ਆਸਟ੍ਰੇਲੀਆਈ ਰਾਜ ਨੇ ਕੋਵਿਡ-19 ਪ੍ਰਕੋਪ ਕਾਰਨ ਕੀਤਾ ''ਐਮਰਜੈਂਸੀ'' ਦਾ ਐਲਾਨ

ਸਿਡਨੀ (ਏਜੰਸੀ): ਆਸਟ੍ਰੇਲੀਆ ਦੀ ਇਕ ਰਾਜ ਸਰਕਾਰ ਨੇ ਸ਼ੁੱਕਰਵਾਰ ਨੂੰ ਸਿਡਨੀ ਵਿਚ ਇਕ ਕੋਵਿਡ-19 ਪ੍ਰਕੋਪ ਕਾਰਨ ਐਮਰਜੈਂਸੀ ਦਾ ਐਲਾਨ ਕਰ ਦਿੱਤਾ।ਨਿਊ ਸਾਊਥ ਵੇਲਜ਼ ਦੀ ਰਾਜ ਸਰਕਾਰ ਨੇ ਤਾਜ਼ਾ 24 ਘੰਟਿਆਂ ਦੀ ਮਿਆਦ ਵਿਚ ਇੱਕ ਮੌਤ ਅਤੇ 136 ਨਵੇਂ ਇਨਫੈਕਸ਼ਨਾਂ ਦੀ ਰਿਪੋਰਟ ਕੀਤੀ, ਜੋ ਕਿ ਜੂਨ ਦੇ ਮੱਧ ਵਿਚ ਪ੍ਰਕੋਪ ਸ਼ੁਰੂ ਹੋਣ ਦੇ ਬਾਅਦ ਤੋਂ ਨਵੇਂ ਕੇਸਾਂ ਦੀ ਸਭ ਤੋਂ ਵੱਡੀ ਰੋਜ਼ਾਨਾ ਗਿਣਤੀ ਹੈ।

ਪੜ੍ਹੋ ਇਹ ਅਹਿਮ ਖਬਰ - ਚੀਨ ਦੇ ਗਲੇਸ਼ੀਅਰ 'ਚ ਮਿਲੇ 28 ਨਵੇਂ 'ਵਾਇਰਸ', ਵਿਗਿਆਨੀ ਵੀ ਹੋਏ ਹੈਰਾਨ

ਸਟੇਟ ਪ੍ਰੀਮੀਅਰ ਗਲੇਡਿਸ ਬੇਰੇਜਿਕਲਿਅਨ ਨੇ ਫੈਡਰਲ ਸਰਕਾਰ ਨੂੰ ਸਿਡਨੀ ਦੇ ਪੱਛਮ ਅਤੇ ਦੱਖਣ ਵਿਚ ਸਭ ਤੋਂ ਵੱਧ ਪ੍ਰਭਾਵਿਤ ਉਪਨਗਰਾਂ ਲਈ ਸੰਘੀ ਸਰਕਾਰ ਤੋਂ ਵਧੇਰੇ ਟੀਕੇ ਮੁਹੱਈਆ ਕਰਵਾਉਣ ਦੀ ਮੰਗ ਕੀਤੀ।ਸਿਡਨੀ ਵਿਚ ਇਕ ਮਹੀਨੇ ਲਈ ਤਾਲਾਬੰਦੀ ਲਗਾ ਦਿੱਤੀ ਗਈ ਹੈ। ਡੈਲਟਾ ਵੇਰੀਐਂਟ ਕਲੱਸਟਰ ਸਿਡਨੀ ਤੋਂ ਵਿਕਟੋਰੀਆ ਅਤੇ ਦੱਖਣੀ ਆਸਟ੍ਰੇਲੀਆ ਦੇ ਰਾਜਾਂ ਵਿਚ ਫੈਲ ਗਿਆ ਹੈ ਜੋ ਕਿ ਬੰਦ ਹਨ। 

ਪੜ੍ਹੋ ਇਹ ਅਹਿਮ ਖਬਰ- ਸ਼ੀ ਜਿਨਪਿੰਗ ਨੇ ਪਹਿਲੀ ਵਾਰ ਕੀਤਾ ਤਿੱਬਤ ਦਾ ਦੌਰਾ, ਅਰੁਣਾਚਲ ਬਾਰਡਰ ਦਾ ਲਿਆ ਜਾਇਜਾ

ਆਸਟ੍ਰੇਲੀਆ ਦੀ 26 ਮਿਲੀਅਨ ਦੀ ਅੱਧੀ ਆਬਾਦੀ ਇਸ ਸਮੇਂ ਤਾਲਾਬੰਦੀ ਵਿਚ ਹੈ।ਸਿਰਫ 15% ਬਾਲਗ ਆਸਟ੍ਰੇਲੀਆਈ ਹੀ ਪੂਰੀ ਤਰਾਂ ਟੀਕਾਕਰਣ ਕਰਵਾ ਰਹੇ ਹਨ। ਜਦੋਂਕਿ ਸਥਾਨਕ ਤੌਰ 'ਤੇ ਨਿਰਮਿਤ ਐਸਟ੍ਰਾਜ਼ੈਨੇਕਾ ਦੀ ਸਪਲਾਈ ਲੋੜੀਂਦੀ ਹੈ। ਬਹੁਤ ਸਾਰੇ ਲੋਕ ਇਸ ਟੀਕੇ ਨਾਲ ਜੁੜੇ ਖੂਨ ਦੇ ਥੱਕੇ ਬਣਨ ਦੇ ਮਾਮੂਲੀ ਜੋਖਮ ਅਤੇ ਆਸਟ੍ਰੇਲੀਆ ਵਿਚ ਰਜਿਸਟਰਡ ਇਕੋ ਇਕ ਵਿਕਲਪ ਫਾਈਜ਼ਰ ਦੀ ਮੰਗ ਬਾਰੇ ਚਿੰਤਤ ਹਨ।

ਨੋਟ- ਆਸਟ੍ਰੇਲੀਆ ਵਿਚ ਕੋਰੋਨਾ ਮਾਮਲੇ ਵਧਣ 'ਤੇ ਬਚਾਅ ਲਈ ਕੁਮੈਂਟ ਕਰ ਦਿਓ ਆਪਣੀ ਰਾਏ।