ਪਾਕਿਸਤਾਨ ਦੇ TTP ਦੇ ਗੜ੍ਹ ਵਜ਼ੀਰਿਸਤਾਨ ''ਚ ਬਣਾਇਆ ਜਾਵੇਗਾ ਮੰਦਰ, ਹਿੰਦੂ ਭਾਈਚਾਰੇ ''ਚ ਖੁਸ਼ੀ

ਇੰਟਰਨੈਸ਼ਨਲ ਡੈਸਕ- ਅਫਗਾਨਿਸਤਾਨ ਦੀ ਸਰਹੱਦ ਨਾਲ ਲੱਗਦੇ ਪਾਕਿਸਤਾਨ ਦੇ ਉੱਤਰੀ ਵਜ਼ੀਰਿਸਤਾਨ ਦੇ ਮੀਰਾਂਸ਼ਾਹ 'ਚ ਰਹਿਣ ਵਾਲੇ 60 ਹਿੰਦੂ ਪਰਿਵਾਰਾਂ ਲਈ ਮੰਦਰ ਬਣਾਇਆ ਜਾਵੇਗਾ। ਇਹ ਇਲਾਕਾ ਤਹਿਰੀਕ-ਏ-ਤਾਲਿਬਾਨ ਪਾਕਿਸਤਾਨ (ਟੀ.ਟੀ.ਪੀ.) ਨਾਂ ਦੇ ਅੱਤਵਾਦੀ ਸੰਗਠਨ ਦਾ ਗੜ੍ਹ ਹੈ ਜੋ ਪਾਕਿਸਤਾਨੀ ਫੌਜ ਅਤੇ ਸਰਕਾਰ ਦੇ ਨੱਕ 'ਚ ਦਮ ਕਰ ਰਿਹਾ ਹੈ। ਪਾਕਿ ਸੈਨਾ ਪਿਛਲੇ 10 ਸਾਲਾਂ ਤੋਂ ਇੱਥੇ ਪਾਬੰਦੀਸ਼ੁਦਾ ਟੀਟੀਪੀ ਨਾਲ ਮੁੱਠਭੇੜ ਵਿੱਚ ਸ਼ਾਮਲ ਰਹੀ ਹੈ। ਮੀਰਾਂਸ਼ਾਹ ਵਿੱਚ ਟੀਟੀਪੀ ਦੀ ਸਮਾਨਾਂਤਰ ਸਰਕਾਰ ਨੂੰ ਵੀ ਮੰਦਰ ਦੀ ਉਸਾਰੀ 'ਤੇ ਕੋਈ ਇਤਰਾਜ਼ ਨਹੀਂ ਹੈ। ਉੱਤਰੀ ਵਜ਼ੀਰਿਸਤਾਨ ਦੇ ਸੰਸਦ ਮੈਂਬਰ ਮੋਹਸਿਨ ਡਾਵਰ ਨੇ ਕਿਹਾ ਕਿ ਮੰਦਰ ਲਈ ਜ਼ਮੀਨ ਦੀ ਚੋਣ ਕਰ ਲਈ ਗਈ ਹੈ। ਜਲਦੀ ਹੀ ਮੰਦਰ ਦੀ ਉਸਾਰੀ ਲਈ ਬਜਟ ਵੀ ਅਲਾਟ ਕੀਤਾ ਜਾਵੇਗਾ।

ਟੀਟੀਪੀ ਦੀ ਅਗਵਾਈ ਹੇਠ ਹਿੰਦੂਆਂ ਦਾ ਧਿਆਨ ਰੱਖਿਆ ਜਾ ਰਿਹਾ 

ਇਕ ਸਮਾਚਾਰ ਏਜੰਸੀ ਨਾਲ ਗੱਲ ਕਰਦਿਆਂ ਤਾਲਿਬਾਨ ਕਮਾਂਡਰ ਨੇ ਕਿਹਾ ਕਿ ਹਿੰਦੂ ਪਰਿਵਾਰਾਂ ਦੀ ਸੁਰੱਖਿਆ ਅਤੇ ਉਨ੍ਹਾਂ ਦੀਆਂ ਆਸਥਾਵਾਂ ਦਾ ਧਿਆਨ ਰੱਖਿਆ ਜਾ ਰਿਹਾ ਹੈ। ਅਸੀਂ ਪੰਚਾਇਤ ਨੂੰ ਦਰਖਾਸਤ ਦਿੰਦੇ ਹਾਂ, ਤਾਲਿਬਾਨ ਵੀ ਮਸਲੇ ਹੱਲ ਕਰਦਾ ਹੈ। ਕਮਾਂਡਰ ਦਾ ਕਹਿਣਾ ਹੈ ਕਿ ਇੱਥੇ ਟੀਟੀਪੀ ਦੇ ਦਬਦਬੇ ਕਾਰਨ ਹਿੰਦੂਆਂ ਨੂੰ ਕਦੇ ਵੀ ਕੋਈ ਸਮੱਸਿਆ ਨਹੀਂ ਆਈ। ਉਨ੍ਹਾਂ ਦੱਸਿਆ ਕਿ ਤਾਲਿਬਾਨੀ ਪੰਚਾਇਤ ਵਿੱਚ ਅਸੀਂ ਆਪਣੀਆਂ ਸਮੱਸਿਆਵਾਂ ਟੀਟੀਪੀ ਕਮਾਂਡਰਾਂ ਨੂੰ ਸੌਂਪਦੇ ਹਾਂ ਅਤੇ ਉਹਨਾਂ ਦਾ ਹੱਲ ਵੀ ਕੱਢਿਆ ਜਾਂਦਾ ਹੈ। ਦੂਜੇ ਰਾਜਾਂ ਵਿੱਚ ਹਿੰਦੂ ਪਰਿਵਾਰਾਂ 'ਤੇ ਹਮਲਿਆਂ ਅਤੇ ਮੰਦਰਾਂ ਦੀ ਭੰਨਤੋੜ ਦੀਆਂ ਘਟਨਾਵਾਂ ਦੇ ਬਾਵਜੂਦ ਵਜ਼ੀਰਿਸਤਾਨ ਵਿੱਚ ਅਜਿਹਾ ਨਹੀਂ ਹੈ। ਅਨਿਲ ਦਾ ਕਹਿਣਾ ਹੈ ਕਿ ਅਸੀਂ ਇੱਥੇ ਸੁਰੱਖਿਅਤ ਮਹਿਸੂਸ ਕਰਦੇ ਹਾਂ। ਤੁਸੀਂ ਮੀਰਾਂਸ਼ਾਹ ਵਿੱਚ ਵੀ ਆਪਣਾ ਕਾਰੋਬਾਰ ਕਰ ਸਕਦੇ ਹੋ।

ਪੰਜਾਬ-ਸਿੰਧ ਦੀ ਹਾਲਤ; ਤਿੰਨ ਸਾਲਾਂ 'ਚ 12 ਮੰਦਰਾਂ 'ਤੇ ਹੋਏ ਹਮਲੇ 

ਪਾਕਿਸਤਾਨ ਦੇ ਸਿੰਧ ਅਤੇ ਪੰਜਾਬ ਸੂਬੇ 'ਚ ਤਿੰਨ ਸਾਲਾਂ ਦੌਰਾਨ 12 ਮੰਦਰਾਂ 'ਤੇ ਹਮਲਿਆਂ ਦੀਆਂ ਘਟਨਾਵਾਂ ਹੋ ਚੁੱਕੀਆਂ ਹਨ। ਇਨ੍ਹਾਂ 'ਚ ਪੰਜਾਬ ਦੇ ਰਾਵਲਪਿੰਡੀ 'ਚ 100 ਸਾਲ ਪੁਰਾਣੇ ਮੰਦਰ 'ਤੇ ਜਦਕਿ ਸਿੰਧ ਦੇ ਨਗਰਪਾਰਕਰ 'ਚ ਸ਼੍ਰੀ ਰਾਮ ਮੰਦਰ 'ਤੇ ਹਮਲਾ ਸ਼ਾਮਲ ਹੈ।

ਪੜ੍ਹੋ ਇਹ ਅਹਿਮ ਖ਼ਬਰ-ਮਾਣ ਦੀ ਗੱਲ, ਕੈਨੇਡਾ 'ਚ 5 ਪੰਜਾਬੀਆਂ ਨੂੰ ਮਿਲਿਆ '30 ਅੰਡਰ 30 ਯੰਗ ਲੀਡਰਜ਼' ਦਾ ਸਨਮਾਨ

'ਪੂਜਾ ਲਈ 150 ਕਿਲੋਮੀਟਰ ਦੂਰ ਜਾਂਦੇ ਹਾਂ, ਹੁਣ ਹੋਵੇਗਾ ਸੌਖਾ'

ਮੀਰਾਂਸ਼ਾਹ ਦੀ ਇਬਰਤੀ ਦੇਵੀ ਦਾ ਕਹਿਣਾ ਹੈ ਕਿ ਇੱਥੇ ਹੁਣ ਤੱਕ ਕੋਈ ਵੱਡਾ ਮੰਦਰ ਨਹੀਂ ਹੈ। ਲੋਕਾਂ ਨੂੰ 150 ਕਿਲੋਮੀਟਰ ਦੂਰ ਦੱਖਣੀ ਵਜ਼ੀਰਿਸਤਾਨ ਦੇ ਵਾਨਾ ਸ਼ਹਿਰ ਜਾਣਾ ਪੈਂਦਾ ਹੈ। ਲੰਬੇ ਸਮੇਂ ਤੋਂ ਇੱਥੇ ਮੰਦਰ ਬਣਾਉਣ ਦੀ ਮੰਗ ਕੀਤੀ ਜਾ ਰਹੀ ਸੀ। ਹੁਣ ਉਨ੍ਹਾਂ ਨੂੰ ਵਾਨਾ ਨਹੀਂ ਜਾਣਾ ਪਵੇਗਾ। ਇੱਕ ਹੋਰ ਬਜ਼ੁਰਗ ਔਰਤ ਜਮੀਲਾ ਚੰਦ ਦਾ ਕਹਿਣਾ ਹੈ ਕਿ ਵੰਡ ਵੇਲੇ ਕੁਝ ਹਿੰਦੂ ਪਰਿਵਾਰ ਭਾਰਤ ਆ ਗਏ ਸਨ, ਪਰ ਜ਼ਿਆਦਾਤਰ ਇੱਥੇ ਹੀ ਰਹਿ ਗਏ। ਸਥਾਨਕ ਲੋਕਾਂ ਨੇ ਕਿਸੇ ਹਿੰਦੂ ਪਰਿਵਾਰ ਦੀ ਜਾਇਦਾਦ 'ਤੇ ਕਬਜ਼ਾ ਨਹੀਂ ਕੀਤਾ ਸੀ।

ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ

For Android:- https://play.google.com/store/apps/details?id=com.jagbani&hl=en 

For IOS:- https://itunes.apple.com/in/app/id538323711?mt=8

ਨੋਟ- ਇਸ ਖ਼ਬਰ ਬਾਰੇ ਕੁਮੈਂਟ ਕਰ ਦਿਓ ਰਾਏ।