ਪਾਕਿਸਤਾਨ ''ਚ ਈਸ਼ਨਿੰਦਾ ਦੇ ਦੋਸ਼ੀ ਮੁਸਲਿਮ ਸ਼ਖਸ ਨੂੰ ਮੌਤ ਦੀ ਸਜ਼ਾ, ਜ਼ੁਰਮਾਨਾ ਵੀ ਲੱਗਾ

ਪੇਸ਼ਾਵਰ: ਪਾਕਿਸਤਾਨ 'ਚ ਈਸਨਿੰਦਾ ਦੇ ਜ਼ੁਰਮ 'ਚ ਇਕ ਮੁਸਲਿਮ ਨੂੰ ਬੁੱਧਵਾਰ ਨੂੰ ਅਦਾਲਤ ਨੇ ਮੌਤ ਦੀ ਸਜ਼ਾ ਸੁਣਾਈ ਅਤੇ ਉਸ 'ਤੇ 3,085 ਡਾਲਰ ਦਾ ਜ਼ੁਰਮਾਨਾ ਵੀ ਲਗਾਇਆ। ਪੰਜਾਬ ਪ੍ਰਾਂਤ ਲਾਥਿਯਾਹ ਜ਼ਿਲ੍ਹੇ ਦੇ ਅਮੀਨ ਨੂੰ ਕੁਝ ਸਾਲ ਪਹਿਲਾਂ ਉਦੋਂ ਗ੍ਰਿਫ਼ਤਾਰ ਕੀਤਾ ਗਿਆ ਸੀ ਜਦੋਂ ਉਸ ਦੇ ਗੁਆਂਢੀ ਨੇ ਉਸ 'ਤੇ ਈਸ਼ਨਿੰਦਾ ਕਰਨ ਦਾ ਦੋਸ਼ ਲਗਾਇਆ ਹੈ। 
ਲਾਥਿਯਾਹ ਦੀ ਜ਼ਿਲ੍ਹਾ ਅਤੇ ਸੈਸ਼ਨ ਅਦਾਲਤ ਨੇ ਅਮੀਨ ਨੂੰ ਮੌਤ ਦਾ ਸਜ਼ਾ ਸੁਣਾਈ ਅਤੇ ਉਸ 'ਤੇ 500,000 ਪਾਕਿਸਤਾਨੀ ਰੁਪਏ (ਕਰੀਬ 3085 ਡਾਲਰ) ਦਾ ਜ਼ੁਰਮਾਨਾ ਵੀ ਲਗਾਇਆ ਹੈ। ਅਡੀਸ਼ਨਲ ਸੈਸ਼ਨ ਜੱਜ ਹਸਨੈਨ ਰਜਾ ਨੇ ਇਸਤਗਾਸਾ ਪੱਖ ਦੇ ਗਵਾਹਾਂ ਨੂੰ ਸੁਣਨ ਤੋਂ ਬਾਅਦ ਉਸ ਨੂੰ ਮੌਤ ਦੀ ਸਜ਼ਾ ਸੁਣਾਈ। ਇਸ ਮਹੀਨੇ ਦੀ ਸ਼ੁਰੂਆਤ 'ਚ ਲਾਹੌਰ ਹਾਈਕੋਰਟ ਨੇ ਈਸ਼ਨਿੰਦਾ ਦੇ ਜ਼ੁਰਮ 'ਚ ਮੌਤ ਦੀ ਸਜ਼ਾ ਪਾਏ ਜਾਣ ਵਾਲੇ ਇਕ ਇਸਾਈ ਵਿਅਕਤੀ ਨੂੰ ਬਰੀ ਕਰ ਦਿੱਤਾ ਸੀ।
ਇਸ ਤੋਂ ਪਹਿਲਾਂ ਜੂਨ 2017 'ਚ ਵੀ ਪਾਕਿਸਤਾਨ 'ਚ ਇਕ ਘੱਟ ਗਿਣਤੀ ਸ਼ਿਯਾ ਸ਼ਖਸ ਨੂੰ ਫੇਸਬੁੱਕ 'ਤੇ ਈਸ਼ਨਿੰਦਾ ਵਾਲਾ ਪੋਸਟ ਪਾਉਣ ਦੇ ਜ਼ੁਰਮ 'ਚ ਮੌਤ ਦੀ ਸਜ਼ਾ ਸੁਣਾਈ ਗਈ ਸੀ। ਸੋਸ਼ਲ ਮੀਡੀਆ 'ਤੇ ਇਸ ਤਰ੍ਹਾਂ ਦੀ ਪੋਸਟ ਦੇ ਚੱਲਦੇ ਮੌਤ ਦੀ ਸਜ਼ਾ ਦਿੱਤੇ ਜਾਣ ਦਾ ਇਹ ਪਹਿਲਾਂ ਮਾਮਲਾ ਸੀ। ਇਸ ਮਾਮਲੇ 'ਚ ਲਾਹੌਰ ਤੋਂ ਕਰੀਬ 200 ਕਿਲੋਮੀਟਰ ਦੂਰ ਓਕਰਾ ਦੇ ਰਹਿਣ ਵਾਲੇ 30 ਸਾਲ ਦੇ ਤੈਮੂਰ ਰਜਾ ਨੂੰ ਪਿਛਲੇ ਸਾਲ ਗ੍ਰਿਫ਼ਤਾਰ ਕੀਤਾ ਗਿਆ ਸੀ। ਰਜਾ ਦੇ ਸਹਿਕਰਮਚਾਰੀ ਨੇ ਸ਼ਿਕਾਇਤ ਕੀਤੀ ਸੀ ਕਿ ਉਸ ਨੇ ਸੁੰਨੀ ਮੁਸਲਮਾਨਾਂ ਦੇ ਲਈ ਸਤਿਕਾਰ ਪੈਗੰਬਰ ਮੁਹੰਮਦ ਦੀ ਪਤਨੀ ਦੇ ਖ਼ਿਲਾਫ਼ ਫੇਸਬੁੱਕ 'ਤੇ ਇਤਰਾਜ਼ਯੋਗ ਟਿੱਪਣੀ ਕੀਤੀ। ਇਸ ਮਾਮਲੇ 'ਚ ਪੰਜਾਬ ਪ੍ਰਾਂਤ ਦੇ ਬਹਵਾਲਪੁਰ ਜ਼ਿਲ੍ਹੇ 'ਚ ਅੱਤਵਾਦ ਨਿਰੋਧੀ ਅਦਾਲਤ ਦੇ ਜੱਜ ਸ਼ੱਬੀਰ ਅਹਿਮਦ ਨੇ ਉਸ ਨੂੰ ਮੌਤ ਦੀ ਸਜ਼ਾ ਸੁਣਾਈ ਗਈ ਸੀ।