ਕਰੋਨਾ ਵਾਇਰਸ : ਵੈਟੀਕਨ ਸਿਟੀ ਤੇ ਸਰਬੀਆ ''ਚ ਪਹਿਲਾ ਮਾਮਲਾ, ਨੀਦਰਲੈਂਡ ''ਚ ਪਹਿਲੀ ਮੌਤ

ਵੈਟੀਕਨ ਸਿਟੀ (ਏ.ਐਫ.ਪੀ.)- ਵੈਟੀਕਨ ਵਿਚ ਸ਼ੁੱਕਰਵਾਰ ਨੂੰ ਕੋਰੋਨਾ ਵਾਇਰਸ ਦਾ ਪਹਿਲਾ ਮਾਮਲਾ ਸਾਹਮਣੇ ਆਇਆ ਹੈ। ਜਾਂਚ ਵਿਚ ਇਕ ਰੋਗੀ ਨੂੰ ਕੋਵਿਡ-19 ਤੋਂ ਇਨਫੈਕਟਿਡ ਹੋਣ ਤੋਂ ਬਾਅਦ ਦੇਸ਼ ਦੇ ਸਿਹਤ ਕਲੀਨਿਕ ਵਿਚ ਬ੍ਰਹਿਮਾ ਰੋਗੀ ਸੇਵਾਵਾਂ (ਓ.ਪੀ.ਡੀ.) ਮੁਅੱਤਲ ਕਰ ਦਿੱਤੀ ਹੈ। ਅਧਿਕਾਰਕ ਬੁਲਾਰ ਮੋਟੇਓ ਬਰੂਨੀ ਨੇ ਏ.ਐਫ.ਪੀ. ਨੂੰ ਦੱਸਿਆ ਕਿ ਭਰਤੀ ਤਕਰੀਬਨ 1000 ਲੋਕਾਂ ਨੂੰ ਇਨਫੈਕਟਿਡ ਮੁਕਤ ਕੀਤਾ ਜਾਵੇਗਾ, ਜਦੋਂ ਕਿ ਹਸਪਤਾਲ ਦਾ ਐਮਰਜੈਂਸੀ ਗੇਟ ਖੁੱਲ੍ਹਾ ਰੱਖਿਆ ਜਾਵੇਗਾ। ਰੋਗੀ ਨੂੰ ਵੀਰਵਾਰ ਨੂੰ ਜਾਂਚ ਵਿਚ ਕੋਰੋਨਾ ਵਾਇਰਸ ਨਾਲ ਇਨਫੈਕਟਿਡ ਮਿਲਿਆ। ਬਰੂਨੀ ਨੇ ਕਿਹਾ ਕਿ ਕਲੀਨਿਕ ਆਉਣ-ਜਾਣ ਵਾਲੇ ਸਾਰੇ ਲੋਕਾਂ ਨਾਲ ਸੰਪਰਕ ਕੀਤਾ ਜਾ ਰਿਹਾ ਹੈ ਅਤੇ ਤੈਅ ਦਿਸ਼ਾ-ਨਿਰਦੇਸ਼ਾਂ ਮੁਤਾਬਕ ਉਨ੍ਹਾਂ ਦੀ ਜਾਂਚ ਕੀਤੀ ਜਾਵੇਗੀ।

ਦਿ ਹੇਗ (ਏ.ਐਫ.ਪੀ.)- ਨੀਦਰਲੈਂਡ ਨੇ ਕੋਰੋਨਾ ਵਾਇਰਸ ਨਾਲ ਪਹਿਲੀ ਮੌਤ ਦੀ ਪੁਸ਼ਟੀ ਕੀਤੀ ਹੈ। ਡਚ ਸਿਹਤ ਅਧਿਕਾਰੀਆਂ ਨੇ ਇਸ ਸਬੰਧੀ ਮੀਡੀਆ ਨੂੰ ਜਾਣਕਾਰੀ ਦਿੱਤੀ। ਨੈਸ਼ਨਲ ਇੰਸਟੀਚਿਊਟ ਫਾਰ ਪਬਲਿਕ ਹੈਲਥ  ਨੇ ਇਕ ਬਿਆ ਵਿਚ ਕਿਹਾ ਕਿ ਕੋਵਿਡ-19 ਨਾਲ ਇਨਫੈਕਟਡ 86 ਸਾਲਾ ਇਕ ਵਿਅਕਤੀ ਦੀ ਮੌਤ ਹੋ ਗਈ, ਜੋ ਰਾਟਰਡੈਮ ਦੇ ਇਕਾਜੀਆ ਹਸਪਤਾਲ ਵਿਚ ਦਾਖਲ ਸੀ। ਨੀਦਰਲੈਂਡ ਵਿਚ ਕੋਰੋਨਾ ਵਾਇਰਸ ਨਾਲ ਮਰਨ ਵਾਲਾ ਇਹ ਪਹਿਲਾ ਰੋਗੀ ਹੈ।

ਬੇਲਗ੍ਰਾਦ (ਏ.ਐਫ.ਪੀ.)- ਸਰਬੀਆ ਵਿਚ ਕੋਰੋਨਾ ਵਾਇਰਸ ਦਾ ਪਹਿਲਾ ਮਾਮਲਾ ਸਾਹਮਣੇ ਆਇਆ ਹੈ। ਇਹ ਵਿਅਕਤੀ ਹੰਗਰੀ ਵਿਚ ਰਹਿ ਰਿਹਾ ਸੀ। ਸਿਹਤ ਜਲਾਟਿਬੋਰ ਲੋਨਕਾਰ ਨੇ ਇਥੇ ਪੱਤਰਕਾਰ ਸੰਮੇਲਨ ਵਿਚ ਕਿਹਾ ਕਿ ਸਰਬੀਆ ਵਿਚ ਕੋਰੋਨਾ ਵਾਇਰਸ ਦੇ ਪਹਿਲੇ ਮਾਮਲੇ ਦੀ ਪੁਸ਼ਟੀ ਹੋਈ ਹੈ। ਇਹ ਸਬੋਟਿਕਾ (ਉੱਤਰ) ਦਾ 43 ਸਾਲਾ ਵਾਸੀ ਹੈ ਜੋ ਹਾਲ ਹੀ ਵਿਚ ਹੰਗਰੀ ਵਿਚ ਸੀ. ਮੰਤਰੀ ਨੇ ਦੱਸਿਆ ਕਿ ਇਸ ਵਿਅਕਤੀ ਨੂੰ ਸਬੋਟਿਕਾ ਵਿਚ ਵੱਖਰੇ ਤੌਰ 'ਤੇ ਰੱਖਿਆ ਗਿਆ ਹੈ ਅਤੇ ਉਸ ਦੀ ਸਿਹਤ ਅੱਗੇ ਨਾਲੋਂ ਬਿਹਤਰ ਹੈ। ਉਹ ਜਿਨ੍ਹਾਂ ਲੋਕਾਂ ਦੇ ਸੰਪਰਕ ਵਿਚ ਆਇਆ, ਉਨ੍ਹਾਂ ਦੀ ਵੀ ਮੈਡੀਕਲ ਜਾਂਚ ਕੀਤੀ ਜਾ ਰਹੀ ਹੈ। ਇਸ ਦੌਰਾਨ ਯੋਓਂਦੇ ਤੋਂ ਪ੍ਰਾਪਤ ਨਿਊਜ਼ ਮੁਤਾਬਕ ਕੈਮਰਨ ਤੋਂ ਵੀ ਕੋਰੋਨਾ ਵਾਇਰਸ ਦਾ ਪਹਿਲਾ ਸਤਿਆਪਤ ਮਾਮਲਾ ਸਾਹਮਣੇ ਆਇਆ। ਇਹ ਇਨਫੈਕਸ਼ਨ ਇਕ ਫਰਾਂਸਿਸੀ ਨਾਗਰਿਕ ਵਿਚ ਸਾਹਮਣੇ ਆਇਆ ਜੋ ਫਰਵਰੀ ਵਿਚ ਯੋਓਂਦੇ ਪਹੁੰਚਿਆ ਸੀ। ਸਰਕਾਰ ਨੇ ਇਕ ਬਿਆਨ ਵਿਚ ਕਿਹਾ ਕਿ 58 ਸਾਲਾ ਇਸ ਵਿਅਕਤੀ ਨੂੰ ਇਕ ਹਸਪਤਾਲ ਵਿਚ ਵੱਖਰੇ ਤੌਰ 'ਤੇ ਰੱਖਿਆ ਗਿਆ ਹੈ।