ਕੈਨੇਡਾ ਦੇ ਸ਼ਹਿਰ ਸਰੀ ''ਚ ਦੋ ਘਰਾਂ ਨੂੰ ਲੱਗੀ ਅੱਗ, ਪੁਲਸ ਜਾਂਚ ਤਕ ਪੁੱਜਾ ਮਾਮਲਾ

Monday, Apr 13, 2020 - 12:14 PM (IST)

ਕੈਨੇਡਾ ਦੇ ਸ਼ਹਿਰ ਸਰੀ ''ਚ ਦੋ ਘਰਾਂ ਨੂੰ ਲੱਗੀ ਅੱਗ, ਪੁਲਸ ਜਾਂਚ ਤਕ ਪੁੱਜਾ ਮਾਮਲਾ

ਸਰੀ- ਕੈਨੇਡਾ ਦੇ ਸ਼ਹਿਰ ਸਰੀ ਵਿਚ ਐਤਵਾਰ ਸਵੇਰੇ ਇਕ ਘਰ ਵਿਚ ਅੱਗ ਲੱਗ ਗਈ ਜੋ ਗੁਆਂਢ ਦੇ ਦੋ ਘਰਾਂ ਤਕ ਪੁੱਜ ਗਈ। ਸਥਾਨਕ ਪੁਲਸ ਮੁਤਾਬਕ 126 ਏ ਸਟਰੀਟ ਦੇ 8000 ਬਲਾਕ ਵਿਚ ਸਵੇਰੇ 11.30 ਵਜੇ ਅੱਗ ਲੱਗਣ ਸਬੰਧੀ ਫਾਇਰ ਫਾਈਟਰਜ਼ ਨੂੰ ਦੱਸਿਆ ਗਿਆ। ਲਗਭਗ 20 ਫਾਇਰ ਫਾਈਟਰਾਂ ਨੇ ਅੱਗ 'ਤੇ ਕਾਬੂ ਪਾਇਆ ਪਰ ਅੱਗ ਦਾ ਸੇਕ ਕਈ ਘਰਾਂ ਤਕ ਪੁੱਜਾ। 

PunjabKesari

ਆਰ. ਸੀ. ਐੱਮ. ਪੀ. ਮੁਤਾਬਕ ਕਿਸੇ ਵੀ ਵਿਅਕਤੀ ਦੇ ਜ਼ਖਮੀ ਹੋਣ ਤੋਂ ਬਚਾਅ ਰਿਹਾ ਤੇ ਘਰਾਂ ਨੂੰ ਖਾਲੀ ਕਰਵਾ ਲਿਆ ਗਿਆ। ਦੱਸਿਆ ਜਾ ਰਿਹਾ ਹੈ ਕਿ ਜਿਸ ਘਰ ਵਿਚ ਅੱਗ ਲੱਗੀ, ਉੱਥੇ ਕੰਸਟਰਕਸ਼ਨ ਚੱਲ ਰਹੀ ਸੀ ਪਰ ਉੱਥੇ ਕੋਈ ਵਿਅਕਤੀ ਮੌਜੂਦ ਨਹੀਂ ਸੀ ਤੇ ਜਾਨੀ ਨੁਕਸਾਨ ਹੋਣ ਤੋਂ ਬਚਾਅ ਰਿਹਾ। ਕੁੱਝ ਸਮੇਂ ਲਈ ਲੋਕਾਂ ਨੂੰ ਇਸ ਖੇਤਰ ਵਿਚ ਨਾ ਜਾਣ ਦੀ ਸਲਾਹ ਦਿੱਤੀ ਗਈ ਹੈ। 

PunjabKesari

ਉੱਥੇ ਮੌਜੂਦ ਲੋਕਾਂ ਨੇ ਦੱਸਿਆ ਕਿ ਅੱਗ ਪਹਿਲਾਂ ਇਕ ਘਰ ਦੇ ਉਪਰਲੇ ਹਿੱਸੇ ਨੂੰ ਲੱਗੀ ਸੀ। ਪਲਾਂ ਵਿਚ ਹੀ ਧੂੰਆਂ ਤੇ ਅੱਗ ਫੈਲ ਕੇ ਹੋਰ ਘਰਾਂ ਵੱਲ ਵੱਧ ਗਏ। ਅੱਗ ਦੀਆਂ ਲਪਟਾਂ ਉੱਪਰ ਤੱਕ ਉਡਦੀਆਂ ਦਿਖਾਈ ਦੇ ਰਹੀਆਂ ਸਨ। ਇਸ ਕਾਰਨ ਇਕ ਪਰਿਵਾਰ ਬੇਘਰ ਹੋ ਗਿਆ ਹੈ ਜੋ ਕਈ ਹਫਤਿਆਂ ਤਕ ਆਪਣੇ ਅੰਦਰ ਵਾਪਸ ਨਹੀਂ ਜਾ ਸਕੇਗਾ। ਗੁਆਂਢ ਵਿਚ ਰਹਿੰਦੇ ਇਕ ਵਿਅਕਤੀ ਨੇ ਦੱਸਿਆ ਕਿ ਖੁਸ਼ਕਿਸਮਤੀ ਨਾਲ ਉਹ ਬਚ ਗਏ ਨਹੀਂ ਤਾਂ ਜਾਨੀ ਨੁਕਸਾਨ ਹੋ ਸਕਦਾ ਸੀ। ਫਿਲਹਾਲ ਪੁਲਸ ਵਲੋਂ ਜਾਂਚ ਕੀਤੀ ਜਾ ਰਹੀ ਹੈ ਕਿ ਇੱਥੇ ਅੱਗ ਕਿਵੇਂ ਲੱਗੀ।


author

Lalita Mam

Content Editor

Related News