US-Japan Trade Deal ਨਾਲ ਏਸ਼ੀਆਈ ਬਾਜ਼ਾਰਾਂ ''ਚ ਰੌਣਕ, ਅਮਰੀਕੀ ਬਾਜ਼ਾਰ ''ਚ ਵੀ ਰਹੀ ਤੇਜ਼ੀ

ਬਿਜ਼ਨੈੱਸ ਡੈਸਕ : ਮੰਗਲਵਾਰ ਨੂੰ ਅਮਰੀਕੀ ਸਟਾਕ ਮਾਰਕੀਟ ਵਿੱਚ ਮਜ਼ਬੂਤੀ ਦਰਜ ਕੀਤੀ ਗਈ। S&P 500 ਇੰਡੈਕਸ 0.06% ਵੱਧ ਕੇ 6,309.62 ਦੇ ਨਵੇਂ ਰਿਕਾਰਡ ਉੱਚੇ ਪੱਧਰ 'ਤੇ ਬੰਦ ਹੋਇਆ, ਜੋ ਕਿ ਸਾਲ 2025 ਦਾ ਇਸਦਾ 11ਵਾਂ ਰਿਕਾਰਡ ਪੱਧਰ ਹੈ। ਡਾਓ ਜੋਨਸ ਇੰਡਸਟਰੀਅਲ ਔਸਤ 179.37 ਅੰਕ ਜਾਂ 0.40% ਵੱਧ ਕੇ 44,502.44 'ਤੇ ਬੰਦ ਹੋਇਆ। ਹਾਲਾਂਕਿ, ਤਕਨਾਲੋਜੀ ਸਟਾਕਾਂ ਵਿੱਚ ਕਮਜ਼ੋਰੀ ਕਾਰਨ ਨੈਸਡੈਕ ਕੰਪੋਜ਼ਿਟ 0.39% ਡਿੱਗ ਕੇ 20,892.68 'ਤੇ ਬੰਦ ਹੋਇਆ।

ਇਹ ਵੀ ਪੜ੍ਹੋ : 550 ਅਰਬ ਡਾਲਰ ਦਾ ਨਿਵੇਸ਼, ਜਾਪਾਨ ਨਾਲ ਟ੍ਰੇਡ ਡੀਲ 'ਤੇ ਟਰੰਪ ਦਾ ਮਕਸਦ ਪੂਰਾ...15% ਟੈਰਿਫ ਵੀ ਲਾਇਆ

ਇਸ ਦੇ ਨਾਲ ਹੀ ਬੁੱਧਵਾਰ ਨੂੰ ਏਸ਼ੀਆਈ ਸਟਾਕ ਮਾਰਕੀਟ ਵਿੱਚ ਵੀ ਵਾਧਾ ਦੇਖਣ ਨੂੰ ਮਿਲ ਰਿਹਾ ਹੈ। ਦੱਸਣਯੋਗ ਹੈ ਕਿ  ਅਮਰੀਕੀ ਰਾਸ਼ਟਰਪਤੀ ਡੋਨਾਲਡ ਟਰੰਪ ਨੇ ਮੰਗਲਵਾਰ ਨੂੰ ਐਲਾਨ ਕੀਤਾ ਸੀ ਕਿ ਅਮਰੀਕਾ ਨੇ ਜਾਪਾਨ ਨਾਲ ਇੱਕ ਵਪਾਰ ਸੌਦੇ (US-Japan Trade Deal) ਨੂੰ ਅੰਤਿਮ ਰੂਪ ਦੇ ਦਿੱਤਾ ਹੈ, ਜਿਸ ਵਿੱਚ ਜਾਪਾਨੀ ਆਯਾਤ 'ਤੇ 15 ਫੀਸਦੀ ਅਮਰੀਕੀ ਟੈਰਿਫ ਅਤੇ $550 ਬਿਲੀਅਨ ਦੀ ਨਿਵੇਸ਼ ਯੋਜਨਾ ਸ਼ਾਮਲ ਹੈ। ਹਾਲਾਂਕਿ, ਜਾਪਾਨ ਦੇ ਪ੍ਰਧਾਨ ਮੰਤਰੀ ਸ਼ਿਗੇਰੂ ਇਸ਼ੀਬਾ ਨੇ ਕਿਹਾ ਹੈ ਕਿ ਇਸ ਸੌਦੇ ਦੇ ਵੇਰਵਿਆਂ ਦੀ ਵਿਸਥਾਰ ਨਾਲ ਜਾਂਚ ਕੀਤੀ ਜਾਵੇਗੀ।

ਇਹ ਵੀ ਪੜ੍ਹੋ : 6.50 ਲੱਖ ਕਰੋੜ ਦਾ ਆਰਥਿਕ ਸੰਕਟ, ਪਾਕਿਸਤਾਨ ਦੀ ਇਕਾਨਮੀ ਖ਼ਤਰੇ 'ਚ! ਡਿਫਾਲਟਰ ਹੋਣ ਕੰਢੇ ਪੁੱਜਾ

ਜਾਪਾਨ ਦੇ ਨਿਕੇਈ ਨੇ 1000 ਅੰਕਾਂ ਤੋਂ ਵੱਧ ਮਾਰੀ ਛਾਲ 
ਅਮਰੀਕਾ-ਜਾਪਾਨ ਵਪਾਰ ਸਮਝੌਤੇ ਦੇ ਐਲਾਨ ਤੋਂ ਬਾਅਦ ਜਾਪਾਨ ਦੇ ਨਿਕੇਈ (ਨਿੱਕੀ 225) ਨੇ ਅੱਜ ਤੇਜ਼ੀ ਨਾਲ ਛਾਲ ਮਾਰੀ ਹੈ। ਭਾਰਤੀ ਸਮੇਂ ਅਨੁਸਾਰ, ਸਵੇਰੇ 7:45 ਵਜੇ ਦੇ ਕਰੀਬ ਇਹ 1092.19 ਅੰਕ ਜਾਂ 2.75 ਫੀਸਦੀ ਦੇ ਵਾਧੇ ਨਾਲ 40,867.10 'ਤੇ ਹੈ। ਇਸ ਦੇ ਨਾਲ ਹੀ, ਹਾਂਗਕਾਂਗ ਦਾ ਹੈਂਗ ਸੇਂਗ ਇੰਡੈਕਸ 119.15 ਅੰਕ ਜਾਂ 0.47 ਫੀਸਦੀ ਦੇ ਵਾਧੇ ਨਾਲ 25,249.18 'ਤੇ ਹੈ।

ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ

For Android:- https://play.google.com/store/apps/details?id=com.jagbani&hl=en

For IOS:- https://itunes.apple.com/in/app/id538323711?mt=8