BGB ਵੱਲੋਂ ਕੀਤੀ ਗੋਲੀਬਾਰੀ ''ਚ ਮਾਰਿਆ ਗਿਆ ਭਾਰਤੀ ਵਿਅਕਤੀ

ਢਾਕਾ (ਭਾਸ਼ਾ): ਬਾਰਡਰ ਗਾਰਡ ਬੰਗਲਾਦੇਸ਼ (BGB) ਅਤੇ ਭਾਰਤ ਦੀ ਸਰਹੱਦੀ ਸੁਰੱਖਿਆ ਫੋਰਸ (BSF) ਵਿਚਾਲੇ 51ਵੀਂ ਡਾਇਰੈਕਟਰ ਜਨਰਲ-ਪੱਧਰ ਦੀ ਸਰਹੱਦੀ ਤਾਲਮੇਲ ਕਾਨਫਰੰਸ ਦੀ ਸਮਾਪਤੀ ਤੋਂ ਕੁਝ ਦਿਨ ਬਾਅਦ ਬੀ.ਜੀ.ਬੀ. ਦੇ ਮੈਂਬਰਾਂ ਵੱਲੋਂ ਕੀਤੀ ਗਈ ਗੋਲੀਬਾਰੀ ਵਿਚ ਇਕ ਭਾਰਤੀ ਵਿਅਕਤੀ ਦੀ ਮੌਤ ਹੋ ਗਈ।ਇੱਕ ਬਿਆਨ ਵਿਚ ਬੀ.ਜੀ.ਬੀ. ਮਯਮਨਸਿੰਘ ਸੈਕਟਰ 39 ਬਟਾਲੀਅਨ ਦੇ ਕਮਾਂਡਰ ਲੈਫਟੀਨੈਂਟ ਕਰਨਲ ਤੌਹੀਦ ਮਹਿਮੂਦ ਨੇ ਕਿਹਾ,"ਮ੍ਰਿਤਕ ਦੀ ਪਛਾਣ 48 ਸਾਲਾ ਡੈਬਿਟ ਮੋਮਿਨ ਵਜੋਂ ਹੋਈ ਹੈ। ਉਹ ਭਾਰਤ ਦੇ ਗਾਰੋ ਹਿੱਲਜ਼ ਦਾ ਵਸਨੀਕ ਦੱਸਿਆ ਜਾਂਦਾ ਹੈ।"

ਇੱਕ ਪੁਸ਼ਟੀਕਰਣ ਵਿਚ, ਬੀ.ਜੀ.ਬੀ. ਨੇ ਆਈ.ਏ.ਐਨ.ਐਸ. ਨੂੰ ਦੱਸਿਆ ਕਿ ਇਹ ਘਟਨਾ ਸੋਮਵਾਰ ਦੇਰ ਰਾਤ ਸੂਰਿਆਪੁਰ ਡੁਮਲਿਕੁਰਾ ਸਰਹੱਦ ਦੇ 1129-4S 'ਤੇ 'ਨੋ ਮੈਨਜ਼' ਦੀ ਜ਼ਮੀਨ ਦੇ ਨੇੜੇ ਵਾਪਰੀ।ਲੈਫਟੀਨੈਂਟ ਕਰਨਲ ਮਹਿਮੂਦ ਨੇ ਦਾਅਵਾ ਕੀਤਾ ਕਿ ਤਸਕਰਾਂ ਦੇ ਇੱਕ ਸਮੂਹ ਨੇ ਰਾਤ ਨੂੰ ਹਲੂਆਘਾਟ ਹਲਕੇ ਦੀ ਹੱਦ ਵਿਚ ਦਾਖਲ ਹੋਣ ਦੀ ਕੋਸ਼ਿਸ਼ ਕੀਤੀ। ਜਦੋਂ ਬੀ.ਜੀ.ਬੀ. ਨੇ ਉਨ੍ਹਾਂ ਦੀ ਪਛਾਣ ਪੁੱਛੀ ਤਾਂ ਉਨ੍ਹਾਂ ਨੇ ਭੱਜਣ ਦੀ ਕੋਸ਼ਿਸ਼ ਕੀਤੀ। ਜਦੋਂ ਬੀ.ਜੀ.ਬੀ. ਮੈਂਬਰਾਂ ਨੇ ਉਨ੍ਹਾਂ ਦਾ ਪਿੱਛਾ ਕੀਤਾ ਤਾਂ ਉਨ੍ਹਾਂ ਨੇ ਤੇਜ਼ਧਾਰ ਹਥਿਆਰਾਂ ਨਾਲ ਹਮਲਾ ਕਰ ਦਿੱਤਾ।

ਪੜ੍ਹੋ ਇਹ ਅਹਿਮ ਖਬਰ- ਵਾਤਾਵਰਨ ਲਈ ਵੀ ਘਾਤਕ ਸਿੱਧ ਹੋਵੇਗਾ ਕੋਰੋਨਾ, ਸਮੁੰਦਰ 'ਚ 150 ਕਰੋੜ 'ਮਾਸਕ' ਸੁੱਟਣ ਨਾਲ ਫੈਲੇਗਾ ਪ੍ਰਦੂਸ਼ਣ

ਸਵੈ-ਰੱਖਿਆ ਵਿਚ ਬੀ.ਜੀ.ਬੀ. ਮੈਂਬਰਾਂ ਨੇ ਉਨ੍ਹਾਂ 'ਤੇ ਫਾਇਰਿੰਗ ਕੀਤੀ, ਜਿਸ ਨਾਲ ਭਾਰਤੀ ਤਸਕਰ ਦੀ ਮੌਕੇ' ਤੇ ਹੀ ਮੌਤ ਹੋ ਗਈ। ਇਸ ਘਟਨਾ ਵਿਚ ਇੱਕ ਬੀ.ਜੀ.ਬੀ. ਮੈਂਬਰ ਵੀ ਜ਼ਖ਼ਮੀ ਹੋ ਗਿਆ ਸੀ।ਬੀ.ਜੀ.ਬੀ. ਨੇ ਇਹ ਵੀ ਦਾਅਵਾ ਕੀਤਾ ਹੈ ਕਿ ਗੋਲੀਬਾਰੀ ਉਸ ਸਮੇਂ ਹੋਈ ਜਦੋਂ ਤਸਕਰੀ ਕਰਨ ਵਾਲੇ ਗਿਰੋਹ ਦੇ ਮੈਂਬਰ ਭਾਰਤ ਤੋਂ ਬੰਗਲਾਦੇਸ਼ ਵਿਚ ਦਾਖਲ ਹੋਣ ਦੀ ਕੋਸ਼ਿਸ਼ ਕਰ ਰਹੇ ਸਨ।ਉਹਨਾਂ ਨੇ ਦੱਸਿਆ ਕਿ ਮ੍ਰਿਤਕ ਦੀ ਲਾਸ਼ ਬਰਾਮਦ ਕੀਤੀ ਗਈ ਅਤੇ ਮਯਮਨਸਿੰਘ ਮੈਡੀਕਲ ਕਾਲਜ ਹਸਪਤਾਲ ਮੁਰਦਾਘਰਵਿਚ ਭੇਜ ਦਿੱਤੀ ਗਈ।ਇਹ ਘਟਨਾ ਉਦੋਂ ਵਾਪਰੀ ਜਦੋਂ ਅਸਾਮ ਦੇ ਗੁਵਾਹਾਟੀ ਵਿਚ 22 ਦਸੰਬਰ ਨੂੰ ਡੀਜੀ-ਪੱਧਰੀ ਬੈਠਕ ਦੀ ਬੈਠਕ ਸ਼ੁਰੂ ਹੋਈ ਸੀ ਅਤੇ ਇਹ ਬੈਠਕ 25 ਦਸੰਬਰ ਨੂੰ ਖਤਮ ਹੋਈ।