ਪੁਲਾੜ ’ਚ ਫਸੇ 3 ਚੀਨੀ ਯਾਤਰੀ ਸੁਰੱਖਿਅਤ ਧਰਤੀ ’ਤੇ ਪਰਤੇ

ਬੀਜਿੰਗ (ਭਾਸ਼ਾ)- ਪੁਲਾੜ ਦੇ ਮਲਬੇ ਕਾਰਨ ਆਪਣੀ ਪੁਲਾੜ ਗੱਡੀ ਦੇ ਕ੍ਰੈਸ਼ ਹੋਣ ਤੋਂ ਬਾਅਦ ਪੁਲਾੜ ’ਚ ਫਸੇ 3 ਚੀਨੀ ਯਾਤਰੀ ਸ਼ੁੱਕਰਵਾਰ ਸੁਰੱਖਿਅਤ ਧਰਤੀ ’ਤੇ ਪਰਤ ਆਏ। ਚਾਈਨਾ ਮੈਨਡ ਸਪੇਸ ਏਜੰਸੀ ਨੇ ਰਿਪੋਰਟ ਦਿੱਤੀ ਕਿ ਸ਼ੇਨਜ਼ੌ-21 ਪੁਲਾੜ ਗੱਡੀ ਦਾ ਰਿਟਰਨ ਕੈਪਸੂਲ ਪੁਲਾੜ ਯਾਤਰੀਆਂ ਚੇਨ ਡੋਂਗ, ਚੇਨ ਝੋਂਗਰੂਈ ਤੇ ਵਾਂਗ ਨੂੰ ਲੈ ਕੇ ਉੱਤਰੀ ਚੀਨ ਦੇ ਮੰਗੋਲੀਆ ’ਚ ਖੁੱਦਮੁਖਤਾਰ ਖੇਤਰ ਡੋਂਗਫੇਂਗ ’ਚ ਉਤਰਿਆ।

ਪੁਲਾੜ ਯਾਤਰੀਆਂ ਦਾ 5 ਨਵੰਬਰ ਨੂੰ ਵਾਪਸ ਆਉਣਾ ਤੈਅ ਸੀ ਪਰ ਪੁਲਾੜ ਗੱਡੀ ਦੇ ਮਲਬੇ ਦੇ ਛੋਟੇ ਟੁਕੜਿਆਂ ਨਾਲ ਟਕਰਾਉਣ ਤੋਂ ਬਾਅਦ ਉਨ੍ਹਾਂ ਦੀ ਵਾਪਸੀ ਆਖਰੀ ਸਮੇਂ 'ਤੇ ਮੁਲਤਵੀ ਕਰ ਦਿੱਤੀ ਗਈ। ਇਸ ਤੋਂ ਪਹਿਲਾਂ ਮੀਡੀਆ ਨੇ ਰਿਪੋਰਟ ਦਿੱਤੀ ਸੀ ਕਿ ਰਿਟਰਨ ਕੈਪਸੂਲ ’ਚ ਛੋਟੀਆਂ ਤਰੇੜਾਂ ਮਿਲਣ ਤੋਂ ਬਾਅਦ ਸ਼ੇਨਜ਼ੌ-20 ਦਾ ਚਾਲਕ ਦਲ ਵਾਪਸ ਨਹੀਂ ਆ ਸਕਿਆ।

2011 ’ਚ ਪੁਲਾੜ ਸਟੇਸ਼ਨ ਦੇ ਲਾਂਚ ਹੋਣ ਤੋਂ ਬਾਅਦ ਇਹ ਪਹਿਲੀ ਘਟਨਾ ਹੈ, ਜਿਸ ਨੇ ਚਿੰਤਾ ਵਧਾ ਦਿੱਤੀ ਹੈ ਕਿਉਂਕਿ ਸਟੇਸ਼ਨ ’ਚ ਸਿਰਫ ਤਿੰਨ ਪੁਲਾੜ ਯਾਤਰੀਆਂ ਲਈ ਜਗ੍ਹਾ ਹੈ। ਚੀਨ ਹਰ 6 ਮਹੀਨਿਆਂ ਬਾਅਦ ਸਟੇਸ਼ਨ ’ਤੇ ਨਵੇਂ ਚਾਲਕ ਦਲ ਦੇ ਮੈਂਬਰ ਭੇਜਦਾ ਹੈ। ਸ਼ੇਨਜ਼ੌ-21 ਪੁਲਾੜ ਗੱਡੀ ਪੁਲਾੜ ਸਟੇਸ਼ਨ ਤੋਂ ਵੱਖ ਹੋ ਗਈ ਤੇ ਕੈਪਸੂਲ ਆਪਣੀ ਵਾਪਸੀ ’ਤੇ ਬੀਜਿੰਗ ਦੇ ਸਮੇਂ ਅਨੁਸਾਰ ਸ਼ਾਮ 4:40 ਵਜੇ ਮੰਗੋਲੀਆ ’ਚ ਉਤਰਿਆ।