ਆਸਟ੍ਰੇਲੀਆ : ਸੋਸ਼ਲ ਮੀਡੀਆ ''ਤੇ ਟਰੋਲ ਹੋਣ ਮਗਰੋਂ ਮੰਤਰੀ ਨੇ ਹਟਾਏ ਕੁਮੈਂਟਸ

ਸਿਡਨੀ (ਬਿਊਰੋ)— ਆਸਟ੍ਰੇਲੀਆ ਦੀ ਸਾਂਝੀ ਸਰਕਾਰ ਦੇ ਊਰਜਾ ਮੰਤਰੀ ਐਂਗਸ ਟੇਲਰ ਸੋਸ਼ਲ ਮੀਡੀਆ 'ਤੇ ਆਪਣੇ ਅਧਿਕਾਰਕ ਅਕਾਊਂਟ ਕਾਰਨ ਟਰੋਲ ਹੋ ਗਏ। ਇਸ ਅਕਾਊਂਟ ਤੋਂ ਉਹ ਖੁਦ ਦੀ ਤਾਰੀਫ ਕਰਦੇ ਰਹਿੰਦੇ ਹਨ। ਇਸ ਲਈ ਹਾਲ ਵਿਚ ਹੀ ਫੇਸਬੁੱਕ ਯੂਜ਼ਰਸ ਨੇ ਉਨ੍ਹਾਂ 'ਤੇ ਜੰਮ ਕੇ ਨਿਸ਼ਾਨਾ ਵਿੰਨ੍ਹਿਆ। ਇਸ ਮਗਰੋਂ ਉਨ੍ਹਾਂ ਆਪਣੇ ਕੁਮੈਂਟਸ ਡਿਲੀਟ ਕਰ ਦਿੱਤੇ। 

A mistake anyone can make on a hectic campaign trail: Congratulating yourself from the wrong account. #humevotes #ausvotes2019 pic.twitter.com/SwnlJDMCbc

— 💧Isabel M (@mumdaze) April 30, 2019

ਜ਼ਿਕਰਯੋਗ ਹੈ ਕਿ ਟੇਲਰ ਦੀ ਇਕ ਹੋਰ ਮਾਮਲੇ ਵਿਚ ਵੀ ਆਲੋਚਨਾ ਹੋ ਚੁੱਕੀ ਹੈ। ਅਸਲ ਵਿਚ ਫੈਡਰਲ ਸਰਕਾਰ ਦਾ ਪੂਰਬੀ ਆਸਟ੍ਰੇਲੀਆ ਖੇਤੀਬਾੜੀ ਕੰਪਨੀ ਨਾਲ ਸਮਝੌਤਾ ਹੋਇਆ ਸੀ। ਪਤਾ ਚੱਲਿਆ ਕਿ ਟੇਲਰ ਦੇ ਉਸ ਵਿਚ ਆਪਣੇ ਹਿੱਤ ਜੁੜੇ ਹੋਏ ਸਨ। ਕੰਪਨੀ ਦੇ ਬਾਨੀ ਨਿਦੇਸ਼ਕਾਂ ਵਿਚ ਉਹ ਖੁਦ ਵੀ ਸ਼ਾਮਲ ਸਨ। ਇਸ ਸਬੰਧੀ ਜਦੋਂ ਆਲੋਚਨਾਵਾਂ ਹੋਈਆਂ ਤਾਂ ਟੇਲਰ ਨੇ ਕਿਹਾ ਸੀ ਕਿ ਸੰਸਦ ਵਿਚ ਆਉਣ ਤੋਂ ਪਹਿਲਾਂ ਹੀ ਉਹ ਕੰਪਨੀ ਤੋਂ ਅਸਤੀਫਾ ਦੇ ਚੁੱਕੇ ਸਨ। 

the state of Angus Taylor's facebook comments now pic.twitter.com/jcJVMjfx34

— brad esposito 🍃 (@bradesposito) May 2, 2019

ਟੇਲਰ ਨੇ ਸੰਸਦ ਦੀ ਮੈਂਬਰਸ਼ਿਪ ਸਾਲ 2013 ਵਿਚ ਲਈ ਸੀ। ਉਨ੍ਹਾਂ ਮੁਤਾਬਕ ਉਹ ਪਹਿਲਾਂ ਹੀ ਕੰਪਨੀ ਨਾਲ ਆਪਣੇ ਸਾਰੇ ਸੰਬੰਧ ਖਤਮ ਕਰ ਚੁੱਕੇ ਸਨ। ਇਸ ਕੰਪਨੀ ਦਾ ਸੰਬੰਧ ਟੈਕਸ ਹੈਵਨਕੈਮਨ ਆਈਲੈਂਡ ਨਾਲ ਹੈ। ਹਾਲਾਂਕਿ ਟੇਲਰ ਦਾ ਕਹਿਣਾ ਹੈ ਕਿ ਕੰਪਨੀ ਦੇ ਵਿੱਤੀ ਮਾਮਲਿਆਂ ਨਾਲ ਉਨ੍ਹਾਂ ਦਾ ਸਿੱਧੇ ਜਾਂ ਅਸਿੱਧੇ ਤੌਰ 'ਤੇ ਕੋਈ ਲੈਣਾ-ਦੇਣਾ ਨਹੀਂ ਹੈ। ਭਾਵੇਂਕਿ ਟੇਲਰ ਇਕੱਲੇ ਸਿਆਸਤਦਾਨ ਨਹੀਂ ਹਨ ਜੋ ਸੋਸ਼ਲ ਮੀਡੀਆ ਅਕਾਊਂਟ ਨੂੰ ਲੈ ਕੇ ਵਿਵਾਦਾਂ ਵਿਚ ਫਸੇ ਹਨ। ਅਮਰੀਕੀ ਸਾਂਸਦ ਟੇਡ ਕਰੂਜ਼ ਉਸ ਸਮੇਂ ਵਿਵਾਦਾਂ ਵਿਚ ਆ ਗਏ ਸਨ ਜਦੋਂ 2017 ਵਿਚ ਉਨ੍ਹਾਂ ਨੇ ਪੋਰਨੋਗ੍ਰਾਫੀ ਨਾਲ ਜੁੜੇ ਟਵੀਟ ਨੂੰ ਲਾਈਕ ਕੀਤਾ। 

ਭਾਵੇਂਕਿ ਰੀਪਬਲਿਕਨ ਸਾਂਸਦ ਕਰੂਜ਼ ਦਾ ਕਹਿਣਾ ਹੈ ਕਿ ਉਨ੍ਹਾਂ ਦੇ ਅਕਾਊਂਟ ਨੂੰ ਸਟਾਫ ਦੇ ਕਈ ਲੋਕ ਅਪਡੇਟ ਕਰਦੇ ਹਨ। ਉਨ੍ਹਾਂ ਵਿਚੋਂ ਕਿਸੇ ਕੋਲੋਂ ਗਲਤੀ ਹੋ ਗਈ ਹੋਵੇਗੀ। ਅਜਿਹੇ ਹੀ ਮਾਮਲੇ ਵਿਚ ਅਮਰੀਕਾ ਦੇ ਸਾਬਕਾ ਰੱਖਿਆ ਉਦਯੋਗ ਮੰਤਰੀ ਕ੍ਰਿਸਟੋਫਰ ਪਾਈਨ ਨੇ ਵੀ ਦਾਅਵਾ ਕੀਤਾ ਸੀ ਕਿ ਉਨ੍ਹਾਂ ਦਾ ਅਕਾਊਂਟ ਹੈਕ ਹੋਇਆ ਹੈ। ਭਾਵੇਂਕਿ ਉਨ੍ਹਾਂ ਨੇ ਇਹ ਗੱਲ ਉਦੋਂ ਕਹੀ ਜਦੋਂ ਉਨ੍ਹਾਂ ਦੇ ਅਕਾਊਂਟ ਤੋਂ ਪੋਰਨੋਗ੍ਰਾਫੀ ਨਾਲ ਜੁੜੇ ਟਵੀਟ ਨੂੰ ਲਾਈਕ ਕੀਤਾ ਗਿਆ। ਬ੍ਰਿਟੇਨ ਦੇ ਸਾਬਕਾ ਸ਼ੇਡੋ ਚਾਂਸਲਰ ਐਡ ਬਾਲਸ ਨੇ ਇਕ ਵਾਰ ਆਪਣੇ ਨਾਮ 'ਤੇ ਟਵੀਟ ਕਰ ਦਿੱਤਾ ਸੀ। ਅਸਲ ਵਿਚ ਉਨ੍ਹਾਂ ਨੇ ਆਪਣੇ ਨਾਮ ਦੇ ਖਾਤੇ ਨੂੰ ਸਰਚ ਕਰਨਾ ਸੀ ਪਰ ਉਹ ਗਲਤੀ ਨਾਲ ਆਪਣੇ ਨਾਮ 'ਤੇ ਹੀ ਟਵੀਟ ਕਰ ਬੈਠੇ।