ਚਾਹ-ਕੌਫ਼ੀ ਦੇ ਸ਼ੌਕੀਨ ਜ਼ਰੂਰ ਪੜ੍ਹਨ ਇਹ ਖ਼ਬਰ ! ਕਿਤੇ ਸਰਦੀਆਂ ''ਚ ਵਿਗੜ ਨਾ ਜਾਏ ਸਿਹਤ

ਹੈਲਥ ਡੈਸਕ- ਸਰਦੀਆਂ 'ਚ ਸੂਕੂਨ ਲਈ ਅਦਰਕ–ਇਲਾਇਚੀ ਵਾਲੀ ਦੁੱਧ-ਚਾਹ ਜਾਂ ਸਟਰੌਂਗ ਕੌਫੀ ਪੀਣਾ ਬਹੁਤ ਲੋਕਾਂ ਨੂੰ ਪਸੰਦ ਹੁੰਦਾ ਹੈ। ਪਰ ਸਵਾਦ ਲਈ ਬਣਾਈ ਗਈ ਇਹ ਚਾਹ–ਕੌਫੀ ਕਈ ਵਾਰ ਸਿਹਤ ਨੂੰ ਨੁਕਸਾਨ ਪਹੁੰਚਾ ਰਹੀ ਹੁੰਦੀ ਹੈ। 

ਦੁੱਧ ਖੰਡ ਵਾਲੀ ਚਾਹ/ਕੌਫੀ ਦੇ ਨੁਕਸਾਨ

ਆਇਰਨ ਦੀ ਕਮੀ ਦਾ ਖਤਰਾ

ਚਾਹ ਜਾਂ ਕੌਫੀ ਪੀਣ ਨਾਲ ਆਇਰਨ ਦੀ ਕਮੀ ਹੋਣ ਲੱਗਦੀ ਹੈ। ਇਸ ਵਿਚ ਪਾਈ ਗਈ ਖੰਡ ਲਿਵਰ 'ਤੇ ਬੋਝ ਬਣਦੀ ਹੈ ਅਤੇ ਇਹ ਆਦਤ ਫੈਟੀ ਲਿਵਰ ਅਤੇ ਬੈਲੀ ਫੈਟ ਵਧਾਉਂਦੀ ਹੈ। ਜੇਕਰ ਚਾਹ-ਕੌਫੀ ਖ਼ਾਲੀ ਪੇਟ ਪੀਤੀ ਜਾਵੇ ਤਾਂ ਇਸ 'ਚ ਮੌਜੂਦ ਕੈਫੀਨ ਐਸਿਡਿਟੀ ਤੋਂ ਲੈ ਕੇ ਰਿਫਲਕਸ਼ ਤੱਕ ਦੀ ਪਰੇਸ਼ਾਨੀ ਵਧਾ ਦਿੰਦੇ ਹਨ। 

ਬਿਨਾਂ ਦੁੱਧ ਖੰਡ ਵਾਲੀ ਚਾਹ/ਕੌਫੀ ਫ਼ਾਇਦੇਮੰਦ

ਸਟਰੌਂਗ ਬਲੈਕ-ਟੀ ਜਾਂ ਬਲੈਕ ਕੌਫੀ ਸਿਹਤ ਲਈ ਕਾਫ਼ੀ ਲਾਭਦਾਇਕ ਸਾਬਿਤ ਹੋ ਸਕਦੀ ਹੈ। ਇਹ ਮੈਟਾਬੋਲਿਜ਼ਮ ਵਧਾਉਂਦੀ ਹੈ ਅਤੇ ਪੇਟ ਨੂੰ ਹਲਕਾ ਰੱਖਦੀ ਹੈ। ਸਿਹਤ ਨੂੰ ਮਜ਼ਬੂਤ ਬਣਾਏ ਰੱਖਣ ਲਈ ਤੁਸੀਂ ਕੱਚੀ ਹਲਦੀ-ਦਾਲਚੀਨੀ ਦੀ ਚਾਹ ਵੀ ਪੀ ਸਕਦੇ ਹੋ। ਇਸ ਚਾਹ ਨੂੰ ਪੀਣ ਨਾਲ ਇਮਿਊਨਿਟੀ ਮਜ਼ਬੂਤ ਹੁੰਦੀ ਹੈ। ਚਾਹ-ਕੌਫੀ ਖ਼ਾਲੀ ਪੇਟ ਨਹੀਂ ਪੀਣੀ ਚਾਹੀਦੀ। ਦਿਨ 'ਚ 2 ਜਾਂ 3 ਕੱਪ ਤੋਂ ਜ਼ਿਆਦਾ ਚਾਹ-ਕੌਫੀ ਨਹੀਂ ਪੀਣੀ ਚਾਹੀਦੀ।

ਹਰਬਲ ਚਾਹ ਦੇ ਫਾਇਦੇ

ਹਰਬਲ ਚਾਹ ਨਾਲ ਲਿਵਰ ‘ਚ ਜਮਾਂ ਫੈੱਟ ਘਟਦਾ ਹੈ। ਕਬਜ਼, ਗੈਸ, ਬਲੋਟਿੰਗ ਦੂਰ ਹੁੰਦੀ ਹੈ ਅਤੇ ਐਸਿਡਿਟੀ ਕੰਟਰੋਲ ਰਹਿੰਦੀ ਹੈ। 

ਨੋਟ– ਇਹ ਆਰਟੀਕਲ ਸਿਰਫ਼ ਆਮ ਜਾਣਕਾਰੀ ਲਈ ਹੈ। ਆਪਣੀ ਖੁਰਾਕ ਵਿੱਚ ਕੋਈ ਬਦਲਾਅ ਕਰਨ, ਕਿਸੇ ਵੀ ਬਿਮਾਰੀ ਨਾਲ ਸਬੰਧਤ ਕੋਈ ਵੀ ਉਪਾਅ ਕਰਨ ਜਾਂ ਕੋਈ ਵੀ ਘਰੇਲੂ ਨੁਸਖਾ ਅਪਣਾਉਣ ਤੋਂ ਪਹਿਲਾਂ ਆਪਣੇ ਡਾਕਟਰ ਦੀ ਸਲਾਹ ਜ਼ਰੂਰ ਲਓ।