ਇਸ ਖਾਸ ਚੈਲੰਜ ਨੂੰ ਪੂਰਾ ਕਰਨ 'ਤੇ ਮਿਲ ਰਿਹੈ 20 ਕਿਲੋ ਸੋਨਾ (ਵੀਡੀਓ)

ਦੁਬਈ (ਬਿਊਰੋ)— ਤੁਸੀਂ ਰੋਜ਼ਾਨਾ ਬਹੁਤ ਸਾਰੇ ਚੈਲੰਜਾਂ ਬਾਰੇ ਪੜ੍ਹਦੇ, ਦੇਖਦੇ ਜਾਂ ਸੁਣਦੇ ਹੋ। ਕਈ ਵਾਰ ਤੁਸੀਂ ਖੁਦ ਕਿਸੇ ਨਾ ਕਿਸੇ ਚੈਲੰਜ ਵਿਚ ਹਿੱਸਾ ਜ਼ਰੂਰ ਲਿਆ ਹੋਵੇਗਾ। ਅੱਜ ਅਸੀਂ ਤੁਹਾਨੂੰ ਅਜਿਹੇ ਚੈਲੰਜ ਬਾਰੇ ਦੱਸ ਰਹੇ ਹਾਂ ਜੋ ਦਿਲਚਸਪ ਹੋਣ ਦੇ ਨਾਲ-ਨਾਲ ਤੁਹਾਨੂੰ 20 ਕਿਲੋ ਸੋਨੇ ਦਾ ਮਾਲਕ ਬਣਾ ਸਕਦਾ ਹੈ। ਦੁਬਈ ਹਵਾਈ ਅੱਡੇ 'ਤੇ ਗੋਲਡ ਬਾਰ ਚੈਲੇਂਜ ਚੱਲ ਰਿਹਾ ਹੈ। ਅਸਲ ਵਿਚ ਇਹ ਬਹੁਤ ਮੁਸ਼ਕਲ ਚੈਲੰਜ ਹੈ ਜਿਸ ਵਿਚ ਸ਼ੀਸ਼ੇ ਦੇ ਬਕਸੇ ਦੇ ਅੰਦਰ ਰੱਖੀ ਲੱਗਭਗ 20 ਕਿਲੋ ਭਾਰ ਦੇ ਬਰਾਬਰ ਸੋਨੇ ਦੀ ਇੱਟ ਨੂੰ ਇਕ ਹੱਥ ਨਾਲ ਬਾਹਰ ਕੱਢਣਾ ਹੁੰਦਾ ਹੈ। 

ਇੱਥੇ ਇਕ ਸ਼ੀਸ਼ੇ ਦੇ ਬਕਸੇ ਵਿਚ 20 ਕਿਲੋ ਦੀ ਸੋਨੇ ਦੀ ਇੱਟ ਰੱਖੀ ਹੋਈ ਹੈ। ਬਕਸੇ ਵਿਚ ਇਕ ਛੋਟਾ ਜਿਹਾ ਛੇਦ ਹੈ। ਜਿਸ ਵਿਚ ਹੱਥ ਪਾ ਕੇ ਸੋਨੇ ਦੀ ਇੱਟ ਨੂੰ ਬਾਹਰ ਕੱਢਣਾ ਹੈ। ਜਾਣਕਾਰੀ ਮੁਤਾਬਕ ਜਿਹੜਾ ਵੀ ਉਸ ਸੋਨੇ ਦੀ ਇੱਟ ਨੂੰ ਸ਼ੀਸ਼ੇ ਦੇ ਬਕਸੇ ਵਿਚੋਂ ਇਕ ਹੱਥ ਨਾਲ ਕੱਢ ਲਵੇਗਾ ਉਹ ਇਸ ਚੈਲੰਜ ਦਾ ਜੇਤੂ ਹੋਵੇਗਾ। ਉਸ ਨੂੰ ਇਨਾਮ ਦੇ ਰੂਪ ਵਿਚ ਉਹੀ 20 ਕਿਲੋ ਦੀ ਇੱਟ ਮਿਲ ਜਾਵੇਗੀ। ਜੇਕਰ ਕੋਈ ਵੀ ਸ਼ਖਸ ਇਸ ਨੂੰ ਬਾਹਰ ਕੱਢ ਲੈਂਦਾ ਹੈ ਉਸ ਨੂੰ ਇਹ ਇੱਟ ਇਨਾਮ ਵਿਚ ਦਿੱਤੀ ਜਾਵੇਗੀ। 

ਜਿਹੜਾ ਵੀ ਯਾਤਰੀ ਹਵਾਈ ਅੱਡੇ 'ਤੇ ਪਹੁੰਚਦਾ ਹੈ ਉਹ ਆਪਣੀ ਕਿਸਮਤ ਅਜਮਾ ਰਿਹਾ ਹੈ ਪਰ ਹਾਲੇ ਤੱਕ ਜ਼ਿਆਦਾਤਰ ਲੋਕ ਅਸਫਲ ਰਹੇ ਹਨ। ਦੁਬਈ ਹਵਾਈ ਅੱਡੇ 'ਤੇ ਚੱਲ ਰਿਹਾ ਇਹ ਮੁਸ਼ਕਲ ਚੈਲੰਜ ਦਿੱਸਣ ਵਿਚ ਕਾਫੀ ਸੌਖਾ ਲੱਗ ਰਿਹਾ ਹੈ ਪਰ ਇਸ ਨੂੰ ਹਾਲੇ ਤੱਕ ਇਕ ਇਨਸਾਨ ਨੇ ਹੀ ਪੂਰਾ ਕੀਤਾ ਹੈ। ਸੋਸ਼ਲ ਮੀਡੀਆ 'ਤੇ ਇਹ ਵੀਡੀਓ ਤੇਜ਼ੀ ਨਾਲ ਵਾਇਰਲ ਹੋ ਰਿਹਾ ਹੈ। 

Dubai airport. Take it if you can. pic.twitter.com/3dJhIO6E31

— Aviator Anil Chopra (@Chopsyturvey) March 26, 2019

ਅਜਿਹੇ ਹੀ ਕਈ ਵੀਡੀਓਜ਼ ਸੋਸ਼ਲ ਮੀਡੀਆ 'ਤੇ ਵਾਇਰਲ ਹੋ ਰਹੇ ਹਨ ਜਿਨ੍ਹਾਂ ਵਿਚ ਕਈ ਲੋਕ ਇਸ ਚੈਲੰਜ ਨੂੰ ਪੂਰਾ ਕਰਨ ਦੀ ਕੋਸ਼ਿਸ਼ ਕਰ ਰਹੇ ਹਨ। ਲੋਕ ਬਕਸੇ ਵਿਚੋਂ ਸੋਨੇ ਦੀ ਇੱਟ ਨੂੰ ਬਾਹਰ ਕੱਢਣ ਦੀ ਕੋਸ਼ਿਸ਼ ਕਰ ਰਹੇ ਹਨ। ਕੁਝ ਲੋਕਾਂ ਤਾਂ ਸੋਨੇ ਦੀ ਇੱਟ ਨੂੰ ਚੁੱਕਣ ਵਿਚ ਸਫਲ ਰਹੇ ਪਰ ਉਸ ਨੂੰ ਬਾਹਰ ਨਹੀਂ ਕੱਢ ਪਾਏ।