ਏਲੀਅਨਸ਼ਿਪ ਵਰਗਾ ਦਿਖਾਈ ਦਿੰਦੈ ਇਹ ਫਾਈਟਰ ਜੈਟ, ਅਮਰੀਕਾ ਨੇ 40 ਸਾਲ ਪਹਿਲਾਂ ਹੀ ਕਰ ਲਿਆ ਸੀ ਤਿਆਰ

ਵਾਸ਼ਿੰਗਟਨ - 42 ਸਾਲ ਪਹਿਲਾਂ ਅਮਰੀਕਾ ਨੇ ਇੱਕ ਲੜਾਕੂ ਜਹਾਜ਼ ਬਣਾਇਆ ਸੀ ਜੋ ਕਿ ਏਲੀਅਨਸ਼ਿਪ ਵਰਗਾ ਦਿਖਾਈ ਦਿੰਦਾ ਸੀ। ਇਸ ਦਾ ਨਾਮ F-117 Nighhawk ਹੈ। ਇਹ ਆਪਣੇ ਸਮੇਂ ਵਿੱਚ ਭਵਿੱਖ ਦਾ ਏਅਰਕ੍ਰਾਫਟ ਸੀ। ਇਹ ਲਾਕਹੀਡ ਕਾਰਪੋਰੇਸ਼ਨ ਦੁਆਰਾ ਬਣਾਇਆ ਗਿਆ ਸੀ। ਕੁੱਲ 64 ਜਹਾਜ਼ ਬਣਾਏ ਗਏ ਸਨ। ਹੁਣ ਇਸਦੀ ਵਰਤੋਂ ਸਿਖਲਾਈ ਲਈ ਕੀਤੀ ਜਾਂਦੀ ਹੈ। ਇਹ ਜਹਾਜ਼ ਲੁੱਕ ਕੇ ਹਮਲਾ ਕਰਨ ਲਈ ਜਾਣਿਆ ਜਾਂਦਾ ਹੈ।

ਇਸ 65.11 ਫੁੱਟ ਲੰਬੇ ਏਅਰਕ੍ਰਾਫਟ ਨੂੰ ਸਿਰਫ ਇਕ ਪਾਇਲਟ ਦੁਆਰਾ ਉਡਾਇਆ ਜਾਂਦਾ ਹੈ। ਇਸ ਦੀ ਉਚਾਈ 12.5 ਫੁੱਟ ਹੈ। ਟੇਕਆਫ ਦੇ ਸਮੇਂ ਇਸ ਦਾ ਭਾਰ 23,814 ਕਿਲੋਗ੍ਰਾਮ ਹੈ। ਇਸ ਵਿੱਚ ਦੋ ਜਨਰਲ ਇਲੈਕਟ੍ਰਿਕ ਇੰਜਣ ਹਨ, ਜੋ ਇਸਨੂੰ 1100 ਕਿਲੋਮੀਟਰ ਪ੍ਰਤੀ ਘੰਟਾ ਦੀ ਸਬਸੋਨਿਕ ਸਪੀਡ ਦਿੰਦੇ ਹਨ। ਇਹ ਇੱਕ ਵਾਰ ਵਿੱਚ 1720 ਕਿਲੋਮੀਟਰ ਤੱਕ ਉੱਡ ਸਕਦਾ ਹੈ।

ਇਹ ਵੱਧ ਤੋਂ ਵੱਧ 45 ਹਜ਼ਾਰ ਫੁੱਟ ਦੀ ਉਚਾਈ ਤੱਕ ਜਾ ਸਕਦਾ ਹੈ। ਆਮ ਤੌਰ 'ਤੇ ਇਸ ਵਿਚ ਸਿਰਫ਼ ਬੰਬ ਹੀ ਲਗਾਏ ਜਾਂਦੇ ਸਨ। ਇਸ ਵਿੱਚ ਦੋ ਅੰਦਰੂਨੀ ਹਥਿਆਰ ਬੇਅ ਹਨ। ਜਿਸ ਵਿੱਚ ਲੇਜ਼ਰ ਗਾਈਡਡ ਬੰਬ ਜਾਂ ਪ੍ਰਮਾਣੂ ਬੰਬ ਲਗਾਏ ਜਾ ਸਕਦੇ ਹਨ। ਵਰਤਮਾਨ ਵਿੱਚ ਇਸਦੀ ਵਰਤੋਂ ਅਮਰੀਕੀ ਹਵਾਈ ਸੈਨਾ ਦੁਆਰਾ ਸਿਖਲਾਈ ਲਈ ਕੀਤੀ ਜਾਂਦੀ ਹੈ। 1991 ਵਿਚ ਖਾੜੀ ਯੁੱਧ ਦੌਰਾਨ ਅਮਰੀਕਾ ਨੇ ਇਰਾਕ ਅਤੇ ਅਫਗਾਨਿਸਤਾਨ 'ਤੇ ਇਸ ਨਾਲ ਬੰਬ ਸੁੱਟੇ ਸਨ।

ਤਾਜ਼ਾ ਤੇ ਵੱਡੀਆਂ ਖ਼ਬਰਾਂ ਸਭ ਤੋਂ ਪਹਿਲਾਂ ਪੜ੍ਹਨ ਲਈ ਜੁਆਇਨ ਕਰੋ ‘ਜਗ ਬਾਣੀ’ ਦਾ ਵਟਸਐਪ ਚੈਨਲ

👇Join us on Whatsapp channel👇       

https://whatsapp.com/channel/0029Va94hsaHAdNVur4L170e