ਪਾਣੀ ''ਤੇ ਤੈਰਦਾ ਸ਼ਹਿਰ, 250KM/H ਦੀ ਰਫ਼ਤਾਰ ਵਾਲੇ ਤੂਫ਼ਾਨ ''ਚ ਵੀ ਨਹੀਂ ਹੋਵੇਗਾ ਕੋਈ ਨੁਕਸਾਨ
05/14/2024 5:54:33 PM
ਇੰਟਰਨੈਸ਼ਨਲ ਡੈਸਕ- ਤੁਸੀਂ ਪਾਣੀ 'ਤੇ ਤੈਰਦੇ ਹੋਏ ਕਈ ਕਿਸ਼ਤੀਆਂ ਅਤੇ ਕਰੂਜ਼ ਦੇਖੇ ਹੋਣਗੇ, ਪਰ ਕੀ ਤੁਸੀਂ ਸੋਚਿਆ ਹੈ ਕਿ ਪਾਣੀ 'ਤੇ ਤੈਰਦਾ ਕੋਈ ਸ਼ਹਿਰ ਵੀ ਹੋ ਸਕਦਾ ਹੈ। ਇਸ ਗੱਲ 'ਤੇ ਯਕੀਨ ਕਰਨਾ ਔਖਾ ਹੈ ਪਰ ਇਹ ਸੱਚ ਹੈ। ਦੱਖਣੀ ਕੋਰੀਆ ਦੇ ਬੁਸਾਨ 'ਚ ਓਸ਼ਨਿਕਸ ਨਾਂ ਦਾ ਇੱਕ ਫਲੋਟਿੰਗ ਸ਼ਹਿਰ ਬਣਾਇਆ ਜਾ ਰਿਹਾ ਹੈ, ਜੋ ਦੁਨੀਆ ਦਾ ਪਹਿਲਾ ਤੈਰਦਾ ਸ਼ਹਿਰ ਹੋਵੇਗਾ। ਇਸ ਦਾ ਨਿਰਮਾਣ ਇਸ ਸਾਲ ਦੇ ਅੰਤ ਤੱਕ ਸ਼ੁਰੂ ਹੋ ਜਾਵੇਗਾ ਅਤੇ ਜੇਕਰ ਸਭ ਕੁਝ ਠੀਕ ਰਿਹਾ ਤਾਂ ਇਹ 2028 ਤੱਕ ਤਿਆਰ ਹੋ ਜਾਵੇਗਾ।
ਓਸ਼ਨਿਕਸ ਸਿਟੀ ਬਣਾਉਣ ਲਈ ਹਰੇ ਕੰਕਰੀਟ ਦੇ ਬਕਸੇ 'ਤੇ ਬਣਾਏ ਜਾ ਰਹੇ ਪਲੇਟਫਾਰਮ ਨੂੰ ਸਮੁੰਦਰ 'ਚ ਲਿਆ ਕੇ ਜੋੜਿਆ ਜਾਵੇਗਾ। 6.3 ਹੈਕਟੇਅਰ ਵਿੱਚ ਫੈਲੇ ਇਸ ਸਮੁੰਦਰੀ ਸਮਾਰਟ ਸਿਟੀ ਵਿੱਚ 12 ਹਜ਼ਾਰ ਲੋਕ ਰਹਿ ਸਕਣਗੇ। ਹਾਲਾਂਕਿ ਬਾਅਦ ਵਿੱਚ ਇਸਨੂੰ 1 ਲੱਖ ਲੋਕਾਂ ਦੇ ਅਨੁਕੂਲਣ ਲਈ ਅਪਗ੍ਰੇਡ ਕੀਤਾ ਜਾ ਸਕਦਾ ਹੈ। ਨਿਊਯਾਰਕ ਟਾਈਮਜ਼ ਦੀ ਰਿਪੋਰਟ ਮੁਤਾਬਕ ਓਸ਼ਨਿਕਸ ਸਿਟੀ 'ਚ ਰਹਿਣ, ਖੇਡਣ, ਮਨੋਰੰਜਨ ਅਤੇ ਖਰੀਦਦਾਰੀ ਲਈ ਵੱਖ-ਵੱਖ ਪਲੇਟਫਾਰਮ ਹੋਣਗੇ। ਇਸ ਸ਼ਹਿਰ ਦੀਆਂ ਜ਼ਿਆਦਾਤਰ ਇਮਾਰਤਾਂ ਦੀਆਂ ਛੱਤਾਂ 'ਤੇ ਸੂਰਜੀ ਊਰਜਾ ਪੈਨਲ ਲਗਾਏ ਜਾਣਗੇ, ਜੋ ਬਿਜਲੀ ਪੈਦਾ ਕਰਨਗੇ। ਬਿਜਲੀ ਦੀਆਂ ਸਾਰੀਆਂ ਲੋੜਾਂ ਸੂਰਜੀ ਊਰਜਾ ਨਾਲ ਹੀ ਪੂਰੀਆਂ ਹੋਣਗੀਆਂ।
ਪੜ੍ਹੋ ਇਹ ਅਹਿਮ ਖ਼ਬਰ-'ਸਾਰੇ ਜਹਾਂ ਸੇ ਅੱਛਾ ਹਿੰਦੋਸਤਾਨ ਹਮਾਰਾ' ਗੀਤ ਦੀ ਧੁਨ ਵ੍ਹਾਈਟ ਹਾਊਸ 'ਚ ਵੱਜੀ (ਵੀਡੀਓ)
ਇਮਾਰਤਾਂ ਨੂੰ ਇਸ ਤਰ੍ਹਾਂ ਡਿਜ਼ਾਇਨ ਕੀਤਾ ਜਾਵੇਗਾ ਕਿ ਉਹ 250 ਕਿਲੋਮੀਟਰ ਪ੍ਰਤੀ ਘੰਟੇ ਦੀ ਰਫ਼ਤਾਰ ਵਾਲੇ ਤੂਫ਼ਾਨ ਨੂੰ ਝੱਲਣ ਦੇ ਸਮਰੱਥ ਹੋਣਗੀਆਂ। ਇਮਾਰਤਾਂ ਸੱਤ ਮੰਜ਼ਿਲਾਂ ਤੋਂ ਘੱਟ ਉੱਚੀਆਂ ਹੋਣਗੀਆਂ ਤਾਂ ਜੋ ਤੇਜ਼ ਹਵਾਵਾਂ ਦਾ ਸਾਹਮਣਾ ਕਰ ਸਕਣ। ਆਪਣੀ ਹੈਕਸਾਗਨ ਸ਼ਕਲ ਅਤੇ ਹਰੇ ਕੰਕਰੀਟ ਕਾਰਨ ਇਹ ਪਲੇਟਫਾਰਮ ਬਹੁਤ ਮਜ਼ਬੂਤ ਹੈ, ਜੋ ਤੇਜ਼ ਤਰੰਗਾਂ ਵਿੱਚ ਵੀ ਸੁਰੱਖਿਅਤ ਰਹੇਗਾ। ਗ੍ਰੀਨ ਕੰਕਰੀਟ ਫਾਲਤੂ ਪਦਾਰਥਾਂ ਤੋਂ ਬਣਾਇਆ ਜਾਂਦਾ ਹੈ ਅਤੇ ਆਮ ਕੰਕਰੀਟ ਨਾਲੋਂ ਜ਼ਿਆਦਾ ਟਿਕਾਊ ਹੁੰਦਾ ਹੈ। ਸ਼ਹਿਰ ਲਈ ਬਣਾਏ ਗਏ ਪਲੇਟਫਾਰਮਾਂ ਦੇ ਹੇਠਾਂ ਨੈੱਟ ਲਗਾਏ ਜਾਣਗੇ, ਜਿਨ੍ਹਾਂ ਦੀ ਵਰਤੋਂ ਸਮੁੰਦਰੀ ਭੋਜਨ ਨੂੰ ਸਟੋਰ ਕਰਨ ਲਈ ਕੀਤੀ ਜਾਵੇਗੀ।
ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ
For Android:- https://play.google.com/store/apps/details?id=com.jagbani&hl=en
For IOS:- https://itunes.apple.com/in/app/id538323711?mt=8
ਨੋਟ- ਇਸ ਖ਼ਬਰ ਬਾਰੇ ਕੁਮੈਂਟ ਕਰ ਦਿਓ ਰਾਏ।
