PM ਸੁਨਕ ਨੇ ਦੁਨੀਆ ਭਰ ਦੇ ਡਿਪਲੋਮੈਟਾਂ, ਫੌਜੀ ਕਰਮਚਾਰੀਆਂ, ਚੈਰਿਟੀ ਵਰਕਰਾਂ ਨੂੰ ਕੀਤਾ ਅਚਾਨਕ ਫ਼ੋਨ, ਕਹੀ ਇਹ ਗੱਲ

ਲੰਡਨ — ਬ੍ਰਿਟੇਨ ਦੇ ਪ੍ਰਧਾਨ ਮੰਤਰੀ ਰਿਸ਼ੀ ਸੁਨਕ ਨੇ ਇਸ ਕ੍ਰਿਸਮਸ 'ਤੇ ਨਿੱਜੀ ਤੌਰ 'ਤੇ ਕਾਲ ਕਰਕੇ ਦੁਨੀਆ ਭਰ ਦੇ ਡਿਪਲੋਮੈਟਾਂ, ਫੌਜੀ ਕਰਮਚਾਰੀਆਂ, ਚੈਰਿਟੀ ਵਰਕਰਾਂ ਅਤੇ ਹੋਰ ਜਨਤਕ ਸੇਵਕਾਂ ਨੂੰ ਨਾ ਸਿਰਫ ਹੈਰਾਨ ਕਰ ਦਿੱਤਾ ਹੈ, ਸਗੋਂ ਇਸ 'ਅਸਾਧਾਰਨ ਸਾਲ' ਵਿਚ ਉਨ੍ਹਾਂ ਦੇ ਬਲਿਦਾਨ ਅਤੇ ਸਮਰਪਣ ਲਈ ਉਨ੍ਹਾਂ ਦਾ ਧੰਨਵਾਦ ਵੀ ਕੀਤਾ ਹੈ। ਡਾਊਨਿੰਗ ਸਟ੍ਰੀਟ (ਬ੍ਰਿਟਿਸ਼ ਪ੍ਰਧਾਨ ਮੰਤਰੀ ਦਾ ਅਧਿਕਾਰਤ ਦਫਤਰ) ਨੇ ਕਿਹਾ ਕਿ ਬ੍ਰਿਟਿਸ਼-ਭਾਰਤੀ ਨੇਤਾ ਨੇ ਸ਼ੁੱਕਰਵਾਰ ਨੂੰ ਪਾਕਿਸਤਾਨ ਵਿਚ ਕੰਮ ਕਰ ਚੁੱਕੇ ਸ਼ੇਰਵਾਨ ਆਸਿਫ਼ ਸਮੇਤ ਹੋਰ ਡਿਪਲੋਮੈਟਾਂ ਨੂੰ ਨਿੱਜੀ ਫ਼ੋਨ ਕਾਲਾਂ ਕੀਤੀਆਂ।

ਇਹ ਵੀ ਪੜ੍ਹੋ : ਪ੍ਰਾਪਰਟੀ ’ਚ ਨਿਵੇਸ਼ ਕਰ ਕੇ ਫਸੇ ਪੰਜਾਬੀ NRI,  ਮੁਨਾਫ਼ੇ ਦੀ ਬਜਾਏ ਹੋ ਰਿਹਾ ਹੈ ਨੁਕਸਾਨ

ਆਸਿਫ਼ ਨੇ ਇਸਲਾਮਾਬਾਦ ਵਿੱਚ ਸਥਿਤ ਬ੍ਰਿਟਿਸ਼ ਹਾਈ ਕਮਿਸ਼ਨ ਵਿੱਚ 12 ਸਾਲਾਂ ਤੋਂ ਵੱਧ ਸਮੇਂ ਤੱਕ ਕੰਮ ਕੀਤਾ ਅਤੇ ਪਿਛਲੇ ਜੂਨ ਵਿੱਚ ਪਾਕਿਸਤਾਨ ਵਿੱਚ ਆਏ ਵਿਨਾਸ਼ਕਾਰੀ ਹੜ੍ਹਾਂ ਲਈ ਯੂਕੇ ਦੇ ਜਵਾਬ ਵਿੱਚ ਸਭ ਤੋਂ ਅੱਗੇ ਸੀ। ਡਾਊਨਿੰਗ ਸਟ੍ਰੀਟ ਨੇ ਕਿਹਾ ਕਿ ਆਸਿਫ ਨੇ ਸਹਾਇਤਾ ਲਈ ਮੁੱਖ ਖੇਤਰਾਂ ਦੀ ਪਛਾਣ ਕੀਤੀ ਅਤੇ ਇਹ ਯਕੀਨੀ ਬਣਾਇਆ ਕਿ ਸਹਾਇਤਾ ਸਭ ਤੋਂ ਕਮਜ਼ੋਰ ਲੋਕਾਂ ਤੱਕ ਪਹੁੰਚੇ। ਸੁਨਕ ਨੇ ਕਿਹਾ "ਭਾਵੇਂ ਤੁਸੀਂ ਇਸ ਕ੍ਰਿਸਮਸ ਵਿੱਚ ਮੋਗਾਦਿਸ਼ੂ ਜਾਂ ਮਿਲਟਨ ਕੀਨਜ਼ ਵਿੱਚ ਕੰਮ ਕਰ ਰਹੇ ਹੋ, ਮੈਂ ਤੁਹਾਨੂੰ ਦੱਸਣਾ ਚਾਹੁੰਦਾ ਹਾਂ ਕਿ ਮੈਂ ਤੁਹਾਡੀਆਂ ਕੁਰਬਾਨੀਆਂ ਲਈ ਨਿੱਜੀ ਤੌਰ 'ਤੇ ਧੰਨਵਾਦੀ ਹਾਂ।" ਉਸਨੇ ਕਿਹਾ ਕਿ ਇਹ ਸਾਲ ਕਈ ਕਾਰਨਾਂ ਕਰਕੇ ਇੱਕ ਅਸਾਧਾਰਨ ਸਾਲ ਰਿਹਾ ਹੈ, ਪਰ ਸਾਡੇ ਵਿੱਚੋਂ ਬਹੁਤਿਆਂ ਲਈ ਇਹ ਇੱਕ ਅਜਿਹਾ ਸਾਲ ਰਿਹਾ ਹੈ ਜਿਸ ਨੇ ਬ੍ਰਿਟੇਨ ਦੀ ਸੱਚੀ ਭਾਵਨਾ ਅਤੇ ਉਦਾਰਤਾ ਨੂੰ ਦਰਸਾਇਆ ਹੈ।

ਇਹ ਵੀ ਪੜ੍ਹੋ : ਕੰਗਾਲ ਪਾਕਿਸਤਾਨ 'ਚ ਆਰਥਿਕ ਐਮਰਜੈਂਸੀ ਦਾ ਐਲਾਨ, ਸਰਕਾਰੀ ਮੁਲਾਜ਼ਮਾਂ 'ਤੇ ਡਿੱਗੀ ਗਾਜ

ਉਸਨੇ ਕਿਹਾ ਕਿ ਬ੍ਰਿਟੇਨ ਦੀ ਉਦਾਰਤਾ ਯੂਕਰੇਨੀ ਦੋਸਤਾਂ ਦੀ ਮਦਦ ਕਰਨ ਤੋਂ ਲੈ ਕੇ ਇਹ ਯਕੀਨੀ ਬਣਾਉਣ ਲਈ ਹੈ ਕਿ ਜ਼ਰੂਰੀ ਸਹਾਇਤਾ ਵਿਦੇਸ਼ਾਂ ਦੇ ਸਭ ਤੋਂ ਕਮਜ਼ੋਰ ਲੋਕਾਂ ਤੱਕ ਪਹੁੰਚ ਸਕੇ। ਸੁਨਕ ਨੇ ਸੋਮਾਲੀਆ ਅਤੇ ਯੂਕਰੇਨ ਵਿੱਚ ਤਾਇਨਾਤ ਡਿਪਲੋਮੈਟਾਂ ਨੂੰ ਵੀ ਟੈਲੀਫੋਨ ਕੀਤਾ, ਜਿਸ ਵਿੱਚ ਸਰ ਫਿਲਿਪ ਬਾਰਟਨ, ਵਿਦੇਸ਼, ਰਾਸ਼ਟਰਮੰਡਲ ਅਤੇ ਵਿਕਾਸ ਦਫਤਰ (ਐਫਸੀਡੀਓ) ਦੇ ਸਥਾਈ ਅੰਡਰ-ਸਕੱਤਰ ਵੀ ਸ਼ਾਮਲ ਸਨ। ਉਸਨੇ ਅੰਟਾਰਕਟਿਕਾ ਵਿੱਚ ਮੌਜੂਦ ਬ੍ਰਿਟਿਸ਼ ਰਾਇਲ ਨੇਵੀ ਦੇ ਇੱਕ ਜਹਾਜ਼ ਦੇ ਚਾਲਕ ਦਲ ਦੇ ਮੈਂਬਰਾਂ ਨੂੰ ਵੀ ਟੈਲੀਫੋਨ ਕੀਤਾ। ਸੁਨਕ ਨੇ ਲੰਡਨ ਸਥਿਤ ਸਮਾਰਟ ਪਲੇ (ਇੱਕ ਅਵਾਰਡ ਜੇਤੂ ਸਰਕਾਰੀ ਫੰਡਿਡ ਮਨੋਰੰਜਨ ਗਤੀਵਿਧੀ ਅਤੇ ਭੋਜਨ ਪ੍ਰੋਗਰਾਮ) ਦੇ ਨਿਰਦੇਸ਼ਕ ਕ੍ਰਿਸ ਮਿਸ਼ੇਲ ਨੂੰ ਵੀ ਇੱਕ ਫੋਨ ਕਾਲ ਨਾਲ ਹੈਰਾਨ ਕਰ ਦਿੱਤਾ।

ਸੁਨਕ ਨੇ ਮੋਗਾਦਿਸ਼ੂ ਵਿੱਚ ਤਾਇਨਾਤ ਇੱਕ ਡਿਪਲੋਮੈਟ ਨਿਕ ਗੁਫੋਗ ਨਾਲ ਗੱਲ ਕੀਤੀ ਅਤੇ ਉਸ ਤੋਂ ਪਤਾ ਲਗਾਇਆ ਕਿ ਕਿਵੇਂ ਅੱਤਵਾਦੀ ਹਮਲੇ ਦੇ ਖਤਰੇ ਵਿੱਚ ਉੱਥੇ ਤਾਇਨਾਤ ਕਰਮਚਾਰੀ ਕੰਟੇਨਰ ਵਿੱਚ ਰਹਿ ਰਹੇ ਹਨ। ਉਸਨੇ ਸਵੀਤਾ ਯਾਵਰਸਕਾ ਨਾਲ ਵੀ ਗੱਲ ਕੀਤੀ, ਜੋ ਕਿ ਕੀਵ ਅਤੇ ਵਾਰਸਾ ਤੋਂ ਬਾਅਦ ਹੁਣ ਲਵੀਵ ਵਿੱਚ ਬ੍ਰਿਟਿਸ਼ ਦੂਤਾਵਾਸ ਵਿੱਚ ਕੰਮ ਕਰ ਰਹੀ ਹੈ। ਸਵਿਤਾ ਨੇ ਉਸ ਨੂੰ ਦੱਸਿਆ ਕਿ ਹਮਲੇ ਤੋਂ ਬਾਅਦ ਉਸ ਨੂੰ ਕਿਵੇਂ ਪੋਲੈਂਡ ਭੱਜਣਾ ਪਿਆ। ਅੰਤ ਵਿੱਚ, ਸੁਨਕ ਨੇ ਐਚਐਮਐਸ ਪ੍ਰੋਟੈਕਟਰ ਦੇ ਕੁਝ ਚਾਲਕ ਦਲ ਦੇ ਮੈਂਬਰਾਂ ਨਾਲ ਗੱਲ ਕੀਤੀ, ਜੋ ਇਸ ਸਮੇਂ ਦੱਖਣੀ ਸੈਂਡਵਿਚ ਟਾਪੂਆਂ ਵਿੱਚ ਤਾਇਨਾਤ ਹੈ।

ਇਹ ਵੀ ਪੜ੍ਹੋ : ਗੌਤਮ ਅਡਾਨੀ ਦੀਆਂ ਕੰਪਨੀਆਂ ਨੂੰ ਹੋਇਆ 1.40 ਲੱਖ ਕਰੋੜ ਰੁਪਏ ਦਾ ਨੁਕਸਾਨ

ਨੋਟ - ਇਸ ਖ਼ਬਰ ਬਾਰੇ ਆਪਣੇ ਵਿਚਾਰ ਕੁਮੈਂਟ ਬਾਕਸ ਵਿਚ ਜ਼ਰੂਰ ਸਾਂਝੇ ਕਰੋ।