​​​​​​​ਈਰਾਨ ਜੰਗ ਨਾਲ ਊਰਜਾ ਬਾਜ਼ਾਰ ’ਚ ਬੇਭਰੋਸਗੀ ਵਧੀ, ਅਮਰੀਕਾ ਨੂੰ ਵੱਡਾ ਫਾਇਦਾ ਸੰਭਵ

ਬਿਜ਼ਨੈੱਸ ਡੈਸਕ - ਈਰਾਨ ਦੇ ਖ਼ਿਲਾਫ਼ ਜਾਰੀ ਜੰਗ ਨਾਲ ਗਲੋਬਲ ਊਰਜਾ ਬਾਜ਼ਾਰ ’ਚ ਬੇਭਰੋਸਗੀ ਵਧ ਗਈ ਹੈ। ਇਸੇ ਦੌਰਾਨ ਭਾਰਤੀ ਸਟੇਟ ਬੈਂਕ ਦੀ ਰਿਸਰਚ ਇਕਾਈ ਦੀ ਇਕ ਰਿਪੋਰਟ ’ਚ ਦਾਅਵਾ ਕੀਤਾ ਗਿਆ ਹੈ ਕਿ ਲੰਬੇ ਸਮੇਂ ਤੱਕ ਚੱਲਣ ਵਾਲਾ ਇਹ ਸੰਘਰਸ਼ ਅਮਰੀਕਾ ਲਈ ਆਰਥਿਕ ਤੌਰ ’ਤੇ ਫਾਇਦੇਮੰਦ ਸਾਬਤ ਹੋ ਸਕਦਾ ਹੈ।

ਇਹ ਵੀ ਪੜ੍ਹੋ :    ਭਾਰਤ ਤੱਕ ਪਹੁੰਚਿਆ ਈਰਾਨ-ਇਜ਼ਰਾਈਲ ਜੰਗ ਦਾ ਸੇਕ, Cooking oil ਸਮੇਤ ਇਨ੍ਹਾਂ ਚੀਜ਼ਾਂ ਦੇ ਵਧੇ ਰੇਟ.

ਰਿਪੋਰਟ ਅਨੁਸਾਰ ਤੇਲ ਅਤੇ ਗੈਸ ਵਿਸ਼ੇਸ਼ ਤੌਰ ’ਤੇ ਤਰਲੀਕ੍ਰਿਤ ਕੁਦਰਤੀ ਗੈਸ (ਐੱਲ. ਐੱਨ. ਜੀ.) ਦੀ ਬਰਾਮਦ ’ਚ ਵਾਧੇ ਕਾਰਨ ਅਮਰੀਕਾ ਇਸ ਸੰਕਟ ਦਾ ਸਭ ਤੋਂ ਵੱਡਾ ਲਾਭਪਾਤਰੀ ਬਣ ਸਕਦਾ ਹੈ।

ਰਿਪੋਰਟ ਦਾ ਕਹਿਣਾ ਹੈ ਕਿ ਰੂਸ-ਯੂਕ੍ਰੇਨ ਜੰਗ ਤੋਂ ਬਾਅਦ ਯੂਰਪ ਨੇ ਰੂਸੀ ਗੈਸ ’ਤੇ ਆਪਣੀ ਨਿਰਭਰਤਾ ਤੇਜ਼ੀ ਨਾਲ ਘੱਟ ਕੀਤੀ ਹੈ ਅਤੇ ਹੁਣ ਉਹ ਵੱਡੇ ਪੱਧਰ ’ਤੇ ਐੱਲ. ਐੱਨ. ਜੀ. ਦਰਾਮਦ ਕਰ ਰਿਹਾ ਹੈ, ਜਿਸ ਦਾ ਮੁੱਖ ਸਪਲਾਇਰ ਅਮਰੀਕਾ ਬਣ ਚੁੱਕਾ ਹੈ। ਜੇਕਰ ਮੱਧ ਪੂਰਬ ’ਚ ਸੰਘਰਸ਼ ਕਾਰਨ ਊਰਜਾ ਸਪਲਾਈ ਹੋਰ ਪ੍ਰਭਾਵਿਤ ਹੁੰਦੀ ਹੈ ਤਾਂ ਅਮਰੀਕੀ ਬਰਾਮਦਕਾਰਾਂ ਨੂੰ ਹੋਰ ਵੀ ਫਾਇਦਾ ਮਿਲ ਸਕਦਾ ਹੈ।

ਇਹ ਵੀ ਪੜ੍ਹੋ :   PNB ਖ਼ਾਤਾਧਾਰਕਾਂ ਨੂੰ ਝਟਕਾ ! Cash Withdrawal ਦੇ ਨਿਯਮਾਂ 'ਚ ਹੋ ਗਿਆ ਵੱਡਾ ਬਦਲਾਅ

ਰੂਸ ਤੋਂ ਦੂਰੀ ਨੇ ਬਦਲਿਆ ਯੂਰਪ ਦਾ ਊਰਜਾ ਸਮੀਕਰਨ

ਰਿਪੋਰਟ ਅਨੁਸਾਰ 2021 ’ਚ ਯੂਰਪੀ ਯੂਨੀਅਨ ਦੀ ਗੈਸ ਦਰਾਮਦ ’ਚ ਰੂਸ ਦੀ ਹਿੱਸੇਦਾਰੀ ਲੱਗਭਗ 40 ਫੀਸਦੀ ਸੀ, ਜੋ 2025 ਤੱਕ ਘਟ ਕੇ ਲੱਗਭਗ 6 ਫੀਸਦੀ ਰਹਿ ਗਈ। ਪਾਈਪਲਾਈਨ ਗੈਸ ਅਤੇ ਐੱਲ. ਐੱਨ. ਜੀ. ਦੋਵਾਂ ਨੂੰ ਮਿਲਾ ਕੇ ਵੀ ਰੂਸ ਦੀ ਹਿੱਸੇਦਾਰੀ ਲੱਗਭਗ 13 ਫੀਸਦੀ ਹੀ ਰਹਿ ਗਈ ਹੈ।

ਯੂਰਪੀ ਯੂਨੀਅਨ ਨੇ ਜਨਵਰੀ 2026 ’ਚ ਇਕ ਨਵਾਂ ਨਿਯਮ ਲਾਗੂ ਕੀਤਾ, ਜਿਸ ਦੇ ਤਹਿਤ ਮਾਰਚ 2026 ਤੋਂ ਰੂਸ ਤੋਂ ਐੱਲ. ਐੱਨ. ਜੀ. ਅਤੇ ਪਾਈਪਲਾਈਨ ਗੈਸ ਦੀ ਦਰਾਮਦ ’ਤੇ ਪਾਬੰਦੀ ਲਾਈ ਜਾਵੇਗੀ। ਮੰਨਿਆ ਜਾ ਰਿਹਾ ਹੈ ਕਿ 2027 ਤੱਕ ਯੂਰਪ ’ਚ ਰੂਸੀ ਗੈਸ ਲੱਗਭਗ ਪੂਰੀ ਤਰ੍ਹਾਂ ਖ਼ਤਮ ਹੋ ਸਕਦੀ ਹੈ।

ਇਹ ਵੀ ਪੜ੍ਹੋ :  ਸੋਨਾ ਖ਼ਰੀਦਣ ਵਾਲਿਆਂ ਲਈ ਵੱਡੀ ਖ਼ਬਰ, ਸਰਕਾਰ ਨੇ ਵਧਾਇਆ ਲਾਜ਼ਮੀ ਹਾਲਮਾਰਕਿੰਗ ਦਾ ਦਾਇਰਾ

ਯੂਰਪ ’ਚ ਅਮਰੀਕੀ ਐੱਲ. ਐੱਨ. ਜੀ. ਦੀ ਮੰਗ ਤੇਜ਼

ਰੂਸੀ ਗੈਸ ’ਚ ਗਿਰਾਵਟ ਤੋਂ ਬਾਅਦ ਯੂਰਪ ਨੇ ਐੱਲ. ਐੱਨ. ਜੀ. ਦਰਾਮਦ ਤੇਜ਼ੀ ਨਾਲ ਵਧਾਈ ਹੈ। 2025 ’ਚ ਯੂਰਪੀ ਯੂਨੀਅਨ ਨੇ 140 ਅਰਬ ਕਿਊਬਿਕ ਮੀਟਰ ਤੋਂ ਵੱਧ ਐੱਲ. ਐੱਨ. ਜੀ. ਦਰਾਮਦ ਕੀਤੀ, ਜਿਸ ’ਚ ਲੱਗਭਗ 58 ਫੀਸਦੀ ਹਿੱਸਾ ਅਮਰੀਕਾ ਤੋਂ ਆਇਆ।

2021 ਤੋਂ 2025 ਦੇ ਦੌਰਾਨ ਅਮਰੀਕੀ ਐੱਲ. ਐੱਨ. ਜੀ. ਦੀ ਸਪਲਾਈ ਤਿੰਨ ਗੁਣਾ ਤੱਕ ਵਧ ਗਈ। ਇਸ ਦੌਰਾਨ ਅਮਰੀਕੀ ਕੰਪਨੀਆਂ ਨੇ ਭੰਡਾਰਨ ਅਤੇ ਟ੍ਰਾਂਸਪੋਰਟ ਲਈ ਫਲੋਟਿੰਗ ਸਟੋਰੇਜ ਟੈਂਕਰ ਵਰਗੀਆਂ ਸਹੂਲਤਾਂ ਵੀ ਤੇਜ਼ੀ ਨਾਲ ਵਿਕਸਤ ਕੀਤੀਆਂ।

ਇਹ ਵੀ ਪੜ੍ਹੋ :   ਈਰਾਨ ਤਣਾਅ ਦਰਮਿਆਨ ਅਮਰੀਕਾ ਦੀ ਵੱਡੀ ਗੋਲਡ ਡੀਲ, ਕੀਮਤਾਂ 'ਤੇ ਹੋ ਸਕਦੈ ਅਸਰ?

ਈਰਾਨ ਜੰਗ ਨਾਲ ਗੈਸ ਬਾਜ਼ਾਰ ’ਚ ਦਬਾਅ

ਮੱਧ ਪੂਰਬ ’ਚ ਜਾਰੀ ਸੰਘਰਸ਼ ਨੇ ਊਰਜਾ ਬਾਜ਼ਾਰ ਨੂੰ ਹੋਰ ਅਸਥਿਰ ਕਰ ਦਿੱਤਾ ਹੈ। ਯੂਰਪ ’ਚ ਗੈਸ ਦੀਆਂ ਕੀਮਤਾਂ ’ਚ ਤੇਜ਼ ਉਛਾਲ ਵੇਖਿਆ ਗਿਆ ਅਤੇ ਬੈਂਚਮਾਰਕ ਫਿਊਚਰਜ਼ ਇਕ ਦਿਨ ’ਚ ਲੱਗਭਗ 30 ਫੀਸਦੀ ਤੱਕ ਵਧ ਗਏ।

ਇਸੇ ਦੇ ਨਾਲ ਕੱਚੇ ਤੇਲ ਦੀ ਕੀਮਤ ਵੀ 100 ਡਾਲਰ ਪ੍ਰਤੀ ਬੈਰਲ ਤੋਂ ਉੱਪਰ ਪਹੁੰਚ ਗਈ ਹੈ। ਰਣਨੀਤਕ ਤੌਰ ’ਤੇ ਮਹੱਤਵਪੂਰਨ ਹੋਰਮੁਜ ਜਲਡਮਰੂਮੱਧ ਦੇ ਬੰਦ ਹੋਣ ਅਤੇ ਉਤਪਾਦਨ ’ਚ ਕਟੌਤੀ ਦੇ ਖ਼ਦਸ਼ਿਆਂ ਨੇ ਬਾਜ਼ਾਰ ਦੀ ਚਿੰਤਾ ਵਧਾ ਦਿੱਤੀ ਹੈ।

ਸਥਿਤੀ ਉਦੋਂ ਹੋਰ ਗੰਭੀਰ ਹੋ ਗਈ ਜਦੋਂ ਦੁਨੀਆ ਦੇ ਸਭ ਤੋਂ ਵੱਡੇ ਐੱਲ. ਐੱਨ. ਜੀ. ਉਤਪਾਦਨ ਕੇਂਦਰ ਕਤਰ ਦੇ ਰਾਸ ਲਾਫਾਨ ਪਲਾਂਟ ਤੋਂ ਬਰਾਮਦ ਆਰਜ਼ੀ ਤੌਰ ’ਤੇ ਬੰਦ ਹੋ ਗਈ।

ਇਹ ਵੀ ਪੜ੍ਹੋ :  ਮੱਧ ਪੂਰਬ ਤਣਾਅ ਕਾਰਨ ਵਧੀਆਂ ਸੋਨੇ ਦੀਆਂ ਕੀਮਤਾਂ , ਅਪ੍ਰੈਲ ਤੋਂ ਬਾਅਦ ਇੰਨੀ ਹੋਵੇਗੀ Gold ਦੀ ਕੀਮਤ

ਅਮਰੀਕੀ ਕੰਪਨੀਆਂ ਨੂੰ ਮਿਲ ਸਕਦਾ ਹੈ ਵੱਡਾ ਲਾਭ

ਮਾਹਿਰਾਂ ਦਾ ਮੰਨਣਾ ਹੈ ਕਿ ਇਸ ਸਥਿਤੀ ’ਚ ਅਮਰੀਕੀ ਐੱਲ. ਐੱਨ. ਜੀ. ਬਰਾਮਦਕਾਰ ਸਭ ਤੋਂ ਬਿਹਤਰ ਸਥਿਤੀ ’ਚ ਹਨ ਕਿਉਂਕਿ ਉਨ੍ਹਾਂ ਕੋਲ ਵਾਧੂ ਉਤਪਾਦਨ ਸਮਰੱਥਾ ਅਤੇ ਹਾਜ਼ਰ ਬਾਜ਼ਾਰ ’ਚ ਸਪਲਾਈ ਕਰਨ ਦੀ ਲਚਕਤਾ ਹੈ।

ਅਮਰੀਕਾ ’ਚ ਕੁਦਰਤੀ ਗੈਸ ਦੀ ਲਾਗਤ ਉਮੀਦ ਤੋਂ ਘੱਟ ਹੋਣ ਕਾਰਨ ਕੌਮਾਂਤਰੀ ਕੀਮਤਾਂ ’ਤੇ ਵਿਕਰੀ ਨਾਲ ਕੰਪਨੀਆਂ ਨੂੰ ਵੱਡਾ ਲਾਭ ਹੋ ਸਕਦਾ ਹੈ। ਮੌਜੂਦਾ ਕੀਮਤਾਂ ’ਚ ਕੁਝ ਮਾਮਲਿਆਂ ’ਚ ਲਾਭ ਮਾਰਜਿਨ 200 ਫੀਸਦੀ ਤੋਂ ਵੱਧ ਤੱਕ ਪਹੁੰਚ ਸਕਦਾ ਹੈ।

ਰਿਪੋਰਟ ਅਨੁਸਾਰ ਜੇਕਰ ਊਰਜਾ ਕੀਮਤਾਂ ਲੰਬੇ ਸਮੇਂ ਤੱਕ ਉੱਚੀਆਂ ਬਣੀਆਂ ਰਹਿੰਦੀਆਂ ਹਨ ਤਾਂ ਅਮਰੀਕੀ ਕੰਪਨੀਆਂ ਦੀ ਕਮਾਈ ਇੰਨੀ ਵਧ ਸਕਦੀ ਹੈ ਕਿ ਇਸ ਨਾਲ ਜੰਗ ਨਾਲ ਜੁੜੇ ਆਰਥਿਕ ਖ਼ਰਚੇ ਦਾ ਵੱਡਾ ਹਿੱਸਾ ਸੰਤੁਲਿਤ ਹੋ ਸਕੇ।

ਇਹ ਵੀ ਪੜ੍ਹੋ :  ਕੀਮਤਾਂ 'ਚ ਵਾਧੇ ਦਰਮਿਆਨ ਇਕ ਹੋਰ ਵੱਡਾ ਝਟਕਾ! ਬਦਲ ਗਏ LPG ਗੈਸ ਸਿਲੰਡਰ ਦੇ ਬੁਕਿੰਗ ਨਿਯਮ
ਨੋਟ - ਇਸ ਖ਼ਬਰ ਬਾਰੇ ਕੁਮੈਂਟ ਬਾਕਸ ਵਿਚ ਦਿਓ ਆਪਣੀ ਰਾਏ।
ਜਗਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ 
For Android:-  https://play.google.com/store/apps/details?id=com.jagbani&hl=en 
For IOS:-  https://itunes.apple.com/in/app/id538323711?mt