤਾਂ ਤੁਹਾਨੂੰ ਸਿਰਫ਼ ਉਹਨਾਂ ਨੂੰ ਦੇਖ ਕੇ ਵਿਦਿਆਰਥੀਆਂ ਦਾ ਧਰਮ ਦੱਸਣ ਦੇ ਯੋਗ ਨਹੀਂ ਹੋਣਾ ਚਾਹੀਦਾ। ਇਹ ਫ਼ੈਸਲਾ ਫ੍ਰੈਂਚ ਸਕੂਲਾਂ ਵਿਚ ਅਬਾਯਾ ਪਹਿਨਣ 'ਤੇ ਮਹੀਨਿਆਂ ਦੀ ਚਰਚਾ ਤੋਂ ਬਾਅਦ ਆਇਆ ਹੈ। ਫਰਾਂਸ ਵਿਚ ਔਰਤਾਂ ਨੂੰ ਹਿਜਾਬ ਪਹਿਨਣ 'ਤੇ ਪਹਿਲਾਂ ਹੀ ਰਵਾਇਤੀ ਤੌਰ 'ਤੇ ਪਾਬੰਦੀ ਲਗਾਈ ਗਈ ਹੈ।

ਪੜ੍ਹੋ ਇਹ ਅਹਿਮ ਖ਼ਬਰ- ਮਾਣ ਦੀ ਗੱਲ, ਸਿੰਗਾਪੁਰ ਯੂਨੀਵਰਸਿਟੀ 'ਚ 'ਸਿੱਖੀ' ਬਾਰੇ ਲੈਕਚਰ ਦੇਣਗੇ ਭਾਰਤੀ ਮੂਲ ਦੇ ਬ੍ਰਿਟਿਸ਼ ਸਿੱਖ ਪ੍ਰੋਫੈਸਰ

ਕਈ ਮੁਸਲਿਮ ਸੰਗਠਨਾਂ ਦੀ ਨੁਮਾਇੰਦਗੀ ਕਰਨ ਵਾਲੀ ਰਾਸ਼ਟਰੀ ਸੰਸਥਾ ਫ੍ਰੈਂਚ ਕੌਂਸਲ ਆਫ ਦਿ ਮੁਸਲਿਮ ਫੇਥ (ਸੀਐਫਸੀਐਮ) ਅਨੁਸਾਰ ਇਕੱਲੇ ਕੱਪੜੇ ਧਾਰਮਿਕ ਚਿੰਨ੍ਹ ਨਹੀਂ ਹਨ। ਉੱਥੇ ਬ੍ਰਿਟੇਨ 'ਚ 50 ਲੱਖ ਤੋਂ ਜ਼ਿਆਦਾ ਮੁਸਲਿਮ ਆਬਾਦੀ ਹੈ, ਜੋ ਸਰਕਾਰ ਦੇ ਫ਼ੈਸਲਿਆਂ ਤੋਂ ਨਾਰਾਜ਼ ਹੈ।

ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ
For Android:- https://play.google.com/store/apps/details?id=com.jagbani&hl=en
For IOS:- https://itunes.apple.com/in/app/id538323711?mt=8

ਨੋਟ- ਇਸ ਖ਼ਬਰ ਬਾਰੇ ਕੁਮੈਂਟ ਕਰ ਦਿਓ ਰਾਏ।