ਦੁੱਧ ''ਚ ਘਿਓ ਮਿਲਾ ਕੇ ਪੀਣ ਨਾਲ ਮਿਲਦੀ ਹੈ ਜੋੜਾਂ ਦੇ ਦਰਦ ਤੋਂ ਰਾਹਤ, ਹੁੰਦੀਆਂ ਹਨ ਹੋਰ ਵੀ ਬੀਮਾਰੀਆਂ ਦੂਰ

ਜਲੰਧਰ: ਘਿਓ ਨੂੰ ਦੁੱਧ 'ਚ ਮਿਲਾ ਕੇ ਪੀਣ ਨਾਲ ਬਹੁਤ ਸਾਰੀਆਂ ਸਰੀਰਕ ਸਮੱਸਿਆਵਾਂ ਦੂਰ ਕੀਤੀਆਂ ਜਾ ਸਕਦੀਆਂ ਹਨ। ਘਿਓ ਨੂੰ ਦੁੱਧ 'ਚ ਮਿਲਾ ਕੇ ਪੀਣ ਦਾ ਰਿਵਾਜ਼ ਕਾਫ਼ੀ ਪੁਰਾਣਾ ਹੈ। ਇਸ ਦੇ ਸ਼ਾਨਦਾਰ ਇਲਾਜ ਬਾਰੇ ਸੁਣਦੇ ਹੋਏ, ਸ਼ਾਇਦ ਉਹ ਲੋਕ ਜੋ ਇਸ ਨੂੰ ਹੁਣ ਤੱਕ ਪਸੰਦ ਨਹੀਂ ਕਰਦੇ ਉਹ ਵੀ ਇਸ ਦੀ ਵਰਤੋਂ ਕਰਨੀ ਸ਼ੁਰੂ ਕਰ ਦੇਣਗੇ। ਖ਼ਾਸ ਕਰਕੇ ਉਹ ਲੋਕ ਜੋ ਜ਼ਿਆਦਾਤਰ ਜੋੜਾਂ ਦੇ ਦਰਦ ਅਤੇ ਪੇਟ ਦਰਦ ਤੋਂ ਪੀੜਤ ਹਨ। ਦਰਅਸਲ, ਗਾਂ ਦਾ ਘਿਓ ਐਂਟੀ ਆਕਸੀਡੈਂਟਸ ਨਾਲ ਭਰਪੂਰ ਹੁੰਦਾ ਹੈ, ਇਸ ਤੋਂ ਇਲਾਵਾ ਇਹ ਐਂਟੀ-ਬੈਕਟੀਰੀਆ ਅਤੇ ਐਂਟੀ-ਫੰਗਲ ਗੁਣਾਂ ਨਾਲ ਵੀ ਭਰਪੂਰ ਹੁੰਦਾ ਹੈ।

ਦੁੱਧ ਨਾਲ ਘਿਓ ਦੀ ਵਰਤੋਂ ਸਰੀਰਕ ਮਜ਼ਬੂਤੀ ਦਿੰਦਾ ਹੈ। ਜੇ ਤੁਸੀਂ ਸਰੀਰ 'ਚ ਹਰ ਛੋਟੇ-ਛੋਟੇ ਕੰਮ ਕਰਨ ਤੋਂ ਬਾਅਦ ਕਮਜ਼ੋਰੀ ਮਹਿਸੂਸ ਕਰਦੇ ਹੋ ਤਾਂ ਇਸ ਥਕਾਵਟ ਦਾ ਇਲਾਜ ਘਿਓ ਨੂੰ ਦੁੱਧ 'ਚ ਮਿਲਾ ਕੇ ਕੀਤਾ ਜਾ ਸਕਦਾ ਹੈ। ਇਹ ਨਾ ਸਿਰਫ ਥਕਾਵਟ ਤੋਂ ਛੁਟਕਾਰਾ ਦਿਵਾਉਂਦਾ ਹੈ, ਸਗੋਂ ਸਰੀਰ ਦੀ ਤਾਕਤ ਨੂੰ ਵੀ ਵਧਾਉਂਦਾ ਹੈ, ਇਸ ਲਈ ਰੋਜ਼ ਦੁੱਧ 'ਚ ਗਾਂ ਦੇ ਘਿਓ ਨੂੰ ਮਿਲਾ ਕੇ ਪੀਣਾ ਚਾਹੀਦਾ ਹੈ।

ਦੁੱਧ 'ਚ ਘਿਓ ਦੀ ਵਰਤੋਂ ਪਾਚਨ ਕਿਰਿਆ ਨੂੰ ਬਿਹਤਰ ਬਣਾਉਂਦੀ ਹੈ। ਦੁੱਧ 'ਚ ਗਾਂ ਦਾ ਘਿਓ ਪੀਣ ਨਾਲ ਪਾਚਨ ਸ਼ਕਤੀ ਮਜ਼ਬੂਤ ​​ਹੁੰਦੀ ਹੈ। ਇਸ ਦੀ ਵਰਤੋਂ ਨਾਲ, ਪਾਚਨ ਨਾਲ ਸਬੰਧਿਤ ਸਾਰੇ ਪਾਚਕਾਂ ਦੇ ਨਾਲ ਪਾਚਨ ਕਿਰਿਆ ਵਧਦੀ ਹੈ, ਜੋ ਪਾਚਨ ਨੂੰ ਮਜ਼ਬੂਤ ​ਬਣਾਉਂਦੀ ਹੈ। ਜਿਨ੍ਹਾਂ ਦੇ ਪੇਟ 'ਚ ਕਬਜ਼ ਦੀ ਸਮੱਸਿਆ ਹੈ, ਇਸ ਤੋਂ ਵਧੀਆ ਆਯੁਰਵੈਦਿਕ ਦਵਾਈ ਹੋਰ ਕੋਈ ਨਹੀਂ ਹੋ ਸਕਦੀ ਨਾਲ ਹੀ ਪੇਟ 'ਚ ਐਸਿਡਿਟੀ (ਗੈਸ) ਦੀ ਸਮੱਸਿਆ ਵੀ ਇਸ ਦੀ ਵਰਤੋਂ ਨਾਲ ਦੂਰ ਹੁੰਦੀ ਹੈ।