ਮਾਲਦੀਵ ਪਹੁੰਚੇ 14 ਗੁਣਾ ਵੱਧ ਚੀਨੀ ਸੈਲਾਨੀ ,ਜਾਣੋ ਹੋਰ ਦੇਸ਼ਾਂ ਸਮੇਤ ਕਿੰਨੇ ਭਾਰਤੀਆਂ ਨੇ ਕੀਤੀ ਇਸ ਦੇਸ਼ ਦੀ ਸੈਰ
01/11/2024 3:49:53 PM
ਨਵੀਂ ਦਿੱਲੀ - ਮਾਲਦੀਵ ਦੇ ਰਾਸ਼ਟਰਪਤੀ ਮੁਹੰਮਦ ਮੁਈਜ਼ੂ ਨੇ ਮੰਗਲਵਾਰ ਨੂੰ ਚੀਨ ਨੂੰ ਅਪੀਲ ਕੀਤੀ ਕਿ ਉਹ ਆਪਣੇ ਦੇਸ਼ ਦੇ ਹੋਰ ਸੈਲਾਨੀਆਂ ਨੂੰ ਭੇਜਣ ਲਈ ਯਤਨ ਤੇਜ਼ ਕਰੇ ਪਰ ਅਸਲੀਅਤ ਇਹ ਹੈ ਕਿ ਚੀਨੀ ਸੈਲਾਨੀਆਂ ਦੀ ਗਿਣਤੀ ਵਿੱਚ ਪਹਿਲਾਂ ਹੀ ਵਾਧਾ ਵੇਖਣ ਨੂੰ ਮਿਲਿਆ ਹੈ।
ਰਾਸ਼ਟਰਪਤੀ ਬਣਨ ਤੋਂ ਬਾਅਦ ਆਪਣੀ ਪਹਿਲੀ ਚੀਨ ਯਾਤਰਾ ਦੌਰਾਨ ਉਨ੍ਹਾਂ ਨੇ ਇਹ ਬਿਆਨ ਅਜਿਹੇ ਸਮੇਂ 'ਚ ਦਿੱਤਾ ਹੈ ਜਦੋਂ ਮਾਲਦੀਵ ਦੇ ਤਿੰਨ ਉਪ ਮੰਤਰੀਆਂ ਨੇ ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਖਿਲਾਫ ਵਿਵਾਦਿਤ ਟਿੱਪਣੀ ਕੀਤੀ ਹੈ।
ਇਹ ਵੀ ਪੜ੍ਹੋ : ਰਾਮ ਮੰਦਰ 'ਚ ਐਂਟਰੀ ਲਈ ਲਾਜ਼ਮੀ ਹੈ ਇਨ੍ਹਾਂ ਨਿਯਮਾਂ ਦੀ ਪਾਲਣਾ, ਇਹ ਚੀਜ਼ਾਂ ਲਿਜਾਉਣ 'ਤੇ ਰਹੇਗੀ ਰੋਕ
ਮੁਈਜ਼ੂ ਦੀ ਸਰਕਾਰ ਨੇ ਸੋਸ਼ਲ ਮੀਡੀਆ 'ਤੇ ਮੋਦੀ ਵਿਰੁੱਧ ਅਪਮਾਨਜਨਕ ਪੋਸਟਾਂ ਲਈ ਤਿੰਨ ਉਪ ਮੰਤਰੀਆਂ ਨੂੰ ਮੁਅੱਤਲ ਕਰ ਦਿੱਤਾ ਹੈ ਪਰ ਮਾਲਦੀਵ ਸਰਕਾਰ ਨੇ ਟਿੱਪਣੀ ਲਈ ਮੁਆਫੀ ਮੰਗਣ ਵਾਲਾ ਕੋਈ ਬਿਆਨ ਜਾਰੀ ਨਹੀਂ ਕੀਤਾ ਹੈ।
ਅਜਿਹੇ 'ਚ ਭਾਰਤ 'ਚ ਇਸ ਨੂੰ ਲੈ ਕੇ ਭਾਰੀ ਰੋਸ ਹੈ ਅਤੇ ਕਈ ਲੋਕ ਮਾਲਦੀਵ ਦੀ ਯਾਤਰਾ 'ਤੇ ਪਾਬੰਦੀ ਲਗਾਉਣ ਦੀ ਮੰਗ ਕਰ ਰਹੇ ਹਨ। ਪਰ ਜੇਕਰ ਜਨਵਰੀ ਦੇ ਪਹਿਲੇ 9 ਦਿਨਾਂ ਦੇ ਅੰਕੜਿਆਂ 'ਤੇ ਨਜ਼ਰ ਮਾਰੀਏ ਤਾਂ ਭਾਰਤ ਤੋਂ ਮਾਲਦੀਵ ਆਉਣ ਵਾਲੇ ਸੈਲਾਨੀਆਂ ਦੀ ਗਿਣਤੀ ਪਿਛਲੇ ਸਾਲ ਦੀ ਇਸੇ ਮਿਆਦ ਦੌਰਾਨ ਲਗਭਗ ਉਸੇ ਪੱਧਰ 'ਤੇ ਰਹੀ ਹੈ।
ਮਾਲਦੀਵ ਦੇ ਸੈਰ-ਸਪਾਟਾ ਮੰਤਰਾਲੇ ਦੇ ਅੰਕੜਿਆਂ ਅਨੁਸਾਰ ਸਾਲ 2022 ਵਿੱਚ ਮਾਲਦੀਵ ਵਿੱਚ ਸੈਲਾਨੀ ਭੇਜਣ ਵਾਲੇ ਦੇਸ਼ਾਂ ਦੀ ਸੂਚੀ ਵਿੱਚ ਚੀਨ 27ਵੇਂ ਸਥਾਨ 'ਤੇ ਸੀ। ਇਸ ਪੱਖੋਂ ਭਾਰਤ ਸਭ ਤੋਂ ਉੱਪਰ ਸੀ ਜਿਸ ਦੀ ਕੁੱਲ ਸੈਲਾਨੀਆਂ ਵਿੱਚ ਹਿੱਸੇਦਾਰੀ 14.4 ਫੀਸਦੀ ਸੀ। ਇਸ ਤੋਂ ਬਾਅਦ ਰੂਸ (12.1 ਫੀਸਦੀ) ਅਤੇ ਬ੍ਰਿਟੇਨ (10.7 ਫੀਸਦੀ) ਦਾ ਨੰਬਰ ਆਉਂਦਾ ਹੈ।
ਪਰ ਸਾਲ 2023 ਵਿਚ ਚੀਨ ਤੋਂ ਸੈਲਾਨੀਆਂ ਦੀ ਗਿਣਤੀ ਵਧ ਕੇ ਤੀਜੇ ਸਥਾਨ 'ਤੇ ਪਹੁੰਚ ਗਈ ਅਤੇ ਇਸ ਦੇਸ਼ ਦੇ ਸੈਲਾਨੀਆਂ ਦੀ ਗਿਣਤੀ ਭਾਰਤ ਅਤੇ ਰੂਸ ਦੇ ਸੈਲਾਨੀਆਂ ਨਾਲੋਂ ਥੋੜ੍ਹੀ ਘੱਟ ਹੈ। ਅਜਿਹੇ 'ਚ ਚੀਨ ਤੋਂ ਆਉਣ ਵਾਲੇ ਸੈਲਾਨੀਆਂ ਦੀ ਗਿਣਤੀ ਜਲਦੀ ਹੀ ਚੋਟੀ 'ਤੇ ਪਹੁੰਚ ਜਾਵੇਗੀ।
ਇਹ ਵੀ ਪੜ੍ਹੋ : ਰਾਮ ਦੇ ਨਾਮ ਦਾ ਚੜ੍ਹਿਆ ਰੰਗ ਤੇ ਵਧਿਆ ਕੰਮ, ਲੱਖ ਰੁਪਏ ਤੱਕ ਪਹੁੰਚੀ ਸਾੜ੍ਹੀ ਦੀ ਕੀਮਤ
ਮਾਲਦੀਵ ਦਾ ਦੌਰਾ ਕਰਨ ਵਾਲੇ ਚੀਨੀ ਸੈਲਾਨੀਆਂ ਦੀ ਗਿਣਤੀ 1,87,118 ਹੈ, ਜੋ ਕਿ ਇਸ ਦੇਸ਼ ਵਿੱਚ ਆਉਣ ਵਾਲੇ ਸੈਲਾਨੀਆਂ ਦੀ ਕੁੱਲ ਗਿਣਤੀ ਦਾ ਲਗਭਗ 10 ਪ੍ਰਤੀਸ਼ਤ ਹੈ ਅਤੇ ਇਹ ਮਾਲਦੀਵ ਵਿੱਚ ਆਉਣ ਵਾਲੇ 2,03,198 ਭਾਰਤੀ ਸੈਲਾਨੀਆਂ (11.1 ਪ੍ਰਤੀਸ਼ਤ) ਦੇ ਨੇੜੇ ਹੈ।
ਸੈਲਾਨੀਆਂ ਦੀ ਗਿਣਤੀ
ਸੈਲਾਨੀਆਂ ਦੀ ਗਿਣਤੀ ਦੇ ਮਾਮਲੇ ਵਿੱਚ ਰੂਸ ਦੂਜੇ ਨੰਬਰ 'ਤੇ ਹੈ ਅਤੇ ਪਿਛਲੇ ਸਾਲ ਭਾਰਤ ਤੋਂ ਸਿਰਫ 52 ਸੈਲਾਨੀਆਂ ਤੋਂ ਪਿੱਛੇ ਸੀ। ਮਾਲਦੀਵ ਦੇ ਸੈਰ-ਸਪਾਟਾ ਮੰਤਰਾਲੇ ਦੇ ਅੰਕੜਿਆਂ ਅਨੁਸਾਰ ਸਾਲ 2022 ਦੇ ਮੁਕਾਬਲੇ ਮੌਜੂਦਾ ਸਾਲ 2023 ਵਿੱਚ ਭਾਰਤ ਤੋਂ ਆਉਣ ਵਾਲੇ ਸੈਲਾਨੀਆਂ ਦੀ ਗਿਣਤੀ ਲਗਭਗ 13 ਫ਼ੀਸਦੀ ਘੱਟ ਗਈ ਹੈ। ਇਸ ਦੇ ਨਾਲ ਹੀ ਦੂਜੇ ਪਾਸੇ ਚੀਨੀ ਸੈਲਾਨੀਆਂ ਦੀ ਸੰਖ਼ਿਆ ਇਸੇ ਮਿਆਦ ਦੌਰਾਨ 13-14 ਫ਼ੀਸਦੀ ਤੱਕ ਵਧ ਗਈ ਹੈ।
ਸਾਲ 2022 'ਚ ਕੋਰੋਨਾ ਨਾਲ ਜੁੜੀਆਂ ਸਖਤ ਪਾਬੰਦੀਆਂ ਕਾਰਨ ਜਨਵਰੀ ਤੋਂ ਨਵੰਬਰ ਵਿਚਾਲੇ ਸਿਰਫ 12,000 ਚੀਨੀ ਸੈਲਾਨੀ ਹੀ ਮਾਲਦੀਵ ਆਏ ਸਨ। ਪਰ ਜਦੋਂ ਤੋਂ ਪਾਬੰਦੀਆਂ ਹਟਾਈਆਂ ਗਈਆਂ ਹਨ, ਚੀਨੀ ਸੈਲਾਨੀਆਂ ਦੀ ਹਿੱਸੇਦਾਰੀ ਤੇਜ਼ੀ ਨਾਲ ਵਧੀ ਹੈ।
ਇਹ ਵੀ ਪੜ੍ਹੋ : DGCA ਨੇ ਜਾਰੀ ਕੀਤੇ ਨਵੇਂ ਨਿਯਮ, ਫਲਾਈਟ ਕਰੂ ਨੂੰ ਮਿਲੇਗਾ ਜ਼ਿਆਦਾ ਆਰਾਮ, ਵਧੇਗੀ ਜਹਾਜ਼ਾਂ ਦੀ ਸੁਰੱਖਿਆ
ਪ੍ਰਧਾਨ ਮੰਤਰੀ ਮੋਦੀ 'ਤੇ ਵਿਵਾਦਤ ਟਿੱਪਣੀ ਦੇ ਬਾਵਜੂਦ ਜਨਵਰੀ 2024 ਦੇ ਪਹਿਲੇ 9 ਦਿਨਾਂ 'ਚ ਭਾਰਤੀ ਸੈਲਾਨੀਆਂ ਦੀ ਗਿਣਤੀ 3791 ਹੈ, ਜੋ ਸਾਲ 2024 'ਚ ਹੁਣ ਤੱਕ ਦੀ ਕੁੱਲ ਸੈਲਾਨੀਆਂ ਦੀ ਗਿਣਤੀ ਦਾ 7.4 ਫੀਸਦੀ ਹੈ।
ਦਿਲਚਸਪ ਗੱਲ ਇਹ ਹੈ ਕਿ ਇਹ ਗਿਣਤੀ ਲਗਭਗ ਪਿਛਲੇ ਸਾਲ ਦੀ ਇਸੇ ਮਿਆਦ ਦੇ ਬਰਾਬਰ ਹੈ ਜਦੋਂ ਭਾਰਤ ਤੋਂ 3356 ਸੈਲਾਨੀ ਆਏ ਸਨ ਅਤੇ ਕੁੱਲ ਸੈਲਾਨੀਆਂ ਦੀ ਇਹ ਹਿੱਸੇਦਾਰੀ ਲਗਭਗ 7.4 ਫ਼ੀਸਦੀ ਤੱਕ ਸੀ।
ਜਨਵਰੀ ਦੇ ਮਹੀਨੇ ਮਾਲਦੀਵ ਦੇ ਵਿਦੇਸ਼ੀ ਸਮੁੰਦਰੀ ਤੱਟਾਂ 'ਤੇ ਯੂਰਪੀਅਨ ਸੈਲਾਨੀਆਂ ਦੀ ਮਹੱਤਵਪੂਰਨ ਆਮਦ ਦੇਖਣ ਨੂੰ ਮਿਲਦੀ ਹੈ ਕਿਉਂਕਿ ਉਹ ਠੰਡ ਤੋਂ ਬਚਣ ਲਈ ਗਰਮ ਮਾਹੌਲ ਦੀ ਭਾਲ ਕਰਦੇ ਹਨ। ਇਹੀ ਕਾਰਨ ਹੈ ਕਿ ਸਾਲ ਦੇ ਪਹਿਲੇ 9 ਦਿਨਾਂ 'ਚ ਰੂਸ, ਇਟਲੀ ਅਤੇ ਬ੍ਰਿਟੇਨ ਦੇ ਸੈਲਾਨੀਆਂ ਦੀ ਗਿਣਤੀ ਕੁੱਲ ਸੈਲਾਨੀਆਂ ਦਾ ਲਗਭਗ 26 ਫੀਸਦੀ ਦੇਖਣ ਨੂੰ ਮਿਲੀ।
ਸੈਰ ਸਪਾਟਾ ਉਦਯੋਗ ਦੀ ਵਧੀ ਚਿੰਤਾ
ਦੂਜੇ ਪਾਸੇ ਸੈਰ ਸਪਾਟਾ ਉਦਯੋਗ ਵਿੱਚ ਚਿੰਤਾਵਾਂ ਵਧ ਗਈਆਂ ਹਨ। ਜਿਹੜੇ ਯਾਤਰੀਆਂ ਨੇ ਪਹਿਲਾਂ ਹੀ ਬੁਕਿੰਗ ਕੀਤੀ ਹੈ ਅਤੇ ਪਹਿਲਾਂ ਤੋਂ ਭੁਗਤਾਨ ਕੀਤਾ ਹੈ, ਉਨ੍ਹਾਂ ਨੂੰ ਘੱਟ ਸਮਾਂ ਬਚਣ 'ਤੇ ਜ਼ਿਆਦਾਤਰ ਪੈਸੇ ਗੁਆਉਣੇ ਪੈਂਦੇ ਹਨ।
ਜ਼ਮੀਨੀ ਸਥਿਤੀ ਚਿੰਤਾਜਨਕ ਨਾ ਹੋਣ 'ਤੇ ਕਈ ਸੈਲਾਨੀ ਆਪਣੇ ਪਹਿਲਾਂ ਬੁੱਕ ਕੀਤੇ ਪਲਾਨ ਰੱਦ ਨਾ ਕਰਨ ਬਾਰੇ ਵੀ ਸੋਚ ਰਹੇ ਹਨ। ਹਾਲਾਂਕਿ, ਭਵਿੱਖ ਦੀ ਬੁਕਿੰਗ ਵਿੱਚ ਗਿਰਾਵਟ ਦੇਖੀ ਜਾ ਰਹੀ ਹੈ ਕਿਉਂਕਿ ਫੈਸਲੇ ਲੈਣ ਸਮੇਂ ਰਾਸ਼ਟਰੀ ਭਾਵਨਾ ਵੀ ਇੱਕ ਪ੍ਰਮੁੱਖ ਕਾਰਕ ਹੈ।'
ਬਹੁਤ ਸਾਰੇ ਭਾਰਤੀ ਸੈਲਾਨੀ ਮਾਲਦੀਵ ਨੂੰ ਨਜ਼ਰਅੰਦਾਜ਼ ਕਰ ਰਹੇ ਹਨ ਅਤੇ ਥਾਈਲੈਂਡ, ਬਾਲੀ, ਮਲੇਸ਼ੀਆ, ਵੀਅਤਨਾਮ, ਅਲਮਾਟੀ, ਬਾਕੂ ਅਤੇ ਇੱਥੋਂ ਤੱਕ ਕਿ ਤਬਿਲਿਸੀ ਵਰਗੇ ਵਿਕਲਪਕ ਸਥਾਨਾਂ 'ਤੇ ਵਿਚਾਰ ਕਰ ਰਹੇ ਹਨ।
ਇਹ ਵੀ ਪੜ੍ਹੋ : ਪ੍ਰਾਣ ਪ੍ਰਤਿਸ਼ਠਾ ਤੋਂ ਪਹਿਲਾਂ ਰਾਮਨਗਰੀ ਦੀ ਪ੍ਰਕਰਮਾ ਨਹੀਂ ਕਰਨਗੇ 'ਰਾਮਲਲਾ', ਜਾਣੋ ਕਿਉਂ ਰੱਦ ਹੋਇਆ ਪ੍ਰੋਗਰਾਮ
ਨੋਟ - ਇਸ ਖ਼ਬਰ ਬਾਰੇ ਕੁਮੈਂਟ ਬਾਕਸ ਵਿਚ ਦਿਓ ਆਪਣੀ ਰਾਏ।
ਜਗਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ
For Android:- https://play.google.com/store/apps/details?id=com.jagbani&hl=en
For IOS:- https://itunes.apple.com/in/app/id538323711?mt=8
