ਪੋਲੈਂਡ ਦੀ ਸਰਹੱਦ 'ਤੇ ਬੱਚਿਆਂ ਸਮੇਤ ਫਸੇ ਲਗਭਗ 30 ਪ੍ਰਵਾਸੀ, ਦਿੱਤੀ ਗਈ ਇਹ ਚਿਤਾਵਨੀ

ਵਾਰਸਾ (ਭਾਸ਼ਾ)- ਬੇਲਾਰੂਸ ਨਾਲ ਲੱਗਦੀ ਪੋਲੈਂਡ ਦੀ ਸਰਹੱਦ ਦੀ ਕੰਧ ‘ਤੇ ਬੱਚਿਆਂ ਸਮੇਤ ਲਗਭਗ 30 ਪ੍ਰਵਾਸੀਆਂ ਦਾ ਸਮੂਹ 3 ਦਿਨਾਂ ਤੋਂ ਫਸਿਆ ਹੋਇਆ ਹੈ। ਪੋਲੈਂਡ ਦੇ ਮਨੁੱਖੀ ਅਧਿਕਾਰ ਕਾਰਕੁਨਾਂ ਨੇ ਐਤਵਾਰ ਨੂੰ ਇਹ ਜਾਣਕਾਰੀ ਦਿੱਤੀ। ਹਾਲਾਂਕਿ, ਪ੍ਰਵਾਸੀ ਪੋਲੈਂਡ ਦੀ ਸਰਹੱਦ ਦੀ ਕੰਧ ਤੋਂ ਬਾਹਰ ਹਨ। ਗਰੁਪਾ ਗ੍ਰੈਨਿਕਾ (ਬਾਰਡਰ ਗਰੁੱਪ) ਦੇ ਕਾਰਕੁਨਾਂ ਨੇ ਦੱਸਿਆ ਕਿ ਉਹ ਪੋਲੈਂਡ ਖੇਤਰ ਵਿਚ ਹਨ ਅਤੇ ਬੇਲਾਰੂਸ ਉਨ੍ਹਾਂ ਨੂੰ ਵਾਪਸ ਜਾਣ ਦੀ ਇਜਾਜ਼ਤ ਨਹੀਂ ਦੇ ਰਿਹਾ ਹੈ। ਕਾਰਕੁਨ ਮਾਰਟਾ ਸਟੈਨਿਸਜ਼ੇਵਸਕਾ ਨੇ ਕਿਹਾ, "ਉਹ ਬੇਲਾਰੂਸ ਵਿੱਚ ਸੁਰੱਖਿਅਤ ਨਹੀਂ ਹਨ।"

ਇਹ ਵੀ ਪੜ੍ਹੋ: ਪੁਲਾੜ 'ਚ ਵਿਆਹ ਕਰਾਉਣ ਦਾ ਸੁਫ਼ਨਾ ਹੋਵੇਗਾ ਪੂਰਾ, ਖ਼ਰਚ ਹੋਣਗੇ ਕਰੋੜਾਂ ਰੁਪਏ, ਜਾਣੋ ਕੰਪਨੀ ਦਾ ਪਲਾਨ

ਸਟੈਨਿਸਜ਼ੇਵਸਕਾ ਨੇ ਦੱਸਿਆ ਕਿ, “ਜਿਵੇਂ ਕਿ ਇਸ ਸਮੂਹ ਨੇ ਸਾਨੂੰ ਦੱਸਿਆ ਹੈ ਕਿ ਬੇਲਾਰੂਸ ਸੇਵਾਵਾਂ ਨੇ ਉਨ੍ਹਾਂ ਨੂੰ ਚੇਤਾਵਨੀ ਦਿੱਤੀ ਹੈ ਕਿ ਜੇ ਉਹ ਵਾਪਸ ਆਉਂਦੇ ਹਨ ਤਾਂ ਉਨ੍ਹਾਂ ਨੂੰ ਕੁੱਟਿਆ ਜਾਂ ਮਾਰ ਦਿੱਤਾ ਜਾਵੇਗਾ।” ਸਟੈਨਿਸਜ਼ੇਵਸਕਾ ਅਨੁਸਾਰ, ਪ੍ਰਵਾਸੀਆਂ ਦਾ ਕਹਿਣਾ ਹੈ ਕਿ ਉਨ੍ਹਾਂ ਵਿੱਚੋਂ ਬਹੁਤ ਸਾਰੇ ਬਿਮਾਰ ਹਨ, ਇੱਕ ਲੜਕੀ ਦੇ ਦੰਦਾਂ ਵਿੱਚ ਦਰਦ ਹੈ ਅਤੇ ਬੱਚਿਆਂ ਨੂੰ ਮੱਛਰਾਂ ਨੇ ਕੱਟਿਆ ਹੈ। ਪੋਲੈਂਡ ਦੇ ਲੋਕਪਾਲ ਦਫ਼ਤਰ ਦੇ ਇੱਕ ਪ੍ਰਤੀਨਿਧੀ ਨੇ ਐਤਵਾਰ ਨੂੰ ਸਮੂਹ ਨਾਲ ਮੁਲਾਕਾਤ ਕੀਤੀ ਅਤੇ ਗੱਲਬਾਤ ਕੀਤੀ। ਉਨ੍ਹਾਂ ਬਾਅਦ ਵਿੱਚ ਪੱਤਰਕਾਰਾਂ ਨੂੰ ਦੱਸਿਆ ਕਿ ਉਨ੍ਹਾਂ ਨੂੰ ਦੇਸ਼ ਵਿੱਚ ਦਾਖਲ ਹੋਣ ਦੀ ਇਜਾਜ਼ਤ ਦੇਣ ਬਾਰੇ ਫੈਸਲਾ ਪੋਲੈਂਡ ਸਰਹੱਦੀ ਗਾਰਡਾਂ ਦਾ ਹੋਵੇਗਾ।

ਇਹ ਵੀ ਪੜ੍ਹੋ: ਕੈਨੇਡਾ ‘ਚ ਗੈਂਗਸਟਰ ਅਮਰਪ੍ਰੀਤ ਸਮਰਾ ਦਾ ਗੋਲੀਆਂ ਮਾਰ ਕੇ ਕਤਲ

ਮੈਕੀਏਜ ਗ੍ਰਜ਼ੇਸਕੋਵਿਕ ਨੇ ਕਿਹਾ, "ਜੇਕਰ ਇਹ ਲੋਕ ਸੱਚਮੁੱਚ (ਪੋਲੈਂਡ) ਸਰਹੱਦੀ ਗਾਰਡਾਂ ਦੇ ਅਧਿਕਾਰ ਖੇਤਰ ਵਿੱਚ ਹਨ ਅਤੇ ਅੰਤਰਰਾਸ਼ਟਰੀ ਸੁਰੱਖਿਆ ਲਈ ਅਰਜ਼ੀ ਦੇਣ ਦੀ ਇੱਛਾ ਪ੍ਰਗਟ ਕਰਦੇ ਹਨ, ਤਾਂ ... ਅਜਿਹੀਆਂ ਅਰਜ਼ੀਆਂ ਨੂੰ ਸਵੀਕਾਰ ਕੀਤਾ ਜਾਣਾ ਚਾਹੀਦਾ ਹੈ।" ਪੋਲੈਂਡ ਨੇ ਪਿਛਲੇ ਸਾਲ ਏਸ਼ੀਆ ਅਤੇ ਅਫਰੀਕਾ ਦੇ ਹਜ਼ਾਰਾਂ ਪ੍ਰਵਾਸੀਆਂ ਨੂੰ ਬੇਲਾਰੂਸ ਤੋਂ ਦੇਸ਼ ਵਿੱਚ ਦਾਖਲ ਹੋਣ ਤੋਂ ਰੋਕਣ ਲਈ ਲਗਭਗ 190 ਕਿਲੋਮੀਟਰ ਲੰਬੀ ਧਾਤੂ ਦੀ ਕੰਧ ਖੜ੍ਹੀ ਕੀਤੀ ਸੀ। ਯੂਰਪੀਅਨ ਯੂਨੀਅਨ ਨੇ ਬੇਲਾਰੂਸ ਦੇ ਰਾਸ਼ਟਰਪਤੀ ਅਲੈਗਜ਼ੈਂਡਰ ਲੂਕਾਸ਼ੈਂਕੋ 'ਤੇ ਯੂਰਪੀਅਨ ਯੂਨੀਅਨ ਦੀਆਂ ਪਾਬੰਦੀਆਂ ਦਾ ਬਦਲਾ ਲੈਣ ਲਈ ਗੈਰ-ਕਾਨੂੰਨੀ ਸਰਹੱਦ ਪਾਰ ਕਰਨ ਦੀ ਮਦਦ ਕਰਨ ਦਾ ਦੋਸ਼ ਲਗਾਇਆ ਹੈ। ਹਾਲਾਂਕਿ ਲੂਕਾਸ਼ੈਂਕੋ ਨੇ ਯੂਰਪ ਵਿਚ ਪ੍ਰਵਾਸ ਨੂੰ ਉਤਸ਼ਾਹਿਤ ਕਰਨ ਦੇ ਦੋਸ਼ਾਂ ਤੋਂ ਇਨਕਾਰ ਕੀਤਾ ਹੈ।

ਇਹ ਵੀ ਪੜ੍ਹੋ: 29 ਮਈ ਨੂੰ ਕੈਨੇਡਾ ਤੋਂ ਡਿਪੋਰਟ ਹੋਣ ਵਾਲੇ ਪੰਜਾਬੀ ਵਿਦਿਆਰਥੀਆਂ ਦੇ ਹੱਕ 'ਚ ਆਈ NDP

ਨੋਟ : ਇਸ ਖ਼ਬਰ ਬਾਰੇ ਕੀ ਹੈ ਤੁਹਾਡੀ ਰਾਏ, ਕੁਮੈਂਟ ਕਰਕੇ ਦਿਓ ਜਵਾਬ।