ਨਿਊਯਾਰਕ ''ਚ ‘ਇੰਡੀਆ ਡੇਅ ਪਰੇਡ’ ਦੌਰਾਨ ਰਾਮ ਮੰਦਰ ’ਤੇ ਆਧਾਰਿਤ ਝਾਕੀ ਰਹੀ ਖਿੱਚ ਦਾ ਕੇਂਦਰ

ਨਿਊਯਾਰਕ (ਭਾਸ਼ਾ) : ਹਰ ਸਾਲ ਦੀ ਤਰ੍ਹਾਂ ਐਤਵਾਰ ਨੂੰ ਅਮਰੀਕਾ ਦੇ ਨਿਊਯਾਰਕ ਸ਼ਹਿਰ ਵਿਚ 'ਇੰਡੀਆ ਡੇਅ ਪਰੇਡ' ਕਰਵਾਈ ਗਈ ਅਤੇ ਇਸ ਵਿਚ ਭਾਰਤੀ ਮੂਲ ਦੇ ਹਜ਼ਾਰਾਂ ਅਮਰੀਕੀ ਨਾਗਰਿਕਾਂ ਨੇ ਹਿੱਸਾ ਲਿਆ। ਇਸ ਵਾਰ ਭਾਰਤੀ ਸੁਤੰਤਰਤਾ ਦਿਵਸ ਮਨਾਉਣ ਲਈ ਨਿਊਯਾਰਕ 'ਚ ਆਯੋਜਿਤ 'ਇੰਡੀਆ ਡੇਅ ਪਰੇਡ' 'ਚ ਅਯੁੱਧਿਆ ਦੇ ਰਾਮ ਮੰਦਰ 'ਤੇ ਆਧਾਰਿਤ ਝਾਕੀ ਖਿੱਚ ਦਾ ਮੁੱਖ ਕੇਂਦਰ ਰਹੀ। 

ਨਿਊਯਾਰਕ ਸਿਟੀ ਵਿਚ ਮੈਡੀਸਨ ਐਵੇਨਿਊ ਭਾਰਤੀ ਤਿਰੰਗੇ ਦੇ ਰੰਗਾਂ ਵਿਚ ਰੰਗਿਆ ਹੋਇਆ ਸੀ ਅਤੇ ਪ੍ਰਸਿੱਧ ਭਾਰਤੀ ਦੇਸ਼ ਭਗਤੀ ਅਤੇ ਫਿਲਮੀ ਗੀਤ ਹਵਾ ਵਿਚ ਗੂੰਜਦੇ ਸਨ। ਭਾਰਤੀ ਡਾਇਸਪੋਰਾ ਦੇ ਲੋਕ ਐਤਵਾਰ ਨੂੰ ਅਮਰੀਕਾ ਦੀ ਪ੍ਰਮੁੱਖ ਡਾਇਸਪੋਰਾ ਸੰਸਥਾ, ਫੈਡਰੇਸ਼ਨ ਆਫ ਇੰਡੀਅਨ ਐਸੋਸੀਏਸ਼ਨਜ਼ NY-NJ-CT-NE (FIA) ਦੁਆਰਾ ਆਯੋਜਿਤ 42ਵੀਂ ਸਾਲਾਨਾ 'ਇੰਡੀਆ ਡੇਅ ਪਰੇਡ' ਲਈ ਰਵਾਇਤੀ ਅਤੇ ਤਿਰੰਗੇ ਦੇ ਥੀਮ ਵਾਲੇ ਪਹਿਰਾਵੇ ਵਿਚ ਇਕੱਠੇ ਹੋਏ। ਲੱਕੜ ਦੀ ਬਣੀ ਰਾਮ ਮੰਦਰ ਦੀ ਝਾਂਕੀ ਨੇ ਪਰੇਡ ਵਿਚ ਸਾਰਿਆਂ ਦਾ ਧਿਆਨ ਆਪਣੇ ਵੱਲ ਖਿੱਚਿਆ। ਇਹ 18 ਫੁੱਟ ਲੰਬੀ, 9 ਫੁੱਟ ਚੌੜੀ ਅਤੇ 8 ਫੁੱਟ ਉੱਚੀ ਝਾਂਕੀ ਭਾਰਤ ਵਿਚ ਬਣਾਈ ਗਈ ਹੈ। ਇਸ ਨੂੰ ਪਰੇਡ ਵਿਚ ਹਿੱਸਾ ਲੈਣ ਲਈ ਨਿਊਯਾਰਕ ਭੇਜਿਆ ਗਿਆ ਸੀ। 

ਪਰੇਡ ਰੂਟ 'ਤੇ ਕਤਾਰ ਵਿਚ ਖੜ੍ਹੇ ਭਾਰਤੀ ਭਾਈਚਾਰੇ ਦੇ ਮੈਂਬਰਾਂ ਨੇ ਕਿਹਾ ਕਿ ਉਨ੍ਹਾਂ ਨੇ ਅਜੇ ਤੱਕ ਅਯੁੱਧਿਆ ਵਿਚ ਰਾਮ ਮੰਦਰ ਨਹੀਂ ਦੇਖਿਆ ਹੈ, ਪਰ ਉਹ ਨਿਊਯਾਰਕ ਸਿਟੀ ਵਿਚ ਰਾਮ ਮੰਦਰ ਦੀ ਝਾਂਕੀ ਨੂੰ ਦੇਖ ਕੇ ਆਪਣੇ ਆਪ ਨੂੰ ਧੰਨ ਮਹਿਸੂਸ ਕਰਦੇ ਹਨ। ਵਿਸ਼ਵ ਹਿੰਦੂ ਪ੍ਰੀਸ਼ਦ ਅਮਰੀਕਾ ਦੇ ਜਨਰਲ ਸਕੱਤਰ ਅਮਿਤਾਭ ਵੀ.ਡਬਲਿਊ. ਮਿੱਤਲ ਨੇ ਪੀਟੀਆਈ ਨੂੰ ਦੱਸਿਆ, "ਭਗਵਾਨ ਰਾਮ ਅਯੁੱਧਿਆ ਵਿਚ ਵਾਪਸ ਆ ਗਏ ਹਨ ਅਤੇ ਅਸੀਂ ਅਮਰੀਕਾ ਵਿਚ ਸਾਰੇ ਹਿੰਦੂਆਂ ਲਈ ਇੱਥੇ ਰਾਮ ਮੰਦਰ ਦੀ ਝਲਕ ਲਿਆ ਰਹੇ ਹਾਂ।

ਜਗਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ 

For Android:-  https://play.google.com/store/apps/details?id=com.jagbani&hl=en 

For IOS:-  https://itunes.apple.com/in/app/id538323711?mt=8