ਅਫਗਾਨਿਸਤਾਨ ''ਚ ਪਹਿਲਾ ਤਾਲਿਬਾਨੀ ਫਤਵਾ ਜਾਰੀ, ਲੜਕੇ-ਲੜਕੀਆਂ ਨਹੀਂ ਪੜ੍ਹਣਗੇ ਇਕੱਠੇ

ਕਾਬੁਲ - ਤਾਲਿਬਾਨ ਤੋਂ ਪਹਿਲਾ ਫਤਵਾ ਜਾਰੀ ਕਰ ਦਿੱਤਾ ਗਿਆ ਹੈ। ਖਾਮਾ ਨਿਊਜ਼ ਨੇ ਦੱਸਿਆ ਕਿ ਅਫਗਾਨਿਸਤਾਨ ਦੇ ਹੇਰਾਤ ਸੂਬੇ ਵਿੱਚ ਤਾਲਿਬਾਨ ਅਧਿਕਾਰੀਆਂ ਨੇ ਸਰਕਾਰੀ ਅਤੇ ਨਿੱਜੀ ਯੂਨੀਵਰਸਿਟੀਆਂ ਨੂੰ ਹੁਕਮ ਦਿੱਤਾ ਹੈ ਕਿ ਲੜਕੀਆਂ ਨੂੰ ਹੁਣ ਲੜਕਿਆਂ ਦੇ ਨਾਲ ਇੱਕ ਹੀ ਜਮਾਤ ਵਿੱਚ ਨਹੀਂ ਬੈਠਣ ਦਿੱਤਾ ਜਾਵੇਗਾ। ਯੂਨੀਵਰਸਿਟੀ ਦੇ ਲੈਕਚਰਾਰਾਂ, ਨਿੱਜੀ ਸੰਸਥਾਨਾਂ ਦੇ ਮਾਲਿਕਾਂ ਅਤੇ ਤਾਲਿਬਾਨ ਅਧਿਕਾਰੀਆਂ ਵਿੱਚ ਤਿੰਨ ਘੰਟੇ ਦੀ ਬੈਠਕ ਵਿੱਚ, ਕਿਹਾ ਗਿਆ ਕਿ ਸਹਿ-ਸਿੱਖਿਆ ਜਾਰੀ ਰੱਖਣ ਦਾ ਕੋਈ ਵਿਕਲਪ ਅਤੇ ਜਾਇਜ਼ ਨਹੀਂ ਹੈ ਅਤੇ ਇਸ ਨੂੰ ਖ਼ਤਮ ਕੀਤਾ ਜਾਣਾ ਚਾਹੀਦਾ ਹੈ। ਅਫਗਾਨਿਸਤਾਨ ਵਿੱਚ ਸਹਿ-ਸਿੱਖਿਆ ਅਤੇ ਵੱਖ-ਵੱਖ ਜਮਾਤਾਂ ਦਾ ਮਿਕਸ ਸਿਸਟਮ ਹੈ, ਜਿਸ ਵਿੱਚ ਵੱਖ-ਵੱਖ ਜਮਾਤਾਂ ਸੰਚਾਲਿਤ ਕਰਨ ਵਾਲੇ ਸਕੂਲ ਹਨ, ਜਦੋਂ ਕਿ ਦੇਸ਼ ਭਰ ਦੇ ਸਰਕਾਰੀ ਅਤੇ ਨਿੱਜੀ ਯੂਨੀਵਰਸਿਟੀਆਂ ਅਤੇ ਸੰਸਥਾਨਾਂ ਵਿੱਚ ਸਹਿ-ਸਿੱਖਿਆ ਲਾਗੂ ਕੀਤੀ ਜਾਂਦੀ ਹੈ।

ਇਹ ਵੀ ਪੜ੍ਹੋ - ਇਸਲਾਮਾਬਾਦ ਮਹਿਲਾ ਮਦਰੱਸਾ 'ਚ ਲਹਿਰਾਇਆ ਤਾਲਿਬਾਨ ਦਾ ਝੰਡਾ, ਹੁਣ PAK 'ਚ ਵੀ ਐਂਟਰੀ!

ਹੇਰਾਤ ਸੂਬੇ ਦੇ ਲੈਕਚਰਾਰਾਂ ਨੇ ਦਲੀਲ਼ ਦਿੱਤਾ ਹੈ ਕਿ ਸਰਕਾਰੀ ਯੂਨੀਵਰਸਿਟੀ ਅਤੇ ਸੰਸਥਾਨ ਵੱਖ-ਵੱਖ ਜਮਾਤਾਂ ਦਾ ਪ੍ਰਬੰਧ ਕਰ ਸਕਦੇ ਹਨ ਪਰ ਨਿੱਜੀ ਸੰਸਥਾਨਾਂ ਵਿੱਚ ਮਹਿਲਾ ਵਿਦਿਆਰਥੀਆਂ ਦੀ ਸੀਮਤ ਗਿਣਤੀ ਕਾਰਨ ਵੱਖ-ਵੱਖ ਜਮਾਤਾਂ ਦਾ ਪ੍ਰਬੰਧ ਨਹੀਂ ਕਰ ਸਕਦੇ। ਅਫਗਾਨਿਸਤਾਨ ਇਸਲਾਮਿਕ ਅਮੀਰਾਤ ਦੇ ਉੱਚ ਸਿੱਖਿਆ ਪ੍ਰਮੁੱਖ ਮੁੱਲਾਂ ਫਰੀਦ, ਜੋ ਹੇਰਾਤ ਵਿੱਚ ਹੋਈ ਬੈਠਕ ਵਿੱਚ ਤਾਲਿਬਾਨ ਦੀ ਤਰਜਮਾਨੀ ਕਰ ਰਹੇ ਸਨ, ਨੇ ਕਿਹਾ ਹੈ ਕਿ ਸਹਿ-ਸਿੱਖਿਆ ਨੂੰ ਖ਼ਤਮ ਕੀਤਾ ਜਾਣਾ ਚਾਹੀਦਾ ਹੈ ਕਿਉਂਕਿ ਵਿਵਸਥਾ ਸਮਾਜ ਵਿੱਚ ਸਾਰੀਆਂ ਬੁਰਾਈਆਂ ਦੀ ਜੜ ਹੈ।

ਇਹ ਵੀ ਪੜ੍ਹੋ - EU ਨੇ ਤਾਲਿਬਾਨ ਨੂੰ ਮਾਨਤਾ ਦੇਣ ਤੋਂ ਕੀਤਾ ਇਨਕਾਰ, ਕਿਹਾ- ਅੱਤਵਾਦੀਆਂ ਨਾਲ ਗੱਲ ਨਹੀਂ ਹੋਵੇਗੀ

ਫਰੀਦ ਨੇ ਇੱਕ ਵਿਕਲਪ ਦੇ ਰੂਪ ਵਿੱਚ ਸੁਝਾਅ ਦਿੱਤਾ ਕਿ ਮਹਿਲਾ ਲੈਕਚਰਾਰਾਂ ਜਾਂ ਬਜ਼ੁਰਗ ਪੁਰਸ਼ ਜੋ ਗੁਣੀ ਹਨ, ਉਨ੍ਹਾਂ ਨੂੰ ਮਹਿਲਾ ਵਿਦਿਆਰਥੀਆਂ ਨੂੰ ਪੜ੍ਹਾਉਣ ਦੀ ਆਗਿਆ ਹੈ ਅਤੇ ਸਹਿ-ਸਿੱਖਿਆ ਲਈ ਨਾ ਤਾਂ ਕੋਈ ਵਿਕਲਪ ਹੈ ਅਤੇ ਨਾ ਹੀ ਕੋਈ ਜ਼ਰੂਰਤ ਹੈ। ਹੇਰਾਤ ਵਿੱਚ ਲੈਕਚਰਾਰਾਂ ਨੇ ਕਿਹਾ, ਹਾਲਾਂਕਿ ਨਿੱਜੀ ਸੰਸਥਾਨ ਵੱਖ-ਵੱਖ ਜਮਾਤਾਂ ਦਾ ਖ਼ਰਚ ਨਹੀਂ ਚੁੱਕ ਸਕਦੇ ਹਨ, ਇਸ ਲਈ ਹਜ਼ਾਰਾਂ ਲੜਕੀਆਂ ਉੱਚ ਸਿੱਖਿਆ ਤੋਂ ਵਾਂਝੀਆਂ ਰਹਿ ਸਕਦੀਆਂ ਹਨ। ਦੱਸ ਦਈਏ ਕਿ ਸੂਬੇ ਵਿੱਚ ਨਿੱਜੀ ਅਤੇ ਸਰਕਾਰੀ ਯੂਨੀਵਰਸਿਟੀਆਂ ਅਤੇ ਸੰਸਥਾਨਾਂ ਵਿੱਚ ਲੱਗਭੱਗ 40,000 ਵਿਦਿਆਰਥੀ ਅਤੇ 2,000 ਲੈਕਚਰਾਰ ਹਨ।

ਨੋਟ- ਇਸ ਖ਼ਬਰ ਬਾਰੇ ਕੀ ਹੈ ਤੁਹਾਡੀ ਰਾਏ? ਕੁਮੈਂਟ ਕਰਕੇ ਦਿਓ ਜਵਾਬ।