ਪਿਛਲੀ ਅਫ਼ਗਾਨ ਸਰਕਾਰ ਦੇ ਫ਼ੌਜੀਆਂ ਨੂੰ ਫੜਨ ਲਈ ਤਾਲਿਬਾਨ ਨੇ ਚਲਾਇਆ ਡੋਰ-ਟੂ-ਡੋਰ ਆਪਰੇਸ਼ਨ (ਦੇਖੋ ਵੀਡੀਓ)

ਕਾਬੁਲ- ਅਫ਼ਗਾਨਿਸਤਾਨ 'ਤੇ ਤਾਲਿਬਾਨ ਦੇ ਕਬਜ਼ੇ ਦੇ ਬਾਅਦ ਤੋਂ ਹੀ ਉੱਥੇ ਦੀ ਸਥਿਤੀ ਬੇਹੱਦ ਚਿੰਤਾਜਨਕ ਬਣੀ ਹੋਈ ਹੈ। ਅਕਸਰ ਅਫ਼ਗਾਨ ਲੋਕਾਂ 'ਤੇ ਹੋ ਰਹੇ ਜ਼ੁਲਮਾਂ ਦੇ ਵੀਡੀਓ ਸਾਹਮਣੇ ਆ ਰਹੇ ਹਨ ਪਰ ਇਸ ਦਰਮਿਆਨ ਅਫ਼ਗਾਨਿਸਤਾਨ ਦੇ ਆਜ਼ਾਦ ਪੱਤਰਕਾਰ ਹਿਜ਼ਬੁਲ੍ਹਾ ਖ਼ਾਨ ਨੇ ਇਕ ਵੀਡੀਓ ਟਵੀਟ ਕੀਤਾ ਹੈ, ਜਿਸ 'ਚ ਤਾਲਿਬਾਨੀ ਲੜਾਕੇ ਘਰ-ਘਰ ਜਾ ਕੇ ਪਿਛਲੀ ਸਰਕਾਰ ਦੇ ਅਧਿਕਾਰੀਆਂ ਤੇ ਫ਼ੌਜੀਆਂ ਨੂੰ ਫੜ ਰਹੇ ਹਨ।
ਇਹ ਵੀ ਪੜ੍ਹੋ : ਅਫਗਾਨਿਸਤਾਨ : ਮਸਜਿਦ 'ਚ ਧਮਾਕਾ, ਦਰਜਨਾਂ ਲੋਕਾਂ ਦੀ ਮੌਤ

ਪਿਛਲੀ ਅਫ਼ਗਾਨ ਸਰਕਾਰ ਦੇ ਫ਼ੌਜੀਆਂ ਨੂੰ ਫੜਨ ਲਈ ਤਾਲਿਬਾਨ ਦਾ ਡੋਰ-ਟੂ ਡੋਰ ਆਪਰੇਸ਼ਨ
ਪੱਤਰਕਾਰ ਹਿਜ਼ਬੁੱਲ੍ਹਾ ਖ਼ਾਨ ਨੇ ਟਵੀਟ ਕਰ ਕੇ ਲਿਖਿਆ ਹੈ ਕਿ ਪਿਛਲੀ ਸਰਕਾਰ ਦੇ ਅਧਿਕਾਰੀਆਂ ਤੇ ਅਫ਼ਗਾਨ ਫ਼ੌਜੀਆਂ ਨੂੰ ਫੜਨ ਲਈ ਤਾਲਿਬਾਨ ਡੋਰ-ਟੂ-ਡੋਰ ਆਪਰੇਸ਼ਨ ਕਰ ਰਿਹਾ ਹੈ। ਇਸ ਵੀਡੀਓ 'ਚ ਦੇਖਿਆ ਜਾ ਸਕਦਾ ਹੈ ਕਿਵੇਂ ਖ਼ੁੱਲ੍ਹੀਆਂ ਗੱਡੀਆਂ 'ਚ ਕੁਝ ਹਥਿਆਰਬੰਦ ਤਾਲਿਬਾਨ ਲੜਾਕੇ ਸ਼ਰੇਆਮ ਘੁੰਮ ਰਹੇ ਹਨ। ਵੀਡੀਓ 'ਚ ਦੋ ਲੋਕ ਹੱਥ ਬੰਨ੍ਹ ਕੇ ਗ੍ਰਿਫ਼ਤਾਰ ਦਿਖਾਈ ਦੇ ਰਹੇ ਹਨ। ਗੱਡੀ ਦੇ ਪਿੱਛੇ ਸਫ਼ੈਦ ਰੰਗ ਦੀ ਇਕ ਹੋਰ ਗੱਡੀ ਹੈ ਜੋ ਨਾਲ ਜਾ ਰਹੀ ਹੈ।
ਇਹ ਵੀ ਪੜ੍ਹੋ : ਤਾਲਿਬਾਨ ਵੱਲੋਂ ਜ਼ਬਤ ਕੀਤੇ ਗਏ ਅਮਰੀਕੀ ਹਥਿਆਰ ਵੇਚ ਰਹੇ ਹਨ ਅਫਗਾਨ ਬੰਦੂਕ ਡੀਲਰ

Taliban's door to door operations are still underway across Afghanistan, capturing previous Govt officials & Army personnel. pic.twitter.com/Uhrfpi7KZn

— Hizbullah Khan (@HizbkKhan) October 7, 2021

ਹਿਜ਼ਬੁੱਲ੍ਹਾ ਖ਼ਾਨ ਦੇਸ਼ ਦੇ ਤਾਜ਼ਾ ਹਾਲਾਤ ਬਾਰੇ ਦੁਨੀਆ ਨੂੰ ਕਰਾਉਂਦੇ ਹਨ ਜਾਣੂ
ਜ਼ਿਕਰਯੋਗ ਹੈ ਕਿ ਅਫ਼ਗਾਨਿਸਤਾਨ ਦੇ ਆਜ਼ਾਦ ਪੱਤਰਕਾਰ ਹਿਜ਼ਬੁਲ੍ਹਾ ਖ਼ਾਨ ਨੇ ਆਪਣੇ ਟਵੀਟ ਦੇ ਜ਼ਰੀਏ ਦੇਸ਼ ਦੇ ਤਾਜ਼ਾ ਹਾਲਾਤ ਦੇ ਬਾਰੇ ਦੁਨੀਆ ਨੂੰ ਰੂ-ਬ-ਰੂ ਕਰਾਉਂਦੇ ਰਹਿੰਦੇ ਹਨ। ਹਾਲ ਹੀ 'ਚ ਉਨ੍ਹਾਂ ਦੇ ਗਲੋ:ਬਲ ਅਖ਼ਬਾਰਾਂ ਜਿਵੇਂ ਯੇਰੁਸ਼ਲਮ ਪੋਸਟ, ਦਿ ਇੰਡੀਪੈਂਟੇਂਟ, ਦਿ ਗਲੋਬ ਪੋਸਟ, ਡਿ ਡਿਪਲੋਮੇਟ 'ਚ ਆਰਟੀਕਲ ਛਪੇ ਹੋਏ ਸਨ।

ਨੋਟ : ਇਸ ਖ਼ਬਰ ਬਾਰੇ ਕੀ ਹੈ ਤੁਹਾਡੀ ਰਾਏ। ਕੁਮੈਂਟ ਕਰਕੇ ਦਿਓ ਜਵਾਬ।