ਕੀ ਤੁਸੀਂ ਵੀ ਖਾਂਦੇ ਹੋ ਅਖਬਾਰ 'ਚ ਲਪੇਟਿਆ ਹੋਇਆ ਖਾਣਾ! ਤਾਂ ਜ਼ਰੂਰ ਪੜ੍ਹੋ ਇਹ ਖਬਰ

ਵੈੱਬ ਡੈਸਕ-ਅਕਸਰ ਅਸੀਂ ਦੇਖਦੇ ਹਾਂ ਕਿ ਲੋਕ ਸੜਕ ਕਿਨਾਰੇ ਬੈਠ ਕੇ, ਰੇਲਾਂ ਅਤੇ ਬੱਸਾਂ ਵਿੱਚ ਅਖਬਾਰ ਵਿੱਚ ਲਪੇਟ ਕੇ ਖਾਣਾ ਖਾ ਰਹੇ ਹੁੰਦੇ ਹਨ ਜਾਂ ਸਟ੍ਰੀਟ ਫੂਡ ਜਿਵੇਂ ਕਿ ਚਨਾ ਮਸਾਲਾ, ਭੇਲਪੁਰੀ ਆਦਿ ਅਖਬਾਰ ਵਿੱਚ ਰੱਖ ਕੇ ਮਿਲਦੀ ਹੈ, ਪਰ ਕੀ ਤੁਸੀਂ ਕਦੇ ਸੋਚਿਆ ਹੈ ਕਿ ਇਹ ਤੁਹਾਡੀ ਸਿਹਤ ਲਈ ਕਿੰਨਾ ਖਤਰਨਾਕ ਹੋ ਸਕਦਾ ਹੈ? ਅਖਬਾਰ ਦੇ ਕਾਗਜ 'ਚ ਅਜਿਹੇ ਕਈ ਹਾਨੀਕਾਰਕ ਰਸਾਇਣ ਅਤੇ ਸਿਆਹੀ ਹੁੰਦੀ ਹੈ ਜੋ ਖਾਣੇ ਦੇ ਨਾਲ ਮਿਲ ਕੇ ਤੁਹਾਡੇ ਸਰੀਰ ਦੇ ਅੰਦਰ ਜਾਂਦੇ ਹਨ ਅਤੇ ਸਾਡੀ ਸਿਹਤ ਨੂੰ ਨੁਕਸਾਨ ਪਹੁੰਚਾਉਂਦੇ ਹਨ। ਆਓ ਜਾਣਦੇ ਹਾਂ ਅਖਬਾਰ 'ਤੇ ਰੱਖਿਆ ਭੋਜਨ ਖਾਣ ਨਾਲ ਕਿਹੜੀਆਂ ਬੀਮਾਰੀਆਂ ਹੁੰਦੀਆਂ ਹਨ।

ਇਹ ਵੀ ਪੜ੍ਹੋ- ਸਮੇਂ ਤੋਂ ਪਹਿਲਾਂ ‘ਚਿੱਟੇ’ ਹੋ ਰਹੇ ‘ਵਾਲਾਂ’ ਨੂੰ ਇਨ੍ਹਾਂ ਘਰੇਲੂ ਨੁਸਖਿਆਂ ਨਾਲ ਕਰੋ ਮੁੜ ਤੋਂ ‘ਕਾਲਾ’
ਕੈਂਸਰ ਹੋ ਸਕਦੈ
ਅਖਬਾਰ ਦੀ ਸਿਆਹੀ ਵਿੱਚ ਬਹੁਤ ਸਾਰੇ ਖਤਰਨਾਕ ਰਸਾਇਣਕ ਪਦਾਰਥ ਪਾਏ ਜਾਂਦੇ ਹਨ ਜਿਵੇਂ ਕਿ ਆਈਸੋਬਿਊਟਾਈਲ ਫੈਟੇਲੇਟ, ਡਾਈਐੱਨ ਆਈਸੋਬਿਊਟਾਈਲੇਟ ਆਦਿ। ਜਦੋਂ ਅਸੀਂ ਗਰਮ ਭੋਜਨ ਨੂੰ ਅਖਬਾਰ ਵਿਚ ਰੱਖਦੇ ਹਾਂ, ਤਾਂ ਇਹ ਸਿਆਹੀ ਭੋਜਨ 'ਤੇ ਚਿਪਕ ਜਾਂਦੀ ਹੈ। ਇਹ ਸਿਆਹੀ ਸਾਡੇ ਸਰੀਰ ਨੂੰ ਬਹੁਤ ਨੁਕਸਾਨ ਪਹੁੰਚਾਉਂਦੀ ਹੈ। ਇਹ ਰਸਾਇਣ ਸਾਨੂੰ ਕੈਂਸਰ ਵਰਗੀਆਂ ਖਤਰਨਾਕ ਬੀਮਾਰੀਆਂ ਵੀ ਦੇ ਸਕਦੇ ਹਨ। ਇਸ ਲਈ ਸਾਨੂੰ ਕਦੇ ਵੀ ਗਰਮ ਭੋਜਨ ਅਖਬਾਰ ਵਿੱਚ ਨਹੀਂ ਰੱਖਣਾ ਚਾਹੀਦਾ।
ਪਾਚਨ ਕਿਰਿਆ ਨੂੰ ਕਰਦੈ ਖਰਾਬ
ਅਖਬਾਰ ਵਿੱਚ ਲਪੇਟਿਆ ਭੋਜਨ ਖਾਣ ਨਾਲ ਪਾਚਨ ਸੰਬੰਧੀ ਕਈ ਸਮੱਸਿਆਵਾਂ ਹੋ ਸਕਦੀਆਂ ਹਨ। ਅਖਬਾਰ ਦੀ ਸਿਆਹੀ ਅਤੇ ਹੋਰ ਰਸਾਇਣ ਪੇਟ ਵਿਚ ਦਾਖਲ ਹੋ ਕੇ ਪਾਚਨ ਕਿਰਿਆ ਨੂੰ ਖਰਾਬ ਕਰ ਸਕਦੇ ਹਨ, ਜਿਸ ਨਾਲ ਪੇਟ ਵਿਚ ਜਲਣ, ਐਸੀਡਿਟੀ, ਕਬਜ਼ ਵਰਗੀਆਂ ਸਮੱਸਿਆਵਾਂ ਹੋ ਸਕਦੀਆਂ ਹਨ। ਜ਼ਿਆਦਾ ਦੇਰ ਤੱਕ ਅਖਬਾਰ ਵਿੱਚ ਖਾਣਾ ਖਾਣ ਨਾਲ ਪਾਚਨ ਤੰਤਰ ਕਮਜ਼ੋਰ ਹੋ ਸਕਦਾ ਹੈ। ਸਿਹਤਮੰਦ ਰਹਿਣ ਲਈ ਅਖਬਾਰ ਵਿਚ ਲਪੇਟਿਆ ਭੋਜਨ ਖਾਣ ਤੋਂ ਪਰਹੇਜ਼ ਕਰਨਾ ਚਾਹੀਦਾ ਹੈ।

ਇਹ ਵੀ ਪੜ੍ਹੋ-ਦੁੱਧ ਨੂੰ ਉਬਾਲਣ ਦਾ ਕੀ ਹੈ ਸਹੀ ਤਰੀਕਾ, ਕਿਤੇ ਤੁਸੀਂ ਵੀ ਤਾਂ ਨਹੀਂ ਕਰ ਰਹੇ ਇਹ ਗਲ਼ਤੀ
ਹਾਰਮੋਨਸ ਅਸੰਤੁਲਿਤ ਹੁੰਦਾ ਹੈ
ਅਖਬਾਰ ਦੇ ਕਾਗਜ਼ ਦੀ ਸਿਆਹੀ ਕਈ ਖਤਰਨਾਕ ਰਸਾਇਣਾਂ ਨਾਲ ਬਣੀ ਹੁੰਦੀ ਹੈ। ਅਖਬਾਰਾਂ ਦੀ ਸਿਆਹੀ 'ਚ ਆਮ ਤੌਰ 'ਤੇ ਆਈਸੋਪ੍ਰੋਪਾਈਲ ਅਲਕੋਹਲ, ਪੋਲੀਏਥੀਲੀਨ ਗਲਾਈਕੋਲ, ਡਾਈਥਾਈਲੀਨ ਗਲਾਈਕੋਲ ਵਰਗੇ ਰਸਾਇਣ ਆਮ ਤੌਰ 'ਤੇ ਅਖਬਾਰਾਂ ਦੀ ਸਿਆਹੀ ਵਿਚ ਵਰਤੇ ਜਾਂਦੇ ਹਨ, ਜੋ ਕਿ ਅਖਬਾਰ ਦੀ ਸਿਆਹੀ ਵਿਚ ਮੌਜੂਦ ਜ਼ਹਿਰੀਲੇ ਪਦਾਰਥ ਭੋਜਨ ਵਿਚ ਰਲ ਕੇ ਸਰੀਰ ਵਿਚ ਦਾਖਲ ਹੁੰਦੇ ਹਨ ਅਤੇ ਹਾਰਮੋਨਸ ਵਿਚ ਵਿਘਨ ਪਾ ਸਕਦੇ ਹਨ। ਇਸ ਕਾਰਨ ਸਰੀਰ ਦੇ ਕਈ ਹਾਰਮੋਨਸ ਜਿਵੇਂ ਕਿ ਥਾਇਰਾਇਡ, ਇਨਸੁਲਿਨ, ਐਸਟ੍ਰੋਜਨ ਆਦਿ ਦਾ ਸੰਤੁਲਨ ਵਿਗੜ ਸਕਦਾ ਹੈ।

ਇਹ ਵੀ ਪੜ੍ਹੋ- ਆਇਰਨ ਨਾਲ ਭਰਪੂਰ 'ਗੁੜ' ਹੈ ਸਿਹਤ ਲਈ ਗੁਣਕਾਰੀ, ਜਾਣੋ ਬੇਮਿਸਾਲ ਲਾਭ
ਅੱਖਾਂ ਦੀ ਰੌਸ਼ਨੀ ਜਾ ਸਕਦੀ ਹੈ
ਜੇਕਰ ਕੋਈ ਵਿਅਕਤੀ ਹਰ ਰੋਜ਼ ਅਖਬਾਰ 'ਚ ਲਪੇਟਿਆ ਖਾਣਾ ਖਾਂਦਾ ਹੈ ਤਾਂ ਉਸ ਦੀਆਂ ਅੱਖਾਂ ਦੀ ਰੌਸ਼ਨੀ ਘੱਟ ਹੋਣ ਦਾ ਖਤਰਾ ਹੋ ਸਕਦਾ ਹੈ। ਅਖਬਾਰ ਦੀ ਸਿਆਹੀ ਵਿੱਚ ਮੌਜੂਦ ਜ਼ਹਿਰੀਲੇ ਤੱਤ ਅੱਖਾਂ ਨੂੰ ਨੁਕਸਾਨ ਪਹੁੰਚਾਉਂਦੇ ਹਨ। ਖਾਸ ਕਰਕੇ ਬਜ਼ੁਰਗਾਂ ਅਤੇ ਬੱਚਿਆਂ ਦੀਆਂ ਅੱਖਾਂ ਇਸ ਤੋਂ ਜ਼ਿਆਦਾ ਪ੍ਰਭਾਵਿਤ ਹੁੰਦੀਆਂ ਹਨ।

ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ
For Android:- https://play.google.com/store/apps/details?id=com.jagbani&hl=en
For IOS:- https://itunes.apple.com/in/app/id538323711?mt=8

ਨੋਟ- ਇਸ ਖ਼ਬਰ ਬਾਰੇ ਕੁਮੈਂਟ ਕਰ ਦਿਓ ਰਾਏ