ਚੀਨ ''ਚ ਸਨੋਬੋਰਡ ਕ੍ਰਾਸ ਵਿਸ਼ਵ ਕੱਪ ਮੁਕਾਬਲੇ, ਕੈਨੇਡਾ ਦੇ ਇਲਿਓ ਗਰਾਂਦੈਂ ਨੇ ਜਿੱਤਿਆ ਚਾਂਦੀ ਦਾ ਤਮਗਾ
Sunday, Jan 18, 2026 - 12:06 AM (IST)
ਵੈਨਕੂਵਰ (ਮਲਕੀਤ ਸਿੰਘ) – ਕੈਨੇਡਾ ਦੇ ਸਨੋਬੋਰਡ ਕ੍ਰਾਸ ਖਿਡਾਰੀ ਇਲਿਓ ਗਰਾਂਦੈਂ ਨੇ ਚੀਨ ਦੇ ਡੋਂਗਬੇਈਆ ਵਿੱਚ ਹੋਏ ਵਿਸ਼ਵ ਕੱਪ ਮੁਕਾਬਲੇ ਦੌਰਾਨ ਸ਼ਾਨਦਾਰ ਪ੍ਰਦਰਸ਼ਨ ਕਰਦਿਆਂ ਚਾਂਦੀ ਦਾ ਤਮਗਾ ਆਪਣੇ ਨਾਂ ਕੀਤਾ। ਸ਼ੁਰੂਆਤ ਵਿੱਚ ਇਟਲੀ ਵਿੱਚ ਨਿਰਾਸ਼ਾਜਨਕ ਨਤੀਜੇ ਤੋਂ ਬਾਅਦ ਗਰਾਂਦੈਂ ਨੇ ਇਸ ਦੌੜ ਰਾਹੀਂ ਜ਼ੋਰਦਾਰ ਵਾਪਸੀ ਕੀਤੀ।
24 ਸਾਲਾ ਗਰਾਂਦੈਂ, ਜੋ ਕੈਨੇਡਾ ਦੇ ਕਿਊਬੈਕ ਸੂਬੇ ਦੇ ਸੇਂਟ-ਮੇਰੀ ਸ਼ਹਿਰ ਨਾਲ ਸੰਬੰਧਿਤ ਹਨ, ਵੱਡੇ ਫਾਈਨਲ ਵਿੱਚ ਦੂਜੇ ਸਥਾਨ ’ਤੇ ਰਹੇ। ਫਾਈਨਲ ਦੌੜ ਵਿੱਚ ਆਸਟਰੀਆ ਦੇ ਜੇਕੋਬ ਡੂਸੈਕ ਨੇ ਪਹਿਲਾ ਸਥਾਨ ਹਾਸਲ ਕਰਦਿਆਂ ਸੋਨੇ ਦਾ ਤਮਗਾ ਜਿੱਤਿਆ।
ਇਹ ਨਤੀਜਾ ਗਰਾਂਦੈਂ ਲਈ ਖਾਸ ਅਹਿਮੀਅਤ ਰੱਖਦਾ ਹੈ ਕਿਉਂਕਿ ਮੌਸਮ ਦੀ ਪਹਿਲੀ ਦੌੜ ਵਿੱਚ ਨਾਕਾਮੀ ਤੋਂ ਬਾਅਦ ਇਸ ਪ੍ਰਦਰਸ਼ਨ ਨੇ ਉਸਦਾ ਹੌਂਸਲਾ ਅਤੇ ਵਿਸ਼ਵ ਕੱਪ ਸਰਕਿਟ ’ਚ ਉਸਦੀ ਮਜ਼ਬੂਤ ਮੌਜੂਦਗੀ ਦੁਬਾਰਾ ਸਾਬਤ ਕੀਤੀ ਹੈ।
