ਟਰੰਪ ਮਹਾਦੋਸ਼: ਅਮਰੀਕੀ ਸੰਸਦ ਨਵੇਂ ਗਵਾਹਾਂ ਦੀ ਮੰਗ ''ਤੇ ਵੋਟਿੰਗ ਲਈ ਤਿਆਰ

ਵਾਸ਼ਿੰਗਟਨ- ਅਮਰੀਕੀ ਸੰਸਦ ਮੈਂਬਰਾਂ ਨੇ ਰਾਸ਼ਟਰਪਤੀ ਡੋਨਾਲਡ ਟਰੰਪ ਦੇ ਮਹਾਦੋਸ਼ ਮੁਕੱਦਮੇ ਵਿਚ ਵਾਈਟ ਹਾਊਸ ਦੇ ਵਕੀਲਾਂ ਤੇ ਸਦਨ ਦੇ ਪ੍ਰੋਸੀਕਿਊਟਰਾਂ ਤੋਂ ਦੋ ਦਿਨ ਤੱਕ ਗਹਿਰੀ ਪੁੱਛਗਿੱਛ ਦੀ ਪ੍ਰਕਿਰਿਆ ਖਤਮ ਕਰ ਲਈ ਹੈ, ਜਿਸ ਤੋਂ ਬਾਅਦ ਸਦਨ ਨਵੇਂ ਗਵਾਹਾਂ ਨੂੰ ਪੇਸ਼ ਕਰਨ ਦੀ ਡੈਮੋਕ੍ਰੇਟਿਕਸ ਦੀ ਮੰਗ 'ਤੇ ਸ਼ੁੱਕਰਵਾਰ ਨੂੰ ਹੋਣ ਵਾਲੀ ਵੋਟਿੰਗ ਲਈ ਪੂਰੀ ਤਰ੍ਹਾਂ ਤਿਆਰ ਹੋ ਗਿਆ ਹੈ।

ਡੈਮੋਕ੍ਰੇਟਿਕ ਪਾਰਟੀ ਦੇ ਮੁੱਖ ਪ੍ਰੋਸੀਕਿਊਟਰ ਐਡਮ ਸ਼ਿਫ ਨੇ ਪ੍ਰਕਿਰਿਆ ਲੰਬੀ ਖਿਚਣ ਨੂੰ ਲੈ ਕੇ ਚੌਕਸ ਰਿਪਬਲਿਕਨ ਸੰਸਦ ਮੈਂਬਰਾਂ 'ਤੇ ਜਿੱਤ ਦਾ ਆਖਰੀ ਦਾਅ ਚੱਲਦੇ ਹੋਏ ਨਵੇਂ ਗਵਾਹਾਂ ਦੀ ਗਵਾਹੀ ਲੈਣ ਦੇ ਲਈ ਇਕ ਹਫਤੇ ਦੇ ਸਮੇਂ ਦਾ ਪ੍ਰਸਤਾਵ ਰੱਖਿਆ ਹੈ। ਕੈਲੀਫੋਰਨੀਆ ਸੰਸਦ ਦੇ ਇਤਿਹਾਸਿਕ ਮੁਕੱਦਮੇ ਵਿਚ ਜਿਊਰੀ ਦੇ ਤੌਰ 'ਤੇ ਮੌਜੂਦ 100 ਸੰਸਦ ਮੈਂਬਰਾਂ ਨੇ ਕਿਹਾ ਕਿ ਇਥੇ ਇਕ ਤਾਰਕਿਕ ਗੁੰਜਾਇਸ਼ ਬਰਕਰਾਰ ਰੱਖਦੇ ਹਾਂ। ਅਸੀਂ ਇਕ ਹਫਤੇ ਦਾ ਸਮਾਂ ਹੋਰ ਲਵਾਂਗੇ ਤੇ ਉਸ ਤੋਂ ਬਾਅਦ ਤੁਸੀਂ ਸੰਸਦੀ ਕੰਮਕਾਜ ਜਾਰੀ ਰੱਖ ਸਕਾਂਦੇ। ਹਾਲਾਂਕਿ ਟਰੰਪ ਦੀ ਬਚਾਅ ਟੀਮ ਨੇ ਹੋਰ ਗਵਾਹ ਬੁਲਾਉਣ ਦੀ ਡੈਮੋਕ੍ਰੇਟਿਕ ਮੰਗ ਨੂੰ ਇਹ ਕਹਿੰਦੇ ਹੋਏ ਖਾਰਿਜ ਕੀਤਾ ਕਿ ਵਾਈਟ ਹਾਊਸ ਇਸ ਕਦਮ ਨੂੰ ਚੁਣੌਤੀ ਦੇਵੇਗਾ, ਜਿਸ ਨਾਲ ਮਾਮਲਾ ਅਦਾਲਤ ਵਿਚ ਚਲਾ ਜਾਵੇਗਾ ਤੇ ਸੰਸਦ ਦਾ ਕੰਮ ਕਈ ਮਹੀਨਿਆਂ ਲਈ ਠੱਪ ਪੈ ਜਾਵੇਗਾ। ਵਾਈਟ ਹਾਊਸ ਦੇ ਉਪ ਵਕੀਲ ਪੈਟਰਿਕ ਫਿਲਬਿਨ ਨੇ ਕਿਹਾ ਕਿ ਉਹਨਾਂ ਨੇ ਕਈ ਹਫਤਿਆਂ ਤੱਕ ਕਿਹਾ ਕਿ ਇਹ ਮਾਮਲਾ ਸਪੱਸ਼ਟ ਹੈ। ਉਹਨਾਂ ਨੇ ਪੁੱਛਿਆ ਕਿ ਜੇਕਰ ਇਹ ਉਹਨਾਂ ਦਾ ਦਾਆਵਾ ਹੈ ਤਾਂ ਉਹਨਾਂ ਨੂੰ ਹੋਰ ਚਸ਼ਮਦੀਦਾਂ ਦੀ ਲੋੜ ਕਿਉਂ ਹੈ।

ਅਸਲ ਵਿਚ ਡੈਮੋਕ੍ਰੇਟਸ ਸਾਬਕਾ ਰਾਸ਼ਟਰੀ ਸੁਰੱਖਿਆ ਸਲਾਹਕਾਰ ਜਾਨ ਬੋਲਟਨ ਦਾ ਪੱਖ ਜਾਨਣ ਨੂੰ ਜ਼ਿਆਦਾ ਇੱਛੁਕ ਹਨ ਜਿਹਨਾਂ ਨੇ ਖਬਰਾਂ ਮੁਤਾਬਕ ਆਪਣੀ ਆਉਣ ਵਾਲੀ ਪੁਸਤਕ ਵਿਚ ਦਾਅਵਾ ਕੀਤਾ ਹੈ ਕਿ ਟਰੰਪ ਨੇ ਉਹਨਾਂ ਨੂੰ ਖੁਦ ਦੱਸਿਆ ਸੀ ਕਿ ਯੂਰਪ ਨੂੰ ਫੌਜੀ ਸਹਾਇਤਾ ਟਰੰਪ ਦੇ ਡੈਮੋਕ੍ਰੇਟਿਕ ਵਿਰੋਧੀ ਜੋ ਬਾਈਡੇਨ ਦੀ ਜਾਂਚ ਕਰਨ ਦੇ ਬਦਲੇ ਦਿੱਤੀ ਗਈ ਸੀ। ਅਮਰੀਕਾ ਦੇ 45ਵੇਂ ਰਾਸ਼ਟਰਪਤੀ 'ਤੇ ਸੱਤਾ ਦੀ ਦਰਵਰਤੋਂ ਦੇ ਲਈ ਚਲਾਇਆ ਜਾ ਰਿਹਾ ਮਹਾਦੋਸ਼ ਦਾ ਮਾਮਲਾ ਅਸਲ ਵਿਚ ਇਸੇ ਦੋਸ਼ 'ਤੇ ਆਧਾਰਿਤ ਹੈ।