ਪਾਰਟੀ ''ਚ ਸ਼ੇਅਰ ਕੀਤੀ ਸਿਗਰੇਟ-ਸ਼ਰਾਬ, ਇਨਫੈਕਟਡ ਹੋ ਗਏ 11 ਦੋਸਤ
03/14/2020 3:27:16 PM
ਬੈਂਕਾਕ- ਕੋਰੋਨਾਵਾਇਰਸ ਦਾ ਕਹਿਰ ਦੁਨੀਆਭਰ ਵਿਚ ਜਾਰੀ ਹੈ। ਇਸ ਦੇ ਲਈ ਮਾਹਰਾਂ ਵਲੋਂ ਲਗਾਤਾਰ ਹਿਦਾਇਤਾਂ ਜਾਰੀ ਕੀਤੀਆਂ ਜਾ ਰਹੀਆਂ ਹਨ ਤਾਂ ਜੋ ਵਾਇਰਸ ਦੇ ਫੈਲਾਅ ਨੂੰ ਰੋਕਿਆ ਜਾ ਸਕੇ। ਪਰ ਇਸ ਦੇ ਉਲਟ ਥਾਈਲੈਂਡ ਵਿਚ ਕੁਝ ਲੋਕ ਇਹਨਾਂ ਹਦਾਇਤਾਂ ਨੂੰ ਨਹੀਂ ਮੰਨ ਰਹੇ।
ਥਾਈਲੈਂਡ ਦੇ ਬੈਂਕਾਕ ਵਿਚ ਸਿਗਰੇਟ-ਸ਼ਰਾਬ ਦੀ ਪਾਰਟੀ ਕਰਨ ਵਾਲੇ 11 ਦੋਸਤ ਵਾਇਰਸ ਨਾਲ ਇਨਫੈਕਟਡ ਹੋ ਗਏ ਹਨ। ਬੈਂਕਾਕ ਪੋਸਟ ਮੁਤਾਬਕ ਜਨਤਕ ਸਿਹਤ ਮੰਤਰਾਲਾ ਨੇ ਕਿਹਾ ਕਿ ਸਾਰੇ ਦੋਸਤ ਥਾਈਲੈਂਡ ਦੇ ਹੀ ਨਾਗਰਿਕ ਹਨ। ਇਹਨਾਂ ਸਾਰਿਆਂ ਦੀ ਉਮਰ 25 ਤੋਂ 38 ਸਾਲ ਦੇ ਵਿਚਾਲੇ ਦੱਸੀ ਜਾ ਰਹੀ ਹੈ। ਇਸ ਦੇ ਨਾਲ ਹੀ ਥਾਈਲੈਂਡ ਵਿਚ ਇਨਫੈਕਟਡ ਲੋਕਾਂ ਦੀ ਗਿਣਤੀ ਵਧ ਕੇ 75 ਹੋ ਗਈ ਹੈ।
ਸਿਹਤ ਮੰਤਰਾਲਾ ਦਾ ਕਹਿਣਾ ਹੈ ਕਿ 15 ਲੋਕਾਂ ਦੇ ਸਮੂਹ ਨੇ ਇਕੱਠਿਆਂ ਪਾਰਟੀ ਕੀਤੀ ਸੀ, ਜਿਹਨਾਂ ਵਿਚੋਂ ਚਾਰ ਦੀ ਰਿਪੋਰਟ ਨੈਗੇਟਿਵ ਆਈ ਹੈ। ਇਸ ਸਮੂਹ ਦੇ ਕੁਝ ਲੋਕਾਂ ਨੇ ਹਾਂਗ ਕਾਂਗ ਦੇ ਰਹਿਣ ਵਾਲੇ ਇਕ ਵਿਅਕਤੀ ਨਾਲ 21 ਫਰਵਰੀ ਨੂੰ ਮੁਲਾਕਾਤ ਕੀਤੀ ਸੀ। ਇਸ ਤੋਂ ਬਾਅਦ 25 ਫਰਵਰੀ ਨੂੰ ਲੋਕਾਂ ਨੂੰ ਬੁਖਾਰ, ਸਿਰਦਰਦ ਤੇ ਖੰਘ ਦੀ ਤਕਲੀਫ ਹੋਣ ਲੱਗੀ।
ਅਧਿਕਾਰੀਆਂ ਨੇ ਦੱਸਿਆ ਕਿ ਸਿਹਤ ਖਰਾਬ ਹੋਣ ਦੇ ਬਾਵਜੂਦ ਇਹ ਲੋਕ ਆਪਣੇ ਦੋਸਤਾਂ ਦੇ ਨਾਲ ਦੋ ਵਾਰ 27 ਤੇ 29 ਫਰਵਰੀ ਨੂੰ ਪਾਰਟੀ ਵਿਚ ਸ਼ਾਮਲ ਹੋਏ। ਇਹਨਾਂ ਲੋਕਾਂ ਨੇ ਸ਼ਰਾਬ ਦਾ ਗਲਾਸ ਤੇ ਸਿਗਰੇਟ ਸ਼ੇਅਰ ਕੀਤਾ। 4 ਮਾਰਚ ਨੂੰ ਇਹ ਲੋਕ ਜਾਂਚ ਲਈ ਹਸਪਤਾਲ ਪਹੁੰਚੇ।
ਸਿਹਤ ਮੰਤਰਾਲਾ ਦੇ ਸਥਾਈ ਸਕੱਤਰ ਸੁਖੁਮ ਕੰਚਾਨਾਪਿਮਈ ਨੇ ਕਿਹਾ ਕਿ ਖਤਰੇ ਵਾਲੇ ਦੇਸ਼ ਤੋਂ ਵਾਪਸ ਆਉਣ ਤੋਂ ਬਾਅਦ ਡ੍ਰਿੰਕਸ, ਸਿਗਰੇਟ ਸ਼ੇਅਰ ਕਰਨਾ ਤੇ ਸੋਸ਼ਲ ਐਕਟੀਵਿਟੀ ਤੋਂ ਦੂਰ ਨਾ ਰਹਿਣਾ ਬਹੁਤ ਗਲਤ ਵਿਵਹਾਰ ਹੈ।
