ਅਮਰੀਕਾ 'ਚ 'ਬੱਚੀ' ਦੇ ਕਤਲ ਦੇ ਦੋਸ਼ੀ ਨੂੰ ਸੁਣਾਈ ਗਈ ਮੌਤ ਦੀ ਸਜ਼ਾ

ਫੀਨਿਕਸ (ਭਾਸ਼ਾ)- ਅਮਰੀਕਾ ਦੇ ਐਰੀਜ਼ੋਨਾ ਵਿੱਚ ਅੱਠ ਸਾਲਾ ਬੱਚੀ ਦੇ ਕਤਲ ਦੇ ਦੋਸ਼ੀ ਇੱਕ ਕੈਦੀ ਨੂੰ ਬੁੱਧਵਾਰ ਨੂੰ ਫਾਂਸੀ ਦਿੱਤੀ ਜਾਵੇਗੀ। ਅਧਿਕਾਰੀਆਂ ਨੇ ਲਗਭਗ ਅੱਠ ਸਾਲਾਂ ਦੇ ਵਕਫੇ ਤੋਂ ਬਾਅਦ ਮਈ ਵਿੱਚ ਮੌਤ ਦੀ ਸਜ਼ਾ ਨੂੰ ਲਾਗੂ ਕਰਨਾ ਸ਼ੁਰੂ ਕੀਤਾ ਅਤੇ ਜੇਕਰ ਦੋਸ਼ੀ ਫ੍ਰੈਂਕ ਐਟਵੁੱਡ ਨੂੰ ਫਾਂਸੀ ਦਿੱਤੀ ਜਾਂਦੀ ਹੈ ਤਾਂ ਉਹ ਰਾਜ ਵਿੱਚ ਮੌਤ ਦੀ ਸਜ਼ਾ ਪਾਉਣ ਵਾਲਾ ਦੂਜਾ ਕੈਦੀ ਬਣ ਜਾਵੇਗਾ। ਦੋਸ਼ੀ 66 ਸਾਲਾ ਐਟਵੁੱਡ ਨੇ ਵਿੱਕੀ ਹੋਸਕਿਨਸਨ ਦਾ ਕਤਲ ਕੀਤਾ ਸੀ। ਇਸ ਅਪਰਾਧ ਲਈ ਐਟਵੁੱਡ ਨੂੰ ਫਲੋਰੈਂਸ ਜੇਲ੍ਹ ਵਿੱਚ ਜ਼ਹਿਰ ਦਾ ਟੀਕਾ ਲਗਾ ਕੇ ਮੌਤ ਦੀ ਸਜ਼ਾ ਦੇਣੀ ਨਿਰਧਾਰਤ ਕੀਤੀ ਗਈ ਹੈ। 

ਪੜ੍ਹੋ ਇਹ ਅਹਿਮ ਖ਼ਬਰ- ਅਮਰੀਕਾ : ਔਰਤ ਦੀ ਮੌਤ ਦੇ ਮਾਮਲੇ 'ਚ 10 ਸਾਲਾ ਬੱਚੀ 'ਤੇ ਕਤਲ ਦਾ ਦੋਸ਼

ਵਿੱਕੀ ਦੀ ਲਾਸ਼ ਰੇਗਿਸਤਾਨ 'ਚੋਂ ਮਿਲੀ ਸੀ। ਬੱਚੀ ਆਪਣੇ ਜਨਮ ਦਿਨ ਦਾ ਕਾਰਡ ਘਰ ਨੇੜੇ ਪੋਸਟਬਾਕਸ ਵਿੱਚ ਪਾ ਕੇ ਲਾਪਤਾ ਹੋ ਗਈ ਸੀ। ਜੇਕਰ ਐਟਵੁੱਡ ਦੀ ਮੌਤ ਦੀ ਸਜ਼ਾ 'ਤੇ ਰੋਕ ਨਹੀਂ ਲਗਾਈ ਜਾਂਦੀ ਹੈ ਤਾਂ ਉਹ ਐਰੀਜ਼ੋਨਾ ਵਿਚ ਇਕ ਮਹੀਨੇ ਤੋਂ ਵੀ ਘੱਟ ਸਮੇਂ ਵਿਚ ਫਾਂਸੀ ਪਾਉਣ ਵਾਲਾ ਦੂਜਾ ਕੈਦੀ ਹੋਵੇਗਾ। ਪਿਛਲੇ ਮਹੀਨੇ ਐਰੀਜ਼ੋਨਾ ਵਿੱਚ ਕਲੇਰੈਂਸ ਡਿਕਸਨ ਲਈ ਮੌਤ ਦੀ ਸਜ਼ਾ ਨੂੰ ਹਟਾ ਦਿੱਤਾ ਗਿਆ ਸੀ। ਹਾਲ ਹੀ ਦੇ ਹਫ਼ਤਿਆਂ ਵਿੱਚ ਜੱਜਾਂ ਨੇ ਐਟਵੁੱਡ ਦੇ ਵਕੀਲਾਂ ਦੁਆਰਾ ਫਾਂਸੀ ਵਿੱਚ ਦੇਰੀ ਕਰਨ ਦੀਆਂ ਕੋਸ਼ਿਸ਼ਾਂ ਨੂੰ ਨਾਕਾਮ ਕਰ ਦਿੱਤਾ। ਉਸ ਦੇ ਵਕੀਲਾਂ ਦਾ ਕਹਿਣਾ ਹੈ ਕਿ ਉਹ ਬੇਕਸੂਰ ਹੈ। ਅਧਿਕਾਰੀਆਂ ਮੁਤਾਬਕ ਐਟਵੁੱਡ ਨੇ ਵਿੱਕੀ ਨੂੰ ਅਗਵਾ ਕੀਤਾ ਸੀ ਅਤੇ ਬੱਚੀ ਦੇ ਅਵਸ਼ੇਸ਼ ਉਸ ਦੇ ਲਾਪਤਾ ਹੋਣ ਤੋਂ ਲਗਭਗ ਸੱਤ ਮਹੀਨਿਆਂ ਬਾਅਦ, ਟਕਸਨ ਦੇ ਉੱਤਰ-ਪੱਛਮ ਵਿੱਚ ਰੇਗਿਸਤਾਨ ਵਿੱਚ ਮਿਲੇ ਸਨ। ਅਦਾਲਤੀ ਰਿਕਾਰਡ ਦੇ ਅਨੁਸਾਰ ਮਾਹਰ ਅਵਸ਼ੇਸ਼ਾਂ ਤੋਂ ਮੌਤ ਦੇ ਕਾਰਨ ਦਾ ਪਤਾ ਨਹੀਂ ਲਗਾ ਸਕੇ।

ਪੜ੍ਹੋ ਇਹ ਅਹਿਮ ਖ਼ਬਰ - ਚੀਨ ਦੇ ਬੱਚਿਆਂ ਦੀ 'ਕਸਰਤ' ਕਰਨ ਦੀ ਵੀਡੀਓ ਵਾਇਰਲ, ਲੋਕ ਹੋ ਰਹੇ ਹੈਰਾਨ