ਮਾਹਰਾਂ ਨੇ ਦਿੱਤੀ ਚਿਤਾਵਨੀ, ਇਸ ਦਵਾਈ ਨਾਲ ਲੋਕ ਹੋ ਰਹੇ ਅੰਨ੍ਹੇ

ਇੰਟਰਨੈਸ਼ਨਲ ਡੈਸਕ- ਮਾਹਿਰਾਂ ਨੇ ਓਜ਼ੈਂਪਿਕ ਵਰਗੀਆਂ ਬਲਾਕਬਸਟਰ ਭਾਰ ਘਟਾਉਣ ਵਾਲੀਆਂ ਦਵਾਈਆਂ ਬਾਰੇ ਚਿਤਾਵਨੀ ਦਿੱਤੀ ਹੈ, ਜੋ ਉਪਭੋਗਤਾਵਾਂ ਨੂੰ ਅੰਨ੍ਹਾ ਕਰ ਦਿੰਦੀਆਂ ਹਨ। ਕਈ ਅਧਿਐਨਾਂ ਨੇ ਇਨ੍ਹਾਂ ਦਵਾਈਆਂ ਨੂੰ ਉਨ੍ਹਾਂ ਅਜਿਹੀਆਂ ਸਥਿਤੀਆਂ ਨਾਲ ਜੋੜਿਆ ਹੈ, ਜੋ ਸੋਜਸ਼ ਦਾ ਕਾਰਨ ਬਣਦੀਆਂ ਹਨ ਅਤੇ ਅੱਖਾਂ ਵਿੱਚ ਖੂਨ ਦੇ ਪ੍ਰਵਾਹ ਨੂੰ ਰੋਕਦੀਆਂ ਹਨ, ਜਿਸ ਨਾਲ ਗੰਭੀਰ ਅਤੇ ਕਈ ਵਾਰ ਸਥਾਈ ਨਜ਼ਰ ਦਾ ਨੁਕਸਾਨ ਹੁੰਦਾ ਹੈ। ਹੁਣ, ਖੋਜਕਰਤਾਵਾਂ ਨੇ ਅਮਰੀਕੀ ਮਰੀਜ਼ਾਂ ਦੀਆਂ 9 ਨਵੀਆਂ ਰਿਪੋਰਟਾਂ ਦਾ ਵੇਰਵਾ ਦਿੱਤਾ ਹੈ ਜੋ ਕ੍ਰਮਵਾਰ ਓਜ਼ੈਂਪਿਕ ਅਤੇ ਮੌਂਜਾਰੋ ਵਿੱਚ ਕਿਰਿਆਸ਼ੀਲ ਤੱਤ, ਸੇਮਾਗਲੂਟਾਈਡ ਜਾਂ ਟਿਰਜ਼ੇਪੇਟਾਈਡ ਲੈਣ ਤੋਂ ਬਾਅਦ ਅੰਨ੍ਹੇ ਹੋ ਗਏ।

ਇੱਕ ਔਰਤ ਨੇ ਸ਼ੂਗਰ ਲਈ ਸੇਮਾਗਲੂਟਾਈਡ ਦੀ ਇੱਕ ਖੁਰਾਕ ਲਈ ਅਤੇ ਅਗਲੀ ਸਵੇਰ ਨੂੰ ਉਸ ਨੂੰਖੱਬੀ ਅੱਖ ਵਿਚੋਂ ਦਿਸਣਾ ਬੰਦ ਹੋ ਗਿਆ ਅਤੇ ਇਸ ਤੋਂ 2 ਹਫ਼ਤਿਆਂ ਬਾਅਦ, ਉਸਨੂੰ ਸੱਜੀ ਅੱਖ ਵਿੱਚੋਂ ਵੀ ਦਿਸਣਾ ਬੰਦ ਹੋ ਗਿਆ। ਮਾਹਿਰਾਂ ਨੇ ਕਿਹਾ ਕਿ ਹਾਲਾਂਕਿ ਸਹੀ ਕਾਰਨ ਅਸਪਸ਼ਟ ਹਨ ਪਰ ਓਜ਼ੈਂਪਿਕ ਵਰਗੀਆਂ ਦਵਾਈਆਂ ਬਲੱਡ ਸ਼ੂਗਰ ਦੇ ਪੱਧਰ ਨੂੰ ਤੇਜ਼ੀ ਨਾਲ ਘਟਾਉਂਦੀਆਂ ਹਨ, ਜਿਸ ਨਾਲ ਅੱਖਾਂ ਵਿੱਚ ਖੂਨ ਦੀਆਂ ਨਾੜੀਆਂ ਨੂੰ ਨੁਕਸਾਨ ਪਹੁੰਚ ਸਕਦਾ ਹੈ, ਜਿਸ ਨਾਲ ਦਿਸਣਾ ਬੰਦ ਹੋ ਸਕਦਾ ਹੈ।