ਕੈਨੇਡਾ ਆਪਣੇ 500 ਫੌਜੀ ਇਰਾਕ ਤੋਂ ਭੇਜੇਗਾ ਕੁਵੈਤ
01/08/2020 12:35:33 PM
ਟੋਰਾਂਟੋ (ਭਾਸ਼ਾ): ਕੈਨੇਡਾ ਦੇ ਇਕ ਸੀਨੀਅਰ ਅਧਿਕਾਰੀ ਨੇ ਮੰਗਲਵਾਰ ਨੂੰ ਕਿਹਾ ਕਿ ਇਰਾਕ ਵਿਚ ਤਾਇਨਾਤ 500 ਕੈਨੇਡੀਅਨ ਫੌਜੀਆਂ ਨੂੰ ਆਉਣ ਵਾਲੇ ਦਿਨਾਂ ਵਿਚ ਅਸਥਾਈ ਤੌਰ 'ਤੇ ਕੁਵੈਤ ਭੇਜ ਦਿੱਤਾ ਜਾਵੇਗਾ। ਇਹ ਕਦਮ ਖੇਤਰ ਵਿਚ ਵੱਧਦੇ ਤਣਾਅ ਦੇ ਕਾਰਨ ਉਹਨਾਂ ਦੀ ਸੁਰੱਖਿਆ ਦੇ ਮੱਦੇਨਜ਼ਰ ਲਿਆ ਗਿਆ ਹੈ। ਪ੍ਰਮੁੱਖ ਰੱਖਿਆ ਮੁਖੀ ਜਨਰਲ ਜੌਨਾਥਾਨ ਵਾਂਸ ਨੇ ਟਵਿੱਟਰ 'ਤੇ ਇਕ ਪੱਤਰ ਪੋਸਟ ਕੀਤਾ ਜੋ ਇਰਾਕ ਵਿਚ ਤਾਇਨਾਤ ਮਿਲਟਰੀ ਕਰਮੀਆਂ ਦੇ ਪਰਿਵਾਰਾਂ ਨੂੰ ਸੰਬੋਧਿਤ ਸੀ। ਇਸ ਵਿਚ ਉਹਨਾਂ ਨੇ ਮੁਹਿੰਮ ਨੂੰ ਰੋਕਣ ਦਾ ਐਲਾਨ ਕੀਤਾ।
A letter from General Jonathan Vance, Chief of the Defence Staff, to Canadians about our deployed personnel in the Middle East. #OpIMPACT pic.twitter.com/Y0IdmZdo9f
— Canadian Forces (@CanadianForces) January 7, 2020
ਉਹਨਾਂ ਨੇ ਕਿਹਾ ਕਿ ਆਉਣ ਵਾਲੇ ਦਿਨਾਂ ਵਿਚ ਆਪਣੇ ਲੋਕਾਂ ਨੂੰ ਅਸੀਂ ਅਸਥਾਈ ਤੌਰ 'ਤੇ ਇਰਾਕ ਤੋਂ ਕੁਵੈਤ ਭੇਜਾਂਗੇ, ਅਜਿਹਾ ਉਹਨਾਂ ਦੀ ਸੁਰੱਖਿਆ ਯਕੀਨੀ ਕਰਨ ਲਈ ਕੀਤਾ ਜਾਵੇਗਾ। ਉਹਨਾਂ ਦੇ ਫੌਜੀ ਨਾਟੋ ਦਾ ਹਿੱਸਾ ਹਨ ਅਤੇ ਨਾਟੋ ਨੇ ਵਰਤਮਾਨ ਹਾਲਾਤ ਦੇ ਮੱਦੇਨਜ਼ਰ ਇਰਾਕ ਵਿਚ ਆਪਣੇ ਸਿਖਲਾਈ ਮਿਸ਼ਨ ਨੂੰ ਮੁਅੱਤਲ ਕੀਤਾ ਹੈ। ਜਰਮਨੀ ਅਤੇ ਰੋਮਾਨੀਆ ਸਮੇਤ ਕਈ ਦੇਸ਼ਾਂ ਨੇ ਆਪਣੇ ਬਲਾਂ ਨੂੰ ਉੱਥੋਂ ਹਟਾਉਣ ਦਾ ਐਲਾਨ ਕੀਤਾ ਹੈ। ਭਾਵੇਂਕਿ ਫਰਾਂਸ ਨੇ ਕਿਹਾ ਹੈ ਕਿ ਇਰਾਕ ਤੋਂ ਫੌਜੀ ਹਟਾਉਣ ਦਾ ਉਸ ਦਾ ਕੋਈ ਇਰਾਦਾ ਨਹੀਂ ਹੈ।
