ਵਧਦਾ ਕੋਲੈਸਟਰਾਲ ਕੰਟਰੋਲ ਕਰੇਗਾ ''ਕੜੀ ਪੱਤਾ'', ਇਨ੍ਹਾਂ ਤਰੀਕਿਆਂ ਨਾਲ ਸੇਵਨ ਕਰਨ ਨਾਲ ਹੋਵੇਗਾ ਲਾਭ

ਮੁੰਬਈ- ਖੂਨ 'ਚ ਕੋਲੈਸਟਰਾਲ ਦੀ ਮਾਤਰਾ ਜ਼ਿਆਦਾ ਹੋਣ ਕਾਰਨ ਕਈ ਗੰਭੀਰ ਬੀਮਾਰੀਆਂ ਦਾ ਖਤਰਾ ਬਣਿਆ ਰਹਿੰਦਾ ਹੈ। ਖ਼ਾਸ ਕਰਕੇ ਹਾਈ ਬਲੱਡ ਪ੍ਰੈਸ਼ਰ ਕਾਰਨ ਦਿਲ ਨਾਲ ਸਬੰਧਤ ਬੀਮਾਰੀਆਂ ਹੋ ਸਕਦੀਆਂ ਹਨ। ਇਸ ਲਈ ਵਧਦੇ ਕੋਲੈਸਟਰਾਲ ਨੂੰ ਕੰਟਰੋਲ ਕਰਨਾ ਬਹੁਤ ਜ਼ਰੂਰੀ ਹੈ। ਕੋਲੈਸਟਰਾਲ ਨੂੰ ਕੰਟਰੋਲ ਕਰਨ ਲਈ ਤੁਸੀਂ ਆਪਣੀ ਖੁਰਾਕ 'ਚ ਕੜੀ ਪੱਤੇ ਨੂੰ ਸ਼ਾਮਲ ਕਰ ਸਕਦੇ ਹੋ। ਇਸ 'ਚ ਪਾਏ ਜਾਣ ਵਾਲੇ ਪੋਸ਼ਕ ਤੱਤ ਬਲੱਡ ਪ੍ਰੈਸ਼ਰ ਦੇ ਪੱਧਰ ਨੂੰ ਕੰਟਰੋਲ ਕਰਨ 'ਚ ਮਦਦ ਕਰਨਗੇ। ਤਾਂ ਆਓ ਅਸੀਂ ਤੁਹਾਨੂੰ ਦੱਸਦੇ ਹਾਂ ਕਿ ਤੁਸੀਂ ਇਸ ਨੂੰ ਆਪਣੀ ਖੁਰਾਕ 'ਚ ਕਿਵੇਂ ਸ਼ਾਮਲ ਕਰ ਸਕਦੇ ਹੋ।

ਕੜੀ ਪੱਤੇ ਦੇ ਪੌਸ਼ਟਿਕ ਤੱਤ
ਕੜੀ ਪੱਤੇ 'ਚ ਐਂਟੀਆਕਸੀਡੈਂਟ ਗੁਣ ਪਾਏ ਜਾਂਦੇ ਹਨ, ਇਸ ਤੋਂ ਇਲਾਵਾ ਇਹ ਫਾਈਟੋਨਿਊਟ੍ਰੀਐਂਟਸ ਦਾ ਵੀ ਬਹੁਤ ਚੰਗਾ ਸਰੋਤ ਮੰਨਿਆ ਜਾਂਦਾ ਹੈ। ਇਸ 'ਚ ਪਾਏ ਜਾਣ ਵਾਲੇ ਪੋਸ਼ਕ ਤੱਤ ਹਾਈ ਬੀਪੀ ਅਤੇ ਦਿਲ ਦੀਆਂ ਬੀਮਾਰੀਆਂ ਤੋਂ ਬਚਾਉਣ 'ਚ ਮਦਦ ਕਰਦੇ ਹਨ। ਕਈ ਖੋਜਾਂ 'ਚ ਇਹ ਗੱਲ ਸਾਬਤ ਹੋ ਚੁੱਕੀ ਹੈ ਕਿ ਕੜੀ ਪੱਤੇ ਦਾ ਸੇਵਨ ਕਰਨ ਨਾਲ ਬਲੱਡ ਪ੍ਰੈਸ਼ਰ ਦੇ ਪੱਧਰ ਨੂੰ ਕੰਟਰੋਲ ਕੀਤਾ ਜਾ ਸਕਦਾ ਹੈ।
ਇਸ ਤਰ੍ਹਾਂ ਕਰੋ ਇਸ ਦਾ ਸੇਵਨ
ਭੋਜਨ 'ਚ ਕਰੋ ਸ਼ਾਮਲ 
ਕੜੀ ਪੱਤੇ ਨੂੰ ਖੁਰਾਕ 'ਚ ਸ਼ਾਮਲ ਕਰਨ ਲਈ ਤੁਸੀਂ ਇਸ ਦੀ ਵਰਤੋਂ ਸਬਜ਼ੀਆਂ, ਦਾਲਾਂ, ਕੜੀ ਆਦਿ 'ਚ ਕਰ ਸਕਦੇ ਹੋ। ਇਸ ਨਾਲ ਤੁਹਾਡੀ ਸਿਹਤ ਨੂੰ ਵੀ ਫ਼ਾਇਦਾ ਹੋਵੇਗਾ ਅਤੇ ਖਾਣੇ ਦਾ ਸਵਾਦ ਵੀ ਕਈ ਗੁਣਾ ਵਧੇਗਾ।

ਚਾਹ ਦੇ ਰੂਪ 'ਚ ਪੀਓ
ਤੁਸੀਂ ਚਾਹ 'ਚ ਕੜੀ ਪੱਤਾ ਪਾ ਕੇ ਵੀ ਪੀ ਸਕਦੇ ਹੋ। ਤੁਸੀਂ ਆਪਣੇ ਦਿਨ ਦੀ ਸ਼ੁਰੂਆਤ ਕੜੀ ਪੱਤੇ ਦੀ ਚਾਹ ਨਾਲ ਕਰ ਸਕਦੇ ਹੋ। ਇੱਕ ਕੱਪ ਪਾਣੀ 'ਚ ਘੱਟੋ-ਘੱਟ 8-10 ਗਲਾਸ ਕੜੀ ਪੱਤੇ ਉਬਾਲੋ। ਫਿਰ ਇਸ ਨੂੰ ਛਾਣ ਕੇ ਸ਼ਹਿਦ 'ਚ ਮਿਲਾ ਲਓ। ਇਸ ਤੋਂ ਬਾਅਦ ਤੁਸੀਂ ਇਸ ਦਾ ਸੇਵਨ ਕਰ ਸਕਦੇ ਹੋ।
ਚਟਨੀ ਬਣਾ ਕੇ ਖਾਓ
ਤੁਸੀਂ ਕੜੀ ਪੱਤੇ ਦੀ ਚਟਨੀ ਬਣਾ ਕੇ ਵੀ ਖਾ ਸਕਦੇ ਹੋ। ਇਕ ਪੈਨ 'ਚ 2 ਚਮਚੇ ਤੇਲ ਗਰਮ ਕਰੋ ਅਤੇ ਇਸ 'ਚ 1/4 ਚਮਚੇ ਹਿੰਗ, 1/2 ਚਮਚੇ ਸਰ੍ਹੋਂ, 2 ਚਮਚੇ ਉੜਦ ਦੀ ਦਾਲ ਅਤੇ 1 ਸੁੱਕੀ ਲਾਲ ਮਿਰਚ ਮਿਲਾਓ। ਇਨ੍ਹਾਂ ਸਾਰੇ ਮਸਾਲਿਆਂ ਨੂੰ ਚੰਗੀ ਤਰ੍ਹਾਂ ਭੁੰਨ ਲਓ। ਭੁੰਨਣ ਤੋਂ ਬਾਅਦ ਮਸਾਲਿਆਂ ਨੂੰ ਚੰਗੀ ਤਰ੍ਹਾਂ ਠੰਡਾ ਕਰੋ ਅਤੇ ਕੱਪ 'ਚ ਕੱਢ ਲਓ। ਇਸ ਨੂੰ ਪੀਸ ਕੇ ਅਤੇ ਆਪਣੇ ਸਵਾਦ ਅਨੁਸਾਰ ਲੂਣ ਮਿਲਾ ਕੇ ਇਸ ਦਾ ਸੇਵਨ ਕਰ ਸਕਦੇ ਹੋ।

ਖਾਲੀ ਢਿੱਡ ਚਬਾ ਕੇ ਖਾਓ
ਤੁਸੀਂ ਖਾਲੀ ਢਿੱਡ ਕੜੀ ਪੱਤਾ ਖਾ ਸਕਦੇ ਹੋ। ਖਾਲੀ ਢਿੱਡ ਕੜੀ ਪੱਤੇ ਦਾ ਸੇਵਨ ਕਰਨਾ ਸਿਹਤ ਲਈ ਬਹੁਤ ਫ਼ਾਇਦੇਮੰਦ ਮੰਨਿਆ ਜਾਂਦਾ ਹੈ। ਮਾਹਰਾਂ ਅਨੁਸਾਰ ਰੋਜ਼ਾਨਾ ਸਵੇਰੇ ਖਾਲੀ ਢਿੱਡ 5-8 ਕੜੀ ਪੱਤੇ ਚਬਾਉਣ ਨਾਲ ਕੋਲੈਸਟਰਾਲ ਦਾ ਪੱਧਰ ਘੱਟ ਹੁੰਦਾ ਹੈ।