ਮਰੀਜ਼ ਦੀਆਂ ਅੱਖਾਂ ਤੋਂ ਕਈ ਹਫਤਿਆਂ ਬਾਅਦ ਵੀ ਫੈਲ ਸਕਦੈ ਕੋਰੋਨਾ ਵਾਇਰਸ

04/26/2020 4:03:47 PM

ਮਿਲਾਨ- ਇਕ ਸਟੱਡੀ ਤੋਂ ਪਤਾ ਲੱਗਿਆ ਹੈ ਕਿ ਕੋਰੋਨਾ ਵਾਇਰਸ ਦੇ ਮਰੀਜ਼ਾਂ ਦੀਆਂ ਅੱਖਾਂ ਤੋਂ ਕਈ ਹਫਤਿਆਂ ਤੱਕ ਕੋਰੋਨਾ ਵਾਇਰਸ ਫੈਲਣ ਦਾ ਖਤਰਾ ਬਣਿਆ ਰਹਿੰਦਾ ਹੈ। ਜਾਂਚ ਦੌਰਾਨ ਇਨਫੈਕਸ਼ਨ ਦੇ ਤਕਰੀਬਨ 21 ਦਿਨ ਬਾਅਦ ਵੀ ਇਕ ਮਹਿਲਾ ਦੀਆਂ ਗੁਲਾਬੀ ਅੱਖਾਂ ਵਿਚ ਵਾਇਰਸ ਮਿਲਿਆ ਹੈ।

PunjabKesari

ਇਸ ਤੋਂ ਪਹਿਲਾਂ ਮਾਰਚ ਵਿਚ ਇਹ ਗੱਲ ਸਾਹਮਣੇ ਆਈ ਸੀ ਕਿ ਕੋਰੋਨਾ ਪੀੜਤ ਲੋਕਾਂ ਦੀਆਂ ਅੱਖਾਂ ਲਾਲ ਜਾਂ ਗੁਲਾਬੀ ਹੋ ਸਕਦੀਆਂ ਹਨ। ਕੁਝ ਹੋਰ ਅਧਿਐਨਾਂ ਮੁਤਾਬਕ ਕੋਰੋਨਾ ਨਾਲ ਇਨਫੈਕਟਡ ਹੋਣ ਵਾਲੇ ਕੁਝ ਲੋਕਾਂ ਦੀਆਂ ਅੱਖਾਂ ਦੇ ਰੰਗ ਬਦਲਦੇ ਹਨ ਜਾਂ ਕੰਜਕਟਿਵਾਈਟਿਸ ਦੇ ਸ਼ਿਕਾਰ ਹੁੰਦੇ ਹਨ। ਅਜਿਹੇ ਵਿਚ ਲੋਕਾਂ ਦਾ ਅੰਕੜਾ ਕੁੱਲ ਪੀੜਤਾਂ ਵਿਚ ਇਕ ਫੀਸਦੀ ਜਾਂ ਇਸ ਤੋਂ ਵੀ ਘੱਟ ਹੀ ਮੰਨਿਆ ਜਾ ਰਿਹਾ ਹੈ। ਇਟਲੀ ਦੇ ਨੈਸ਼ਨਲ ਇੰਸਟੀਚਿਊਟ ਫਾਰ ਇੰਫੈਕਸ਼ਨ ਡਿਜ਼ੀਸ ਦੇ ਖੋਜਕਾਰਾਂ ਨੇ ਇਸ ਵਿਸ਼ੇ 'ਤੇ ਅਧਿਐਨ ਕੀਤਾ ਹੈ। ਉਹਨਾਂ ਨੂੰ ਇਨਫੈਕਸ਼ਨ ਦੇ ਤਕਰੀਬਨ 21 ਦਿਨ ਬਾਅਦ ਵੀ 65 ਸਾਲ ਦੀ ਮਹਿਲਾ ਦੀਆਂ ਅੱਖਾਂ ਵਿਚ ਵਾਇਰਸ ਮਿਲਿਆ। ਇਸ ਸਟੱਡੀ ਨੂੰ Annals of Internal Medicine ਵਿਚ ਪ੍ਰਕਾਸ਼ਿਤ ਕੀਤਾ ਗਿਆ ਹੈ।

PunjabKesari

ਆਮ ਕਰਕੇ ਕੋਰੋਨਾ ਵਾਇਰਸ ਇਕ ਵਿਅਕਤੀ ਦੇ ਛਿੱਕਣ ਜਾਂ ਖੰਘਣ ਨਾਲ ਹੀ ਦੂਜੇ ਵਿਅਕਤੀ ਵਿਚ ਫੈਲਦਾ ਹੈ ਪਰ ਨਵੀਂ ਸਟੱਡੀ ਤੋਂ ਪਤਾ ਲੱਗਿਆ ਹੈ ਕਿ ਅੱਖਾਂ ਦੇ ਅੰਦਰੋਂ ਵੀ ਖਤਰਾ ਹੋ ਸਕਦਾ ਹੈ। ਜੇਕਰ ਕੋਈ ਵਿਆਕਤੀ ਖੁਦ ਦੀਆਂ ਅੱਖਾਂ ਨੂੰ ਛੋਹੰਦਾ ਹੈ ਤਾਂ ਉਸ ਦੇ ਹੱਥ ਨਾਲ ਵੀ ਵਾਇਰਸ ਇਨਫੈਕਸ਼ਨ ਫੈਲ ਸਕਦਾ ਹੈ। ਕਈ ਤਰ੍ਹਾਂ ਦੇ ਬੈਕਟੀਰੀਆ ਤੇ ਵਾਇਰਸ ਦੇ ਕਾਰਣ ਲੋਕਾਂ ਨੂੰ ਕੰਜਕਟਿਵਾਈਟਿਸ ਦੀ ਦਿੱਕਤ ਹੁੰਦੀ ਹੈ। ਕਈ ਵਾਰ ਇਸ ਦੇ ਨਾਲ-ਨਾਲ ਸਾਹ ਦੀ ਤਕਲੀਫ ਵੀ ਸ਼ੁਰੂ ਹੋ ਜਾਂਦੀ ਹੈ।

PunjabKesari

ਅਮਰੀਕਾ ਵਿਚ ਕੁਝ ਅਜਿਹੇ ਮਾਮਲੇ ਵੀ ਸਾਹਮਣੇ ਆਏ ਹਨ ਜਦੋਂ ਮਰੀਜ਼ ਵਿਚ ਕੋਰੋਨਾ ਵਾਇਰਸ ਦਾ ਹੋਰ ਕੋਈ ਲੱਛਣ ਨਹੀਂ ਦਿਖ ਰਿਹਾ ਸੀ ਸਿਵਾਏ ਅੱਖਾਂ ਦੇ ਗੁਲਾਬੀ ਹੋਣ ਦੇ। ਖੋਜਕਾਰਾਂ ਦਾ ਇਹ ਵੀ ਮੰਨਣਾ ਹੈ ਕਿ ਕੋਰੋਨਾ ਨਾਲ ਪੀੜਤ ਵਿਅਕਤੀ ਦੀਆਂ ਅੱਖਾਂ ਦੇ ਫਲੂਡ ਵਿਚ ਵਾਇਰਸ ਆਪਣੀ ਨਕਲ ਤਿਆਰ ਕਰਨ ਲੱਗਦਾ ਹੈ। ਇਸ ਦੇ ਕਾਰਣ ਮਰੀਜ਼ ਦੇ ਹੰਝੂਆਂ ਨਾਲ ਵੀ ਕੋਰੋਨਾ ਵਾਇਰਸ ਫੈਲਣ ਦਾ ਖਤਰਾ ਬਣਿਆ ਰਹਿੰਦਾ ਹੈ।


Baljit Singh

Content Editor

Related News