80 ਨਿਊਜ਼ੀਲੈਂਡ ਯਾਤਰੀ ਬਿਨਾਂ ਇਜਾਜ਼ਤ ਆਸਟ੍ਰੇਲੀਆ ਦੇ ਦੂਜੇ ਰਾਜਾਂ ''ਚ ਪਹੁੰਚੇ

10/18/2020 6:22:55 PM

ਸਿਡਨੀ (ਬਿਊਰੋ): ਬੀਤੇ ਦਿਨੀਂ ਆਸਟ੍ਰੇਲੀਆ ਨੇ ਨਿਊਜ਼ੀਲੈਂਡ ਦੇ ਲਈ ਆਪਣੇ ਬਾਰਡਰ ਖੋਲ੍ਹ ਦਿੱਤੇ। ਨਿਊਜ਼ੀਲੈਂਡ ਤੋਂ ਇੱਥੇ ਪਹੁੰਚੇ ਦਰਜਨਾਂ ਯਾਤਰੀ ਮਤਲਬ 80 ਦੇ ਕਰੀਬ ਪੱਛਮੀ ਆਸਟ੍ਰੇਲੀਆ ਚਲੇ ਗਏ ਹਨ, ਭਾਵੇਕਿ ਇਹ ਰਾਜ ਆਸਟ੍ਰੇਲੀਆ ਦੇ ਮੌਜੂਦਾ ਅੰਤਰਰਾਸ਼ਟਰੀ ਯਾਤਰਾ ਬਬਲ ਵਿਵਸਥਾ ਦਾ ਹਿੱਸਾ ਨਹੀਂ ਹਨ।

PunjabKesari

ਪ੍ਰੀਮੀਅਰ ਮਾਰਕ ਮੈਕਗਵਾਨ ਨੇ ਅੱਜ ਕਿਹਾ ਕਿ ਨਿਊਜ਼ੀਲੈਂਡ ਤੋਂ ਇਕ ਬੱਚੇ ਸਮੇਤ 25 ਲੋਕ ਰਾਤੋਂ ਰਾਤ ਪਰਥ ਵਿਚ ਦਾਖਲ ਹੋ ਗਏ ਸਨ ਅਤੇ ਇਹ ਸਾਰੇ ਹੁਣ ਹੋਟਲ ਇਕਾਂਤਵਾਸ ਵਿਚ ਹਨ, ਜਦੋਂ ਕਿ ਬੱਚਾ ਇਕ ਪਰਿਵਾਰਕ ਮੈਂਬਰ ਦੇ ਨਾਲ "ਕੁਆਰੰਟੀਨ ਪ੍ਰਬੰਧ" ਵਿਚ ਹੈ। ਮੈਕਗਵਾਨ ਨੇ ਕਿਹਾ ਕਿ ਉਨ੍ਹਾਂ ਦੀ ਸਰਕਾਰ ਨੇ ਕੋਰੋਨਾਵਾਇਰਸ ਜਨਤਕ ਸਿਹਤ ਸਾਵਧਾਨੀਆਂ ਦੇ ਤਹਿਤ ਪਹੁੰਚਣ ਵਾਲੇ 25 ਲੋਕਾਂ ਦੀ ਪਛਾਣ ਕੀਤੀ। ਇਸ ਦੇ ਨਾਲ ਹੀ ਉਹਨਾਂ ਨੇ ਸੰਘੀ ਸਰਕਾਰ, ਐਨ.ਐਸ.ਡਬਲਯੂ. ਅਤੇ ਉੱਤਰੀ ਖੇਤਰ ਦੇ 25 ਲੋਕਾਂ ਨੂੰ ਬਬਲ ਤੋਂ ਬਾਹਰ ਜਾਣ ਦੀ ਇਜਾਜਜ਼ ਦੇਣ ਦੀ ਆਲੋਚਨਾ ਕੀਤੀ।

PunjabKesari

ਪ੍ਰੀਮੀਅਰ ਨੇ ਆਪਣੀ ਰੋਜ਼ਾਨਾ ਪ੍ਰੈਸ ਕਾਨਫਰੰਸ ਵਿਚ ਕਿਹਾ,''ਅਸੀਂ ਇੰਨ੍ਹਾਂ ਪ੍ਰਬੰਧਾਂ ਦੇ ਬਿਹਤਰ ਪ੍ਰਬੰਧਨ ਨੂੰ ਤਰਜੀਹ ਦੇਵਾਂਗੇ ਪਰ ਇਹ ਕੁਝ ਅਜਿਹਾ ਹੋਇਆ ਜੋ ਸਾਡੇ ਕੰਟਰੋਲ ਤੋਂ ਬਾਹਰ ਸੀ।” ਉਹਨਾਂ ਮੁਤਾਬਕ,“ਜੇਕਰ ਨਿਊ ਸਾਊਥ ਵੇਲਜ਼ ਅਤੇ ਐਨ.ਟੀ. ਦੂਜੇ ਦੇਸ਼ਾਂ ਲਈ ਖੁੱਲ੍ਹਣਾ ਚਾਹੁੰਦੇ ਹਨ, ਤਾਂ ਹੁਣ ਇਕ ਮੁੱਦਾ ਇਹ ਹੈ ਕਿ ਦੂਸਰੇ ਦੇਸ਼ਾਂ ਤੋਂ ਆਉਣ ਵਾਲੇ ਲੋਕਾਂ ਦਾ ਪ੍ਰਬੰਧਨ ਕਿਵੇਂ ਕੀਤਾ ਜਾਵੇ। ਸਾਡੇ ਸਿਸਟਮ ਨੇ ਕੰਮ ਕੀਤਾ ਹੈ। ਅਸੀਂ ਇਨ੍ਹਾਂ ਲੋਕਾਂ ਦੀ ਪਛਾਣ ਕਰਨ ਅਤੇ ਉਨ੍ਹਾਂ ਨੂੰ ਇਕਾਂਤਵਾਸ ਕਰਨ ਲਈ ਵਿਵਸਥਾ ਕੀਤੀ ਹੈ।''

ਪੜ੍ਹੋ ਇਹ ਅਹਿਮ ਖਬਰ-  ਬ੍ਰਿਟੇਨ : ਆਤਮਰੱਖਿਆ 'ਚ ਤਿੰਨ ਲੋਕਾਂ ਦਾ ਕਤਲ ਕਰਨ ਵਾਲੇ ਪੰਜਾਬੀ 'ਤੇ ਕੋਈ ਦੋਸ਼ ਨਹੀਂ 

ਇਹ ਬਿਆਨ ਵਿਕਟੋਰੀਆ ਦੇ ਪ੍ਰੀਮੀਅਰ ਡੈਨੀਅਲ ਐਂਡਰਿਊਜ਼ ਦੇ ਮੰਨਣ ਤੋਂ ਬਾਅਦ ਆਇਆ ਹੈ ਕਿ ਮੈਲਬੌਰਨ ਵਿਚ ਅੰਤਰਰਾਸ਼ਟਰੀ ਤੌਰ 'ਤੇ ਪਹੁੰਚਣ ਦੀ ਇਜਾਜ਼ਤ ਦੇਣ ਵਿਚ “ਮਹੱਤਵਪੂਰਨ ਨੁਕਸਾਨ” ਹੈ, ਕਿਉਂਕਿ ਉਹਨਾਂ ਨੇ ਖੁਲਾਸਾ ਕੀਤਾ ਕਿ ਨਿਊਜ਼ੀਲੈਂਡ ਦੇ 55 ਲੋਕ ਪਹੁੰਚੇ ਸਨ ਅਤੇ 17 ਨਹੀਂ ਜਿਵੇਂਕਿ ਸ਼ੁਰੂ ਵਿਚ ਦੱਸਿਆ ਗਿਆ ਸੀ। ਪ੍ਰੀਮੀਅਰ ਨੇ ਕਿਹਾ ਕਿ ਜਿਹੜੇ 23 ਨਿਊਜ਼ੀਲੈਂਡ ਵਾਲੇ ਜੋ ਮੈਲਬੌਰਨ ਭੱਜ ਗਏ ਸਨ, ਨੂੰ ਲੱਭ ਲਿਆ ਗਿਆ ਹੈ। ਐਂਡਰਿਊਜ਼ ਨੇ ਕਿਹਾ ਕਿ ਨਿਊਜ਼ੀਲੈਂਡ ਵਾਲਿਆਂ ਨੂੰ ਵਿਕਟੋਰੀਆ ਤੋਂ ਬਾਹਰ ਨਹੀਂ ਕੱਢਿਆ ਨਹੀਂ ਜਾਵੇਗਾ ਜਾਂ ਘਰ ਨਹੀਂ ਭੇਜਿਆ ਜਾਵੇਗਾ।


Vandana

Content Editor

Related News