ਬੱਚਿਆਂ ਨੂੰ ਖੁਆਓ ਇਹ 5 ''ਸੁਪਰਫੂਡ'', ਨਹੀਂ ਹੋਣ ਦੇਣਗੇ Diabetes

ਹੈਲਥ ਡੈਸਕ- ਬਦਲਦੀ ਲਾਈਫਸਟਾਇਲ, ਘੱਟ ਫਿਜ਼ੀਕਲ ਐਕਟਿਵਟੀ, ਗਲਤ ਖਾਣ-ਪੀਣ ਅਤੇ ਵਧਦੀ ਸਕ੍ਰੀਨ ਟਾਈਮ ਕਾਰਨ ਬੱਚਿਆਂ ਦਾ ਬਲੱਡ ਸ਼ੂਗਰ ਕੰਟਰੋਲ ਕਰਨਾ ਮਾਪਿਆਂ ਲਈ ਵੱਡੀ ਚੁਣੌਤੀ ਬਣ ਚੁੱਕਾ ਹੈ। ਐਂਡੋਕ੍ਰਾਈਨੋਲੌਜਿਸਟ ਮੁਤਾਬਕ, ਇਹ ਸਮੱਸਿਆ ਸਿਰਫ਼ ਮਿੱਠਾ ਖਾਣ ਨਾਲ ਨਹੀਂ, ਸਗੋਂ ਰੋਜ਼ ਦੀਆਂ ਕਈ ਆਦਤਾਂ ਕਰਕੇ ਵਧ ਰਹੀ ਹੈ। ਮਾਹਿਰਾਂ ਨੇ 5 ਅਜਿਹੇ ਖਾਣੇ ਦੱਸੇ ਹਨ ਜੋ ਬੱਚਿਆਂ 'ਚ ਸ਼ੂਗਰ ਸਪਾਈਕ ਨੂੰ ਰੋਕਦੇ ਹਨ, ਐਨਰਜੀ ਵਧਾਉਂਦੇ ਅਤੇ ਕੁੱਲ ਸਿਹਤ ਨੂੰ ਮਜ਼ਬੂਤ ਬਣਾਉਂਦੇ ਹਨ।

1. ਓਟਸ – ਸਥਿਰ ਸ਼ੂਗਰ ਲਈ ਸਭ ਤੋਂ ਵਧੀਆ

ਓਟਸ 'ਚ ਘੁਲਣਸ਼ੀਲ ਫਾਈਬਰ ਹੁੰਦਾ ਹੈ ਜੋ ਬਲੱਡ ਸ਼ੂਗਰ ਨੂੰ ਹੌਲੀ-ਹੌਲੀ ਵਧਣ ਦਿੰਦਾ ਹੈ। ਬੱਚਿਆਂ ਨੂੰ ਓਟਸ ਖਿੱਚੜੀ, ਓਟਸ ਉਪਮਾ ਜਾਂ ਓਟਸ ਦਲੀਆ ਨਾਸ਼ਤੇ 'ਚ ਦੇਣਾ ਫਾਇਦੇਮੰਦ ਹੈ। ਇਹ ਲੰਬੇ ਸਮੇਂ ਤੱਕ ਭੁੱਖ ਨਹੀਂ ਲੱਗਣ ਦਿੰਦਾ ਅਤੇ ਓਵਰਈਟਿੰਗ ਤੋਂ ਰੋਕਦਾ ਹੈ।

2. ਛੋਲੇ – (Chickpeas / Kabuli Chana / Kala Chana)

ਕਾਬੁਲੀ ਛੋਲੇ, ਕਾਲੇ ਛੋਲੇ ਜਾਂ ਭੁੰਨੇ ਛੋਲੇ– ਇਹ ਸਾਰੇ ਸ਼ੂਗਰ ਨੂੰ ਸਥਿਰ ਰੱਖਣ 'ਚ ਮਦਦ ਕਰਦੇ ਹਨ। ਛੋਲਿਆਂ ਦੀ ਚਾਟ, ਕਾਲੇ ਛੋਲਿਆਂ ਦੀ ਸਲਾਦ ਬੱਚਿਆਂ ਲਈ ਇਕ ਬਿਹਤਰੀਨ ਹੈਲਥੀ ਸਨੈਕ ਹੈ।

3. ਦਹੀਂ – ਪਾਚਣ ਸੁਧਾਰ ਕੇ ਸ਼ੂਗਰ ਕਾਬੂ

ਦਹੀਂ 'ਚ ਪਾਏ ਜਾਣ ਵਾਲੇ ਪ੍ਰੋਬਾਇਓਟਿਕ ਪਾਚਣ ਤੰਤਰ ਨੂੰ ਮਜ਼ਬੂਤ ਰੱਖਦੇ ਹਨ, ਜਿਸ ਨਾਲ ਬਲੱਡ ਸ਼ੂਗਰ ਸੰਤੁਲਿਤ ਰਹਿੰਦਾ ਹੈ। ਸ਼ੂਗਰ-ਫ੍ਰੀ ਦਹੀਂ, ਫਲਾਂ ਨਾਲ ਦਹੀਂ ਜਾਂ ਦਹੀਂ-ਚੌਲਾਂ ਦੀ ਛੋਟੀ ਸਰਵਿੰਗ ਬੱਚਿਆਂ ਲਈ ਬਿਹਤਰੀਨ ਵਿਕਲਪ ਹੈ।

4. ਸੇਬ – ਉੱਚ ਫਾਈਬਰ ਵਾਲਾ ਸੁਪਰਫੂਡ

ਸੇਬ 'ਚ ਮੌਜੂਦ ਪੈਕਟਿਨ ਫਾਈਬਰ ਖਾਣ ਤੋਂ ਬਾਅਦ ਸ਼ੂਗਰ ਨੂੰ ਤੇਜ਼ੀ ਨਾਲ ਵੱਧਣ ਤੋਂ ਰੋਕਦਾ ਹੈ। ਛਿਲਕੇ ਸਮੇਤ ਸੇਬ ਦੇਣਾ ਸਭ ਤੋਂ ਵਧੀਆ ਹੈ, ਕਿਉਂਕਿ ਇਸ ਦੀ ਕੁਦਰਤੀ ਮਿਠਾਸ ਸ਼ੂਗਰ ਸਪਾਈਕ ਨਹੀਂ ਹੋਣ ਦਿੰਦੀ।

5. ਦਾਲਾਂ – ਸਲੋਅ-ਡਾਈਜੇਸਟਿੰਗ ਕਾਰਬੋਹਾਇਡਰੇਟਸ

ਮੂੰਗ ਦਾਲ, ਮਸੂਰ ਦਾਲ ਜਾਂ ਦਾਲਾਂ ਨਾਲ ਤਿਆਰ ਖਾਣੇ ਜਿਵੇਂ ਦਾਲ ਚਿੱਲਾ ਜਾਂ ਖਿੱਚੜੀ ਬੱਚਿਆਂ ਦਾ ਬਲੱਡ ਸ਼ੂਗਰ ਪ੍ਰਭਾਵਸ਼ਾਲੀ ਢੰਗ ਨਾਲ ਸੰਤੁਲਿਤ ਰੱਖਦੇ ਹਨ। ਦਾਲਾਂ ਪ੍ਰੋਟੀਨ ਅਤੇ ਹੌਲੀ ਹਜ਼ਮ ਹੋਣ ਵਾਲੇ ਕਾਰਬਸ ਦਾ ਸਭ ਤੋਂ ਸਹੀ ਸਰੋਤ ਹਨ।

ਬੱਚਿਆਂ ਦਾ ਬਲੱਡ ਸ਼ੂਗਰ ਮੈਨੇਜ ਕਰਨਾ ਕਿਉਂ ਹੈ ਮੁਸ਼ਕਲ?

• ਬੱਚੇ ਕੁਕੀਜ਼, ਚਾਕਲੇਟ, ਪੈਕਡ ਜੂਸ ਅਤੇ ਸ਼ੇਕ ਵਰਗੇ ਬਹੁਤ ਮਿੱਠੇ ਪਦਾਰਥ ਖਾਂਦੇ ਹਨ।
• ਬਿਸਕੁਟ, ਨੂਡਲਜ਼, ਸੌਸ ਅਤੇ ਚਿਪਸ 'ਚ ਲੁਕਿਆ ਹੋਇਆ ਸ਼ੂਗਰ ਹੁੰਦਾ ਹੈ, ਜਿਸ ਕਾਰਨ ਮਾਪਿਆਂ ਨੂੰ ਪਤਾ ਹੀ ਨਹੀਂ ਲੱਗਦਾ ਕਿ ਬੱਚਾ ਰੋਜ਼ ਕਿੰਨੀ ਸ਼ੂਗਰ ਲੈ ਰਿਹਾ ਹੈ।
• ਘਰ 'ਚ ਜੇ ਫਾਸਟ ਫੂਡ, ਤਲੀਆਂ ਚੀਜ਼ਾਂ ਜਾਂ ਮਿੱਠੇ ਦੀ ਵਰਤੋਂ ਵੱਧ ਹੈ ਤਾਂ ਬੱਚੇ ਦੀ ਸਿਹਤ ‘ਤੇ ਜਲਦੀ ਅਸਰ ਪੈਂਦਾ ਹੈ।

ਡਾਕਟਰਾਂ ਦੇ ਵਾਧੂ ਸੁਝਾਅ

• ਪੈਕਡ ਜੂਸ, ਮਠਿਆਈਆਂ ਅਤੇ ਚਾਕਲੇਟ ਦੀ ਮਾਤਰਾ ਘਟਾਓ।
• ਬੱਚੇ ਨੂੰ ਛੋਟੇ-ਛੋਟੇ ਹੈਲਥੀ ਸਨੈਕ ਸਮੇਂ-ਸਮੇਂ 'ਤੇ ਦਿਓ।
• ਮਿਲਕਸ਼ੇਕ ਦੀ ਬਜਾਏ ਸਾਦੇ ਦੁੱਧ ਨਾਲ ਬਾਦਾਮ ਦਿਓ।
• ਰੋਜ਼ਾਨਾ 1–2 ਘੰਟੇ ਖੇਡ ਜਾਂ ਆਊਟਡੋਰ ਐਕਟਿਵਟੀ ਲਾਜ਼ਮੀ ਬਣਾਓ।

ਨੋਟ– ਇਹ ਆਰਟੀਕਲ ਸਿਰਫ਼ ਆਮ ਜਾਣਕਾਰੀ ਲਈ ਹੈ। ਆਪਣੀ ਖੁਰਾਕ ਵਿੱਚ ਕੋਈ ਬਦਲਾਅ ਕਰਨ, ਕਿਸੇ ਵੀ ਬਿਮਾਰੀ ਨਾਲ ਸਬੰਧਤ ਕੋਈ ਵੀ ਉਪਾਅ ਕਰਨ ਜਾਂ ਕੋਈ ਵੀ ਘਰੇਲੂ ਨੁਸਖਾ ਅਪਣਾਉਣ ਤੋਂ ਪਹਿਲਾਂ ਆਪਣੇ ਡਾਕਟਰ ਦੀ ਸਲਾਹ ਜ਼ਰੂਰ ਲਓ।