ਲਾਲ ਸਾਗਰ 'ਚ ਡੁੱਬੀ ਸੈਲਾਨੀਆਂ ਨਾਲ ਭਰੀ ਕਿਸ਼ਤੀ

ਕਾਹਿਰਾ (ਏਜੰਸੀ)- ਲਾਲ ਸਾਗਰ ਵਿੱਚ ਸੈਲਾਨੀਆਂ ਦੀ ਕਿਸ਼ਤੀ ਡੁੱਬਣ ਕਾਰਨ ਘੱਟੋ-ਘੱਟ 16 ਲੋਕ ਲਾਪਤਾ ਹੋ ਗਏ ਹਨ। ਮਿਸਰ ਦੇ ਅਧਿਕਾਰੀਆਂ ਨੇ ਇਹ ਜਾਣਕਾਰੀ ਦਿੱਤੀ। ਲਾਲ ਸਾਗਰ ਖੇਤਰ ਦੇ ਗਵਰਨਰ ਅਮਰ ਹਨਾਫੀ ਨੇ ਕਿਹਾ ਕਿ ਬਚਾਅ ਕਰਮਚਾਰੀਆਂ ਨੇ ਸਮੁੰਦਰੀ ਤੱਟੀ ਸ਼ਹਿਰ ਮਾਰਸਾ ਆਲਮ ਦੇ ਦੱਖਣ ਵੱਲ ਕਿਸ਼ਤੀ ਤੋਂ 28 ਲੋਕਾਂ ਨੂੰ ਬਚਾਇਆ ਅਤੇ ਕੁਝ ਨੂੰ ਡਾਕਟਰੀ ਇਲਾਜ ਲਈ ਏਅਰਲਿਫਟ ਕੀਤਾ ਗਿਆ। ਰੈੱਡ ਸੀ ਗਵਰਨਰੇਟ ਵੱਲੋਂ ਫੇਸਬੁੱਕ 'ਤੇ ਦਿੱਤੀ ਗਈ ਜਾਣਕਾਰੀ ਮੁਤਾਬਕ, ਹਨਾਫੀ ਨੇ ਉਸ ਥਾਂ ਦਾ ਦੌਰਾ ਕੀਤਾ, ਜਿੱਥੇ ਕਿਸ਼ਤੀ ਡੁੱਬੀ ਸੀ। ਹਨਾਫੀ ਨੇ ਦੱਸਿਆ ਕਿ ਕਿਸ਼ਤੀ 'ਤੇ ਕੁੱਲ 44 ਲੋਕ ਸਵਾਰ ਸਨ, ਜਿਨ੍ਹਾਂ 'ਚ 13 ਮਿਸਰੀ ਅਤੇ ਚਾਲਕ ਦਲ ਦੇ ਮੈਂਬਰ ਸਨ। ਕਿਸ਼ਤੀ 'ਤੇ ਅਮਰੀਕਾ, ਜਰਮਨੀ, ਬ੍ਰਿਟੇਨ, ਪੋਲੈਂਡ, ਬੈਲਜੀਅਮ, ਸਵਿਟਜ਼ਰਲੈਂਡ, ਫਿਨਲੈਂਡ, ਚੀਨ, ਸਲੋਵਾਕੀਆ, ਸਪੇਨ ਅਤੇ ਆਇਰਲੈਂਡ ਦੇ 31 ਵਿਦੇਸ਼ੀ ਨਾਗਰਿਕ ਸਵਾਰ ਸਨ।

ਇਹ ਵੀ ਪੜ੍ਹੋ: ਪਾਕਿਸਤਾਨ ਨੇ ਸ੍ਰੀ ਗੁਰੂ ਨਾਨਕ ਦੇਵ ਜੀ ਦੇ 555ਵੇਂ ਪ੍ਰਕਾਸ਼ ਪੁਰਬ ਮੌਕੇ ਜਾਰੀ ਕੀਤਾ ਵਿਸ਼ੇਸ਼ ਯਾਦਗਾਰੀ ਸਿੱਕਾ

ਅਧਿਕਾਰੀਆਂ ਮੁਤਾਬਕ ‘ਸੀ ਸਟੋਰੀ’ ਨਾਂ ਦੀ ਕਿਸ਼ਤੀ ਵਿੱਚ ਕੋਈ ਤਕਨੀਕੀ ਸਮੱਸਿਆ ਨਹੀਂ ਸੀ ਅਤੇ ਇਸ ਨੇ ਸਫ਼ਰ ਤੋਂ ਪਹਿਲਾਂ ਸਾਰੇ ਜ਼ਰੂਰੀ ਪਰਮਿਟ ਹਾਸਲ ਕਰ ਲਏ ਸਨ। ਨੇਵੀਗੇਸ਼ਨ ਸੁਰੱਖਿਆ ਦੇ ਸਬੰਧ ਵਿੱਚ ਮਾਰਚ ਵਿੱਚ ਇਸਦੀ ਆਖਰੀ ਵਾਰ ਜਾਂਚ ਕੀਤੀ ਗਈ ਸੀ। ਗਵਰਨਰੇਟ ਦੁਆਰਾ ਦਿੱਤੀ ਗਈ ਤਾਜ਼ਾ ਜਾਣਕਾਰੀ ਦੇ ਅਨੁਸਾਰ, ਕਿਸ਼ਤੀ ਦੇ ਚਾਲਕ ਦਲ ਅਤੇ ਸੈਲਾਨੀਆਂ ਦੇ ਬਿਆਨਾਂ 'ਤੇ ਅਧਾਰਤ ਸ਼ੁਰੂਆਤੀ ਰਿਪੋਰਟਾਂ ਵਿੱਚ ਕਿਹਾ ਗਿਆ ਹੈ ਕਿ ਇੱਕ ਵੱਡੀ ਲਹਿਰ ਕਿਸ਼ਤੀ ਨਾਲ ਟਕਰਾ ਗਈ, ਜਿਸ ਕਾਰਨ ਇਹ ਪਲਟ ਗਈ। 'ਗਵਰਨਰੇਟ' ਨੂੰ ਸੋਮਵਾਰ ਨੂੰ ਸੂਰਜ ਚੜ੍ਹਨ ਤੋਂ ਠੀਕ ਪਹਿਲਾਂ ਕਿਸ਼ਤੀ ਤੋਂ ਉਸ ਦੇ ਸੰਕਟ ਵਿਚ ਹੋਣ ਦੀ ਸੂਚਨਾ ਮਿਲੀ ਸੀ। ਇਹ ਕਿਸ਼ਤੀ 5 ਦਿਨਾਂ ਦੀ ਯਾਤਰਾ 'ਤੇ ਮਾਰਸਾ ਆਲਮ ਤੋਂ ਰਵਾਨਾ ਹੋਈ ਸੀ। ਇਸਦੇ ਨਿਰਮਾਤਾ ਦੀ ਵੈਬਸਾਈਟ ਦੇ ਅਨੁਸਾਰ, ਕਿਸ਼ਤੀ 2022 ਵਿੱਚ ਬਣਾਈ ਗਈ ਸੀ ਅਤੇ ਇਸ ਵਿੱਚ 36 ਯਾਤਰੀਆਂ ਦੇ ਬੈਠ ਸਕਦੇ ਹਨ। 

ਇਹ ਵੀ ਪੜ੍ਹੋ: ਕੈਂਸਰ ਦੇ ਫੈਲਣ ਨੂੰ ਰੋਕ ਸਕਦੈ ਕੋਵਿਡ ਇਨਫੈਕਸ਼ਨ!

ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ

For Android:- https://play.google.com/store/apps/details?id=com.jagbani&hl=en

For IOS:- https://itunes.apple.com/in/app/id538323711?mt=8