ਸ਼ੂਗਰ ਫ੍ਰੀ ਉਤਪਾਦਾਂ ਨਾਲ ਵੱਧਦੈ ਦਿਲ ਤੇ ਬ੍ਰੇਨ ਸਟ੍ਰੋਕ ਦਾ ਖ਼ਤਰਾ, ਡਾਇਬਟੀਜ਼ ਕੰਟਰੋਲ ਦੇ ਚੱਕਰ 'ਚ ਨਾ ਕਰੋ ਸਿਹਤ ਨਾ

ਜਲੰਧਰ (ਬਿਊਰੋ) : ਅੱਜ-ਕੱਲ੍ਹ ਲੋਕ ਸ਼ੂਗਰ ਫ੍ਰੀ ਉਤਪਾਦਾਂ ਦੀ ਬਹੁਤ ਜ਼ਿਆਦਾ ਵਰਤੋਂ ਕਰਨ ਲੱਗ ਪਏ ਹਨ। ਸ਼ੂਗਰ-ਮੁਕਤ ਪੈਕ ਕੀਤੇ ਭੋਜਨ ਨੂੰ ਸਿਹਤਮੰਦ ਮੰਨਿਆ ਜਾਂਦਾ ਹੈ ਪਰ ਇਨ੍ਹਾਂ ਦੀ ਜ਼ਿਆਦਾ ਵਰਤੋਂ ਕਰਨਾ ਤੁਹਾਡੀ ਸਿਹਤ ਨੂੰ ਨੁਕਸਾਨ ਪਹੁੰਚਾ ਸਕਦਾ ਹੈ। ਇਕ ਰਿਪੋਰਟ ਮੁਤਾਬਕ, ਜਿਹੜੇ ਲੋਕ ਲੰਬੇ ਸਮੇਂ ਤੱਕ ਜ਼ਿਆਦਾ ਸ਼ੂਗਰ ਫ੍ਰੀ ਗੋਲੀਆਂ ਜਾਂ ਉਨ੍ਹਾਂ ਤੋਂ ਬਣੇ ਉਤਪਾਦਾਂ ਦੀ ਵਰਤੋਂ ਕਰਦੇ ਹਨ, ਉਨ੍ਹਾਂ 'ਚ ਕਾਰਡੀਓਵੈਸਕੁਲਰ ਬੀਮਾਰੀਆਂ ਅਤੇ ਬ੍ਰੇਨ ਸਟ੍ਰੋਕ ਦਾ ਖ਼ਤਰਾ ਵੱਧ ਹੁੰਦਾ ਹੈ। ਅਜਿਹੀ ਸਥਿਤੀ 'ਚ ਭਾਰਤ ਵਰਗੇ ਦੇਸ਼ 'ਚ, ਜਿੱਥੇ ਲੱਖਾਂ ਲੋਕ ਸ਼ੂਗਰ ਫ੍ਰੀ ਦੀ ਮੁਫ਼ਤ ਵਰਤੋਂ ਕਰਦੇ ਹਨ, ਉਨ੍ਹਾਂ ਨੂੰ ਜਾਗਰੂਕ ਹੋਣ ਦੀ ਲੋੜ ਹੈ।

ਇਹ ਖ਼ਬਰ ਵੀ ਪੜ੍ਹੋ - ਦਹੀਂ 'ਚ ਖੰਡ ਮਿਲਾ ਕੇ ਖਾਣ ਦੇ ਹਨ ਲਾਜਵਾਬ ਫ਼ਾਇਦੇ, ਢਿੱਡ ਦੀਆਂ ਸਮੱਸਿਆਵਾਂ ਵੀ ਰਹਿਣਗੀਆਂ ਦੂਰ

ਸ਼ੂਗਰ ਫ੍ਰੀ ਵਧਾਉਂਦੈ ਇਨ੍ਹਾਂ ਬੀਮਾਰੀਆਂ ਦਾ ਖ਼ਤਰਾ
ਫਰਾਂਸ ਦੇ 1 ਲੱਖ ਲੋਕਾਂ 'ਤੇ ਕਰੀਬ 9 ਸਾਲਾਂ ਤੱਕ ਕੀਤੇ ਗਏ ਫਾਲੋ-ਅੱਪ ਅਧਿਐਨ 'ਚ ਇਹ ਗੱਲ ਸਾਹਮਣੇ ਆਈ ਹੈ, ਜਿਸ 'ਚ ਸ਼ੂਗਰ ਦੇ ਮਰੀਜ਼ ਸ਼ਾਮਲ ਸਨ। ਖੋਜ 'ਚ ਕਿਹਾ ਗਿਆ ਹੈ ਕਿ ਅਜਿਹੇ ਲੋਕਾਂ 'ਚ ਦਿਲ ਦੀ ਬੀਮਾਰੀ ਦਾ ਖ਼ਤਰਾ 9 ਫੀਸਦੀ ਜ਼ਿਆਦਾ ਹੁੰਦਾ ਹੈ। ਇਸ ਦੇ ਨਾਲ ਹੀ ਅਜਿਹੇ ਲੋਕਾਂ 'ਚ ਬ੍ਰੇਨ ਸਟ੍ਰੋਕ ਦਾ ਖ਼ਤਰਾ 18 ਫੀਸਦੀ ਵੱਧ ਹੁੰਦਾ ਹੈ।

ਇਹ ਖ਼ਬਰ ਵੀ ਪੜ੍ਹੋ -  ਗਰਭਵਤੀ ਔਰਤਾਂ ਤੇ ਬਲੱਡ ਪ੍ਰੈਸ਼ਰ ਦੇ ਰੋਗੀ ਭੁੱਲ ਕੇ ਨਾ ਕਰਨ 'ਅਜਵੈਣ ਦੀ ਵਰਤੋਂ', ਹੋ ਸਕਦੀ ਹੈ ਸਮੱਸਿਆ

ਸ਼ੂਗਰ ਫ੍ਰੀ ਕਿਉਂ ਹੁੰਦੈ ਨੁਕਸਾਨਦੇਹ?
ਦਰਅਸਲ, ਸ਼ੂਗਰ ਫ੍ਰੀ ਉਤਪਾਦਾਂ 'ਚ ਨਕਲੀ ਸਵੀਟਨਰ ਦੀ ਵਰਤੋਂ ਕੀਤੀ ਜਾਂਦੀ ਹੈ। ਇਸ ਨੂੰ 3 ਤਰ੍ਹਾਂ ਦੇ ਲੂਣ ਮਿਲਾ ਕੇ ਤਿਆਰ ਕੀਤਾ ਜਾਂਦਾ ਹੈ। ਇਹ ਤਿੰਨੋਂ ਲੂਣ ਮੋਟਾਪਾ, ਦਿਲ, ਸ਼ੂਗਰ ਅਤੇ ਬ੍ਰੇਨ ਸਟ੍ਰੋਕ ਦਾ ਖ਼ਤਰਾ ਵਧਾਉਂਦੇ ਹਨ।

ਇਹ ਖ਼ਬਰ ਵੀ ਪੜ੍ਹੋ - ਸ਼ੂਗਰ ਨੂੰ ਕੰਟਰੋਲ 'ਚ ਰੱਖਣ ਲਈ ਮਰੀਜ਼ ਭੁੱਲ ਕੇ ਵੀ ਨਾ ਖਾਣ ਇਹ ਪੰਜ ਚੀਜ਼ਾਂ

ਇਹ ਹਨ ਸ਼ੂਗਰ ਫ੍ਰੀ ਉਤਪਾਦ
ਦੱਸ ਦੇਈਏ ਕਿ ਇਨ੍ਹੀਂ ਦਿਨੀਂ ਬਾਜ਼ਾਰ 'ਚ ਅਜਿਹੇ ਕਈ ਸ਼ੂਗਰ ਫ੍ਰੀ ਪੈਕਡ ਡਰਿੰਕਸ, ਫੂਡ, ਜੂਸ ਅਤੇ ਕੇਕ ਆਦਿ ਮਿਲਣਗੇ। ਲੋਕ ਇਨ੍ਹਾਂ ਭੋਜਨਾਂ ਦੀ ਵਰਤੋਂ ਫਿਟਨੈੱਸ ਅਤੇ ਘੱਟ ਕੈਲੋਰੀ ਲੈਣ ਲਈ ਕਰਦੇ ਹਨ। ਸਿਹਤ ਪ੍ਰਤੀ ਸੁਚੇਤ ਲੋਕ ਵ੍ਹਾਈਟ ਸ਼ੂਗਰ ਦੀ ਬਜਾਏ ਸ਼ੂਗਰ ਮੁਕਤ ਉਤਪਾਦਾਂ ਵੱਲ ਵਧ ਰਹੇ ਹਨ। ਹਾਲਾਂਕਿ ਅਜੇ ਵੀ ਭਾਰਤ 'ਚ ਸ਼ੂਗਰ ਫ੍ਰੀ ਦੀ ਵਰਤੋਂ ਕਰਨ ਵਾਲਿਆਂ ਦੀ ਗਿਣਤੀ ਬਹੁਤ ਘੱਟ ਹੈ। ਇਸ ਦੀ ਮਾਤਰਾ ਅਤੇ ਬਾਰਡਰਲਾਈਨ ਸ਼ੂਗਰ, ਸ਼ੂਗਰ ਮੁਕਤ ਦੇ ਮਾੜੇ ਪ੍ਰਭਾਵਾਂ 'ਚ ਮਹੱਤਵਪੂਰਨ ਭੂਮਿਕਾ ਨਿਭਾਉਂਦੀ ਹੈ।

ਇਹ ਖ਼ਬਰ ਵੀ ਪੜ੍ਹੋ - ਡਾਇਬਟੀਜ਼ ਦੇ ਮਰੀਜ਼ਾਂ ਲਈ ਵਰਦਾਨ ਹੈ 'ਭਿੰਡੀ', ਜਾਣੋ ਕੀ-ਕੀ ਹਨ ਫ਼ਾਇਦੇ