ਸਿਡਨੀ ’ਚ ਕੋਰੋਨਾ ਕੇਸਾਂ ’ਚ ਮੁੜ ਹੋਣ ਲੱਗਾ ਵਾਧਾ

ਸਿਡਨੀ (ਸਨੀ ਚਾਂਦਪੁਰੀ) : ਨਿਊ ਸਾਊਥ ਵੇਲਜ਼ ’ਚ ਕੋਰੋਨਾ ਵਾਇਰਸ ਦੇ ਹੋਰ 1035 ਮਾਮਲੇ ਦਰਜ ਕੀਤੇ ਗਏ ਹਨ ਕਿਉਂਕਿ ਇੱਕ ਵੱਡੀ ਪਾਬੰਦੀ ’ਚ ਢਿੱਲ ਦਿੱਤੀ ਗਈ ਹੈ । ਸ਼ਨੀਵਾਰ ਨੂੰ ਦੋ ਹੋਰ ਮੌਤਾਂ ਦੀ ਪੁਸ਼ਟੀ ਵੀ ਕੀਤੀ ਗਈ-70 ਸਾਲ ਦੀ ਇੱਕ ਔਰਤ, ਜੋ ਨੇਪੀਅਨ ਹਸਪਤਾਲ ’ਚ ਦਮ ਤੋੜ ਗਈ ਅਤੇ 80 ਸਾਲ ਦੀ ਇੱਕ ਔਰਤ, ਜਿਸ ਨੇ ਵੈਸਟਮੀਡ ਹਸਪਤਾਲ ’ਚ ਆਖਰੀ ਸਾਹ ਲਏ।  ਜੂਨ ’ਚ ਪ੍ਰਕੋਪ ਦੀ ਸ਼ੁਰੂਆਤ ਤੋਂ ਬਾਅਦ ਐੱਨ. ਐੱਸ. ਡਬਲਯੂ. ’ਚ 83 ਕੋਵਿਡ ਨਾਲ ਸਬੰਧਤ ਮੌਤਾਂ ਹੋਈਆਂ ਹਨ । ਸਿਹਤ ਮੰਤਰੀ ਬ੍ਰੈਡ ਹੈਜ਼ਰਡ ਨੇ ਕਿਹਾ, “ਮੈਂ ਉਨ੍ਹਾਂ ਦੋ ਔਰਤਾਂ ਦੇ ਪਰਿਵਾਰਾਂ ਪ੍ਰਤੀ ਸਮੁੱਚੀ ਨਿਊ ਸਾਊਥ ਵੇਲਜ਼ ਸਿਹਤ ਪ੍ਰਣਾਲੀ ਅਤੇ ਸਾਡੀ ਸਰਕਾਰ ਪ੍ਰਤੀ ਹਮਦਰਦੀ ਪ੍ਰਗਟ ਕਰਨਾ ਚਾਹੁੰਦਾ ਹਾਂ।’’

ਇਹ ਇੱਕ ਭਿਆਨਕ ਸਥਿਤੀ ਹੈ ਅਤੇ ਤੁਹਾਡੇ ਕਿਸੇ ਵੀ ਪਿਆਰੇ ਦਾ ਕਿਸੇ ਸਮੇਂ ਵੀ ਦਿਹਾਂਤ ਹੋਣਾ ਸਪੱਸ਼ਟ ਤੌਰ ’ਤੇ ਚੁਣੌਤੀਪੂਰਨ ਹੈ ਪਰ ਇਸ ਸਥਿਤੀ ’ਚ ਸਾਡੇ ’ਚੋਂ ਬਹੁਤ ਸਾਰੇ ਇਸ ਨੂੰ ਹੋਰ ਵੀ ਮਹਿਸੂਸ ਕਰ ਰਹੇ ਹਨ । ਨਵੇਂ ਮਾਮਲਿਆਂ ’ਚੋਂ 42 ਪੱਛਮੀ ਐੱਨ.ਐੱਸ.ਡਬਲਯੂ. ’ਚ ਅਤੇ 4 ਨਵੇਂ ਕੇਸ ਰਾਜ ਦੇ ਦੂਰ ਪੱਛਮ ’ਚ ਦਰਜ ਕੀਤੇ ਗਏ ਹਨ। ਹੁਣ ਦੂਰ ਪੱਛਮ ’ਚ 69 ਅਤੇ ਪੱਛਮ ’ਚ 495 ਮਾਮਲੇ ਹਨ। ਹੋਰ 969 ਗ੍ਰੇਟਰ ਸਿਡਨੀ ਦੇ ਸਨ, ਜਿਨ੍ਹਾਂ ’ਚ ਇਲਾਵਾੜਾ ਸ਼ੋਹਲੇਵਨ ਖੇਤਰ ਤੋਂ 7 ਵਾਧੂ, ਹੰਟਰ ਨਿਊ ਇੰਗਲੈਂਡ ਖੇਤਰ ਤੋਂ 3 ਅਤੇ ਸੈਂਟਰਲ ਕੋਸਟ ਤੋਂ 2 ਸਨ। ਇਸ ਵੇਲੇ ਹਸਪਤਾਲ ’ਚ 778 ਕੋਵਿਡ ਮਰੀਜ਼ ਦਾਖਲ ਹਨ, ਜਿਨ੍ਹਾਂ ’ਚ 125 ਲੋਕ ਸਖਤ ਦੇਖਭਾਲ ’ਚ ਹਨ, ਜਿਨ੍ਹਾਂ ’ਚੋਂ 52 ਨੂੰ ਵੈਂਟੀਲੇਟਰ ਦੀ ਜ਼ਰੂਰਤ ਹੈ।