ਹੇਰਾਤ ਸੂਬੇ ''ਚ ਸਮੂਹਿਕ ਵਿਆਹ ਸਮਾਰੋਹ ਦਾ ਆਯੋਜਨ, 120 ਅਫਗਾਨ ਜੋੜਿਆਂ ਦਾ ਹੋਇਆ ਵਿਆਹ

ਹੇਰਾਤ (ਏਜੰਸੀ)- ਪੱਛਮੀ ਅਫਗਾਨਿਸਤਾਨ ਦੇ ਹੇਰਾਤ ਸੂਬੇ 'ਚ ਇਕ ਸਮੂਹਿਕ ਵਿਆਹ ਸਮਾਰੋਹ 'ਚ ਲਗਭਗ 240 ਲਾੜੇ-ਲਾੜੀਆਂ ਦਾ ਵਿਆਹ ਕਰਾਇਆ ਗਿਆ। ਸੰਸਥਾ ਦੇ ਮੁਖੀ ਮੌਲਵੀ ਅਬਦੁਲ ਹੱਕ ਸਦੀਕੀ ਨੇ ਕਿਹਾ ਕਿ ਸਮਾਗਮ ਦਾ ਆਯੋਜਨ ਇੱਕ ਚੈਰਿਟੀ ਸੰਸਥਾ ਦੁਆਰਾ ਕੀਤਾ ਗਿਆ ਸੀ ਅਤੇ ਹਰੇਕ ਨਵ-ਵਿਆਹੇ ਜੋੜੇ ਨੂੰ 100,000 ਅਫਗਾਨੀ (ਲਗਭਗ 1,460 ਅਮਰੀਕੀ ਡਾਲਰ) ਮੁੱਲ ਦੇ ਕਾਰਪੇਟ, ​​ਕੰਬਲ ਅਤੇ ਰਸੋਈ ਦੇ ਸਮਾਨ ਸਮੇਤ ਘਰੇਲੂ ਉਪਕਰਣ ਪ੍ਰਾਪਤ ਹੋਏ।

ਇਹ ਵੀ ਪੜ੍ਹੋ: ਗੁਆਨਾ ਪੁੱਜੇ PM ਮੋਦੀ, ਏਅਰ ਪੋਰਟ 'ਤੇ ਰਿਸੀਵ ਕਰਨ ਆਏ ਰਾਸ਼ਟਰਪਤੀ, ਪ੍ਰਧਾਨ ਮੰਤਰੀ ਸਣੇ ਪੂਰੀ ਕੈਬਨਿਟ

ਗਰੀਬੀ ਦੀ ਮਾਰ ਹੇਠ ਆਏ ਦੇਸ਼ ਵਿੱਚ ਬੇਰੁਜ਼ਗਾਰੀ, ਆਰਥਿਕ ਮੰਦਹਾਲੀ, ਦਾਜ ਦੀ ਵੱਧ ਕੀਮਤ ਅਤੇ ਮਹਿੰਗੇ ਤੋਹਫ਼ਿਆਂ ਕਾਰਨ ਨੌਜਵਾਨਾਂ ਨੂੰ ਆਪਣੇ ਵਿਆਹ ਲਈ ਸਾਲਾਂ ਤੱਕ ਇੰਤਜ਼ਾਰ ਕਰਨਾ ਪੈ ਸਕਦਾ ਹੈ।ਇਸ ਤੋਂ ਪਹਿਲਾਂ ਉੱਤਰੀ ਸਾਰੀ ਪੁਲ ਸੂਬੇ ਵਿੱਚ ਇੱਕ ਸਮੂਹਿਕ ਵਿਆਹ ਸਮਾਗਮ ਕਰਵਾਇਆ ਗਿਆ ਸੀ, ਜਿੱਥੇ 100 ਜੋੜਿਆਂ ਨੇ ਵਿਆਹ ਹੋਇਆ ਸੀ। ਅਫਗਾਨਿਸਤਾਨ ਦੀ ਕਾਰਜਾਰੀ ਸਰਕਾਰ ਨੇ ਵਾਰ-ਵਾਰ ਲੋਕਾਂ ਨੂੰ ਗੈਰ ਤਰਕਹੀਣ ਵਿਆਹ ਦੇ ਰੀਤੀ-ਰਿਵਾਜਾਂ ਨੂੰ ਰੋਕਣ ਅਤੇ ਵਿਆਹ ਸਮਾਰੋਹਾਂ 'ਤੇ ਪੈਸੇ ਦੀ ਬਰਬਾਦੀ ਤੋਂ ਬਚਣ ਲਈ ਕਿਹਾ ਹੈ।

ਇਹ ਵੀ ਪੜ੍ਹੋ: UAE ਨੇ ਇਸ ਦੇਸ਼ ਦੇ ਨਾਗਰਿਕਾਂ 'ਤੇ ਲਾਈ ਪਾਬੰਦੀ

ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ

For Android:- https://play.google.com/store/apps/details?id=com.jagbani&hl=en

For IOS:- https://itunes.apple.com/in/app/id538323711?mt=8