ਜੇਕਰ ਤੁਸੀਂ ਵੀ ਹੋ ਅਚਾਰ ਦੇ ਸ਼ੌਕੀਨ, ਤਾਂ ਜ਼ਰੂਰ ਪੜ੍ਹੋ ਇਹ ਖ਼ਬਰ

ਜਲੰਧਰ— ਅਚਾਰ ਭਾਰਤੀ ਖਾਣੇ ਦਾ ਇੱਕ ਅਨਿੱਖੜਵਾਂ ਹਿੱਸਾ ਹੈ। ਦੇਸ਼ ਦੇ ਹਰ ਕੋਨੇ 'ਚ ਤੁਹਾਨੂੰ ਅਚਾਰ ਦਾ ਇੱਕ ਵੱਖਰਾ ਸਵਾਦ ਮਿਲੇਗਾ।  ਕਿਤੇ ਖੱਟਾ ਅਤੇ ਚਟਪਟਾ ਅਚਾਰ ਖਾਣਾ ਪਸੰਦ ਕੀਤਾ ਜਾਂਦਾ ਹੈ ਤਾਂ ਕਿਤੇ ਮਿੱਠਾ। ਭਾਰਤੀ ਥਾਲੀ ਅਚਾਰ ਦੇ ਬਿਨਾਂ ਅਧੂਰੀ ਲੱਗਦੀ ਹੈ ਪਰ ਕੀ ਤੁਸੀਂ ਇਹ ਜਾਣਦੇ ਹੋ ਕਿ ਜ਼ਰੂਰਤ ਤੋਂ ਜ਼ਿਆਦਾ ਅਚਾਰ ਖਾਣਾ ਤੁਹਾਡੀ ਸਿਹਤ ਨੂੰ ਵਿਗਾੜ ਸਕਦਾ ਹੈ। ਅਚਾਰ ਦਾ ਸੰਤੁਲਿਤ ਪ੍ਰਯੋਗ ਭਲੇ ਹੀ ਫਾਇਦੇਮੰਦ ਹੁੰਦਾ ਹੈ ਪਰ ਬਹੁਤ ਜਿਆਦਾ ਅਚਾਰ ਖਾਣਾ ਸਿਹਤ ਲਈ ਹਾਨੀਕਾਰਕ ਵੀ ਸਾਬਤ ਹੋ ਸਕਦਾ ਹੈ।
- ਜ਼ਿਆਦਾ ਅਚਾਰ ਖਾਣ ਦੇ ਨੁਕਸਾਨ
1. ਨਮਕ ਦੀ ਬਹੁਤ ਜਿਆਦਾ ਮਾਤਰਾ 
ਨਮਕ ਖਾਣਾ ਜੇਕਰ ਸਾਡੇ ਲਈ ਜਰੂਰੀ ਹੈ ਤਾਂ ਜ਼ਿਆਦਾ ਨਮਕ ਸਿਹਤ ਲਈ ਖਤਰਨਾਕ ਵੀ ਹੈ। ਜ਼ਿਆਦਾ ਨਮਕ ਖਾਣ ਵਾਲੀਆਂ ਨੂੰ ਹਾਈਪਰਟੈਂਸ਼ਨ ਅਤੇ ਦਿਲ ਨਾਲ ਜੁੜੀ ਬੀਮਾਰੀਆਂ ਹੋਣ ਦਾ ਖ਼ਤਰਾ ਹੁੰਦਾ ਹ। ਇਸ ਦੇ ਇਲਾਵਾ ਸਰੀਰ 'ਚ ਇਸ ਦੀ ਮਾਤਰਾ ਵੱਧ ਜਾਣ ਤੇ ਸੋਜ ਵੀ ਆ ਜਾਂਦੀ ਹੈ  ਇਸ ਤੋਂ ਵਾਟਰ ਰਿਟੈਂਸ਼ਨ ਦੀ ਵੀ ਸਮੱਸਿਆ ਹੋ ਜਾਂਦੀ ਹੈ।  ਅਚਾਰ ਲੰਬੇ ਸਮੇਂ ਤੱਕ ਠੀਕ ਰਹੇ, ਇਸ ਦੇ ਲਈ ਇਸ 'ਚ ਲੂਣ ਦੀ ਜਿਆਦਾ ਮਾਤਰਾ ਪਾਈ ਜਾਂਦੀ ਹੈ । ਲੂਣ ਪ੍ਰੀਜਰਵੇਟਿਵ ਦੀ ਤਰ੍ਹਾਂ ਕੰਮ ਕਰਦਾ ਹੈ ।ਅਜਿਹੇ 'ਚ ਬਹੁਤ ਜਿਆਦਾ ਅਚਾਰ ਖਾਣ ਨਾਲ ਸਰੀਰ 'ਚ ਨਮਕ ਦੀ ਮਾਤਰਾ ਵਧਣ ਦਾ ਖ਼ਤਰਾ ਵੱਧ ਜਾਂਦਾ ਹੈ।
2. ਤੇਲ ਦੀ ਜਿਆਦਾ ਹੋਣਾ
ਅਚਾਰ ਨੂੰ ਲੰਬੇ ਸਮੇਂ ਤੱਕ ਠੀਕ ਰੱਖਣ ਲਈ ਅਤੇ ਨਮੀ ਤੋਂ ਬਚਾਕੇ ਰੱਖਣ ਲਈ ਉਸ 'ਚ ਭਰਪੂਰ ਮਾਤਰਾ 'ਚ ਤੇਲ ਪਾਇਆ ਜਾਂਦਾ ਹੈ। ਇਹ ਤੇਲ ਕੈਲੋਸਟਰਾਲ ਵਧਣ ਦਾ ਕਾਰਨ ਹੋ ਸਕਦਾ ਹੈ।  ਕੌਲੇਸਟਰੋਲ ਵਧਣ ਨਾਲ ਦਿਲ ਦੀ ਬੀਮਾਰੀਆਂ ਦਾ ਖ਼ਤਰਾ ਬਹੁਤ ਵੱਧ ਜਾਂਦਾ ਹੈ। ਇਹ ਲੀਵਰ ਲਈ ਵੀ ਖਤਰਨਾਕ ਹੈ।
- ਠੀਕ ਮਾਤਰਾ 'ਚ ਅਚਾਰ ਖਾਣ  ਦੇ ਫਾਇਦੇ ਵੀ ਹਨ
1. ਸੰਤੁਲਿਤ ਮਾਤਰਾ ਵਿੱਚ ਅਚਾਰ ਖਾਣਾ ਫਾਇਦੇਮੰਦ ਹੈ। ਇਸ ਤੋਂ ਪਾਚਣ ਕਿਰਿਆ ਠੀਕ ਰਹਿੰਦੀ ਹੈ।
2. ਅਲਸਰ ਹੋਣ ਦਾ ਖ਼ਤਰਾ ਘੱਟ ਹੁੰਦਾ ਹੈ।
3. ਅਚਾਰ 'ਚ ਐਂਟੀ-ਆਕਸੀਡੈਂਟ ਭਰਪੂਰ ਹੁੰਦਾ ਹੈ। ਜੋ ਸਰੀਰ ਨੂੰ ਫਰੀਰੇਡਿਕਲਸ ਨਾਲ ਸੁਰੱਖਿਅਤ ਰੱਖਣ ਦਾ ਕੰਮ ਕਰਦਾ ਹੈ। ਅਜਿਹੇ 'ਚ ਜੇਕਰ ਤੁਸੀਂ ਨਿਅੰਤਰਿਤ ਮਾਤਰਾ 'ਚ ਇਸ ਦਾ ਸੇਵਨ ਕਰਦੇ ਹੋ ਤਾਂ ਇਹ ਕਾਫ਼ੀ ਫਾਇਦੇਮੰਦ ਹੈ।
ਕੁੱਝ ਸ਼ੋਧਾਂ ਦੀ ਮੰਨੀਏ ਤਾਂ ਮਧੁਮੇਹ 'ਚ ਅਚਾਰ ਖਾਣਾ ਫਾਇਦੇਮੰਦ ਹੁੰਦਾ ਹੈ। ਹਫ਼ਤੇ 'ਚ ਇੱਕ ਬਾਰ ਅਚਾਰ ਖਾਣਾ ਚਾਹੀਦਾ ਹੈ।  ਮਧੁਮੇਹ ਦੇ ਮਰੀਜਾਂ ਨੂੰ ਆਂਵਲੇ ਦੇ ਅਚਾਰ ਦਾ ਸੇਵਨ ਕਰਨਾ ਚਾਹੀਦਾ ਹੈ।