ਚੀਨ ਨੇ ਦੁਨੀਆ ਦੇ ਸਭ ਤੋਂ ਵੱਡੇ ਐਮਫੀਬਿਅਸ ਜਹਾਜ਼ ਦੀ ਕੀਤਾ ਸਫਲ ਪ੍ਰੀਖਣ

ਬੀਜਿੰਗ— ਚੀਨ ਨੇ ਦੁਨੀਆ ਦੇ ਸਭ ਤੋਂ ਵੱਡੇ ਐਮਫੀਬਿਅਸ ਜਹਾਜ਼ ਏ.ਜੀ.-600 ਦਾ ਸ਼ਨੀਵਾਰ ਨੂੰ ਪਹਿਲਾ ਉਡਾਣ ਪ੍ਰੀਖਣ ਸਫਲਤਾਪੂਰਵਕ ਤਰੀਕੇ ਨਾਲ ਪੂਰਾ ਕਰ ਲਿਆ ਹੈ। ਐਮਫੀਬਿਅਸ ਸ਼੍ਰੇਣੀ ਦਾ ਜਹਾਜ਼ ਪਾਣੀ ਤੇ ਜ਼ਮੀਨ 'ਤੇ ਉਡਾਣ ਭਰਨ ਤੇ ਉਤਰਨ ਦੇ ਕਾਬਿਲ ਹੈ। ਚੀਨ ਦੀ ਸਰਕਾਰੀ ਕੰਪਨੀ ਐਵੀਏਸ਼ਨ ਇੰਡਸਟਰੀ ਆਫ ਚਾਈਨਾ ਨੇ ਇਸ ਦਾ ਨਿਰਮਾਣ ਤੇ ਵਿਕਾਸ ਕੀਤਾ ਹੈ। ਜਹਾਜ਼ ਦਾ ਪ੍ਰੀਖਣ ਹੁਬੋਈ ਸੂਬੇ ਦੇ ਜੀਂਗਮੇਨ ਇਲਾਕੇ 'ਚ ਕੀਤਾ ਗਿਆ।

ਜਹਾਜ਼ ਨੇ ਸਵੇਰੇ 8.51 ਵਜੇ ਝਾਂਗੇ ਰਿਜ਼ਰਵਾਇਰ ਤੋਂ ਚਾਲਕ ਦਲ ਦੇ 4 ਮੈਂਬਰਾਂ ਨਾਲ ਜਹਾਜ਼ ਨੇ ਉਡਾਣ ਭਰੀ ਤੇ ਕਰੀਬ 15 ਮਿੰਟ ਤਕ ਆਸਮਾਨ 'ਚ ਰਿਹਾ। ਇਹ ਜਹਾਜ਼ ਕਰੀਬ 12 ਘੰਟੇ ਤਕ ਉਡਾਣ ਭਰਨ ਦੇ ਕਾਬਿਲ ਹੈ ਤੇ ਜਹਾਜ਼ ਦੇ ਇਸ ਕੰਮ ਲਈ ਜ਼ਰੂਰੀ ਜਾਹਜ਼ ਦਾ ਕੋਡ ਨੇਮ ਕੁਨਲੋਂਗ ਹੈ। ਇਸ ਦਾ ਮੁੱਖ ਤੌਰ 'ਤੇ ਇਸਤੇਮਾਲ ਪਾਣੀ 'ਚ ਬਚਾਅ ਕੰਮ, ਸਮੁੰਦਰੀ ਨਿਗਰਾਨੀ ਤੇ ਜੰਗਲ ਦੀ ਅੱਗ ਨੂੰ ਬੁਝਾਉਣ ਲਈ ਕੀਤਾ ਜਾਵੇਗਾ।