ਬਚਪਨ ਦੀ ''ਗ਼ਲਤੀ'' ਪਈ ਮਹਿੰਗੀ! ਔਰਤ ਦੇ ਦਿਮਾਗ ''ਚੋਂ ਨਿਕਲਿਆ 8 ਸੈਂਟੀਮੀਟਰ ਲੰਬਾ ਕੀੜਾ

ਇੰਟਰਨੈਸ਼ਨਲ ਡੈਸਕ : ਦੱਖਣੀ ਚੀਨ ਦੇ ਗੁਆਂਗਡੋਂਗ ਸੂਬੇ ਵਿੱਚ ਡਾਕਟਰਾਂ ਨੇ ਇੱਕ 61 ਸਾਲਾ ਔਰਤ ਦੇ ਦਿਮਾਗ ਦਾ ਆਪ੍ਰੇਸ਼ਨ ਕਰ ਕੇ ਸਭ ਨੂੰ ਹੈਰਾਨ ਕਰ ਦਿੱਤਾ ਹੈ। ਮਾਹਰਾਂ ਨੇ ਔਰਤ ਦੇ ਦਿਮਾਗ ਵਿੱਚੋਂ 8 ਸੈਂਟੀਮੀਟਰ ਲੰਬਾ ਜ਼ਿੰਦਾ ਕੀੜਾ (ਪੈਰਾਸਾਈਟ) ਬਾਹਰ ਕੱਢਿਆ ਹੈ। ਇਹ ਔਰਤ ਪਿਛਲੇ ਕਈ ਸਾਲਾਂ ਤੋਂ ਰਹੱਸਮਈ ਸਿਹਤ ਸਮੱਸਿਆਵਾਂ ਨਾਲ ਜੂਝ ਰਹੀ ਸੀ।

ਦੰਦ ਦੇ ਦਰਦ ਲਈ ਵਰਤਿਆ ਸੀ ਅਜੀਬ ਨੁਸਖਾ 
ਡਾਕਟਰਾਂ ਅਨੁਸਾਰ ਦਿਮਾਗ ਵਿੱਚ ਇਸ ਕੀੜੇ ਦੇ ਪੈਦਾ ਹੋਣ ਦਾ ਸਬੰਧ ਔਰਤ ਦੇ ਬਚਪਨ ਦੀ ਇੱਕ ਘਟਨਾ ਨਾਲ ਹੋ ਸਕਦਾ ਹੈ। ਔਰਤ ਨੇ ਦੱਸਿਆ ਕਿ ਜਦੋਂ ਉਹ ਛੋਟੀ ਸੀ, ਤਾਂ ਉਸਦੀ ਮਾਂ ਨੇ ਉਸਦੇ ਦੰਦ ਦੇ ਦਰਦ ਨੂੰ ਠੀਕ ਕਰਨ ਲਈ ਜੰਗਲੀ ਡੱਡੂ ਫੜਿਆ ਅਤੇ ਡੱਡੂ ਦੀ ਲੱਤ ਨੂੰ ਉਸਦੇ ਖੋਖਲੇ ਦੰਦ ਵਿੱਚ ਪਾ ਦਿੱਤਾ ਸੀ। ਉਸ ਸਮੇਂ ਇਹ ਮੰਨਿਆ ਜਾਂਦਾ ਸੀ ਕਿ ਅਜਿਹਾ ਕਰਨ ਨਾਲ ਦੰਦ ਦਾ ਕੀੜਾ ਬਾਹਰ ਨਿਕਲ ਆਉਂਦਾ ਹੈ। ਡਾਕਟਰਾਂ ਦਾ ਮੰਨਣਾ ਹੈ ਕਿ ਇਹੀ ਉਹ ਵਜ੍ਹਾ ਹੋ ਸਕਦੀ ਹੈ, ਜਿਸ ਕਾਰਨ ਪਰਜੀਵੀ ਉਸਦੇ ਸਰੀਰ ਵਿੱਚ ਦਾਖਲ ਹੋਇਆ।

ਸੱਪ ਵਾਲੀ ਵਾਈਨ ਤੇ ਪਹਾੜੀ ਪਾਣੀ ਦਾ ਸੇਵਨ 
ਸਿਰਫ਼ ਇਹੀ ਨਹੀਂ, ਔਰਤ ਨੇ ਇਹ ਵੀ ਕਬੂਲਿਆ ਕਿ ਉਹ ਲੰਬੇ ਸਮੇਂ ਤੱਕ ਸਨੇਕ ਵਾਈਨ (ਸੱਪ ਤੋਂ ਬਣੀ ਵਾਈਨ) ਪੀਂਦੀ ਰਹੀ ਅਤੇ ਪਹਾੜਾਂ ਦੇ ਝਰਨਿਆਂ ਦਾ ਕੱਚਾ ਪਾਣੀ ਵੀ ਵਰਤਦੀ ਸੀ। ਸਾਲ 2021 ਵਿੱਚ ਉਸਦੀ ਰੀੜ੍ਹ ਦੀ ਹੱਡੀ ਦੀ ਸਰਜਰੀ ਵੀ ਹੋਈ ਸੀ, ਜਿਸ ਤੋਂ ਬਾਅਦ ਉਸਦੇ ਹੱਥਾਂ-ਪੈਰਾਂ ਅਤੇ ਸਿਰ ਦੀ ਚਮੜੀ ਵਿੱਚ ਸੁੰਨਪਨ ਰਹਿਣ ਲੱਗ ਪਿਆ ਸੀ।

ਦਿਮਾਗ 'ਚ ਬਣੀਆਂ ਸਨ 'ਸੁਰੰਗਾਂ' 
ਪਿਛਲੇ ਸਾਲ ਔਰਤ ਨੂੰ ਵਾਰ-ਵਾਰ ਦੌਰੇ ਪੈਣੇ ਸ਼ੁਰੂ ਹੋ ਗਏ ਸਨ। ਜਦੋਂ ਇੱਕ ਨਿਊਰੋਲੋਜਿਸਟ ਨੇ ਜਾਂਚ ਕੀਤੀ, ਤਾਂ ਦਿਮਾਗ ਵਿੱਚ ਇੱਕ ਪਰਜੀਵੀ ਦੁਆਰਾ ਬਣਾਏ ਗਏ ਸੁਰੰਗ ਵਰਗੇ ਨਿਸ਼ਾਨ ਦੇਖੇ ਗਏ। ਅਪ੍ਰੈਲ ਦੀ ਸ਼ੁਰੂਆਤ ਵਿੱਚ ਹੋਈ ਸਫਲ ਸਰਜਰੀ ਤੋਂ ਬਾਅਦ ਔਰਤ ਦੀ ਹਾਲਤ ਹੁਣ ਸਥਿਰ ਹੈ ਅਤੇ ਉਸ ਵਿੱਚ ਕਾਫੀ ਸੁਧਾਰ ਦੇਖਿਆ ਜਾ ਰਿਹਾ ਹੈ।

ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ

For Android:- https://play.google.com/store/apps/details?id=com.jagbani&hl=en

For IOS:- https://itunes.apple.com/in/app/id538323711?mt=8

Whatsapp Channel: https://whatsapp.com/channel/0029Va94hsaHAdNVur4L170e