ਫਰਾਂਸ ਵੱਲੋਂ ਭਾਰਤ ਨੂੰ 36 ਹੋਰ ਰਾਫੇਲ ਜਹਾਜ਼ ਦੇਣ ਦੀ ਪੇਸ਼ਕਸ਼

ਪੈਰਿਸ (ਬਿਊਰੋ)— ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਵੀਰਵਾਰ ਨੂੰ ਜੀ-7 ਸਿਖਰ ਸੰਮੇਲਨ ਲਈ ਯੂਰਪੀ ਦੇਸ਼ ਫਰਾਂਸ ਦੇ 2 ਦਿਨੀਂ ਦੌਰੇ 'ਤੇ ਜਾਣਗੇ। ਇਸ ਦੌਰਾਨ ਫਰਾਂਸ ਵੱਲੋਂ ਭਾਰਤ ਨੂੰ ਵਾਧੂ ਰਾਫੇਲ ਜਹਾਜ਼ ਦੇਣ ਦੀ ਸੰਭਾਵਨਾ ਹੈ। ਸੂਤਰਾਂ ਨੇ ਇਹ ਜਾਣਕਾਰੀ ਦਿੱਤੀ। ਸੂਤਰਾਂ ਮੁਤਾਬਕ ਫ੍ਰਾਂਸੀਸੀ ਪੱਖ ਭਾਰਤੀ ਹਵਾਈ ਫੌਜ ਨੂੰ ਦੋ ਹੋਰ ਸਕੁਐਡਰਨ ਮਤਲਬ 36 ਵਾਧੂ ਰਾਫੇਲ ਜਹਾਜ਼ਾਂ ਦੀ ਤੁਰੰਤ ਵਿਕਰੀ ਦੀ ਪੇਸ਼ਕਸ਼ ਕਰਨ ਜਾ ਰਿਹਾ ਹੈ।

ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਫਰਾਂਸ ਦੇ ਰਾਸ਼ਟਰਪਤੀ ਇਮੈਨੁਅਲ ਮੈਕਰੋਂ ਨਾਲ ਦੋ-ਪੱਖੀ ਵਾਰਤਾ ਕਰਨਗੇ। ਇਸ਼ ਦੌਰਾਨ ਦੋਹਾਂ ਵਿਚ ਵਪਾਰ, ਨਿਵੇਸ਼, ਰੱਖਿਆ, ਸਮੁੰਦਰੀ ਸੁਰੱਖਿਆ, ਅੱਤਵਾਦ ਨਾਲ ਨਜਿੱਠਣ ਅਤੇ ਸਿਵਲ ਪਰਮਾਣੂ ਉਰਜਾ ਦੇ ਖੇਤਰ ਵਿਚ ਸਹਿਯੋਗ ਨੂੰ ਮਜ਼ਬੂਤ ਕਰਨ 'ਤੇ ਚਰਚਾ ਹੋਵੇਗੀ। ਮੈਕਰੋਂ ਪੈਰਿਸ ਤੋਂ 60 ਕਿਲੋਮੀਟਰ ਦੂਰ ਓਇਜ਼ ਵਿਚ ਸਥਿਤ 19ਵੀਂ ਸਦੀ ਦੀ ਸ਼ੇਟੋ ਜੀ ਚੇਂਟਿਲੀ ਵਿਚ ਮੋਦੀ ਦੇ ਰਾਤ ਦੇ ਭੋਜਨ ਦੀ ਮੇਜ਼ਬਾਨੀ ਕਰਨਗੇ।

ਜਾਣਕਾਰੀ ਮੁਤਾਬਕ 36 ਰਾਫੇਲ ਜਹਾਜ਼ਾਂ ਲਈ 2016 ਦੇ ਸੌਦੇ ਦੇ ਤਹਿਤ 7.87 ਬਿਲੀਅਨ ਯੂਰੋ ਲਈ ਦਸਤਖਤ ਕੀਤੇ ਗਏ ਸਨ। ਸੂਤਰਾਂ ਮੁਤਾਬਕ ਵਾਧੂ 36 ਜਹਾਜ਼ਾਂ ਦੀ ਕੀਮਤ ਕਾਫੀ ਘੱਟ ਹੋਵੇਗੀ ਕਿਉਂਕਿ ਨਿਰਧਾਰਤ ਖਰਚਿਆਂ ਲਈ ਭੁਗਤਾਨ ਪਹਿਲਾਂ ਹੀ ਕੀਤਾ ਜਾ ਚੁੱਕਾ ਹੈ। ਅਧਿਕਾਰੀਆਂ ਨੇ ਕਿਹਾ ਕਿ ਰਾਫੇਲ ਦੇ ਦੋ ਏਅਰਬੇਸ ਬਿਨਾਂ ਕਿਸੇ ਤਬਦੀਲੀ ਦੇ ਵਾਧੂ ਜਹਾਜ਼ਾਂ ਨੂੰ ਤਾਇਨਾਤ ਕਰਨ ਵਿਚ ਸਮਰੱਥ ਹਨ। ਮੁਲਾਂਕਣ ਇਹ ਹੈ ਕਿ ਫਰਾਂਸ ਦੋ ਹੋਰ ਸਕੁਐਡਰਨ ਦੀ ਸਪਲਾਈ ਲਈ 6 ਬਿਲੀਅਨ ਯੂਰੋ ਤੋਂ ਘੱਟ ਦੀ ਬੋਲੀ ਲਗਾ ਸਕਦਾ ਹੈ। 

ਭਾਰਤੀ ਹਵਾਈ ਫੌਜ ਲਈ ਪਹਿਲੇ ਰਾਫੇਲ ਜੈੱਟ ਦੀ ਹਵਾਲਗੀ 19 ਸਤੰਬਰ ਨੂੰ ਹੋਣ ਦੀ ਸੰਭਾਵਨਾ ਹੈ। ਇਸ ਦੌਰਾਨ ਰੱਖਿਆ ਮੰਤਰੀ ਰਾਜਨਾਥ ਸਿੰਘ ਦੀ ਫਰਾਂਸ ਦੀ ਯਾਤਰਾ ਕਰਨ ਦੀ ਆਸ ਹੈ। ਸਾਲ 2016 ਦੇ ਸੌਦੇ ਮੁਤਾਬਕ ਅਗਲੇ ਤਿੰਨ ਸਾਲਾਂ ਵਿਚ 36 ਜੈੱਟ ਭਾਰਤ ਨੂੰ ਦਿੱਤੇ ਜਾਣਗੇ। ਇਹ ਉਨੱਤ ਹਥਿਆਰਾਂ ਨਾਲ ਲੈਸ ਹੋਣਗੇ, ਜਿਸ ਵਿਚ ਲੰਬੀ ਦੂਰੀ ਦੀ ਉਲਕਾਪਿੰਡ ਵਾਲੀ ਏਅਰ ਮਿਜ਼ਾਈਲ ਸਮੇਤ ਆਧੁਨਿਕ ਹਥਿਆਰ ਵੀ ਸ਼ਾਮਲ ਹਨ ਜੋ ਗੁਆਂਢੀ ਖੇਤਰ ਦੇ ਸਾਰੇ ਲੜਾਕੂ ਜੈੱਟਾਂ ਨੂੰ ਪਿੱਛੇ ਛੱਡ ਦੇਣਗੇ। 

ਡਿਲੀਵਰ ਕੀਤੇ ਜਾਣ ਵਾਲੇ ਰਾਫੇਲ ਜੈੱਟ ਜਹਾਜ਼ਾਂ ਵਿਚ SCALP ਏਅਰ ਟੂ-ਗਰਾਊਂਡ ਮਿਜ਼ਾਈਲ ਵੀ ਸ਼ਾਮਲ ਹੋਵੇਗੀ, ਜਿਸ ਦਾ ਸਟੀਕ ਟੀਚਾ 300 ਕਿਲੋਮੀਟਰ ਤੋਂ ਵੱਧ ਹੈ। ਇਹ ਭਾਰਤ ਨੂੰ ਆਪਣੇ ਹਵਾਈ ਖੇਤਰ ਦੇ ਅੰਦਰੋਂ ਪਾਕਿਸਤਾਨ ਦੇ ਅੰਦਰ ਸਥਿਤ ਕਿਸੇ ਵੀ ਅੱਤਵਾਦੀ ਕੈਂਪ ਨੂੰ ਨਿਸ਼ਾਨਾ ਬਣਾਉਣ ਦੇ ਯੋਗ ਬਣਾਏਗਾ।