ਭਾਰਤ 'ਚ ਬੰਦ ਹੋਣ ਵਾਲੀ ਹੈ Innova! ਸਾਹਮਣੇ ਆਈ ਵੱਡੀ ਵਜ੍ਹਾ

ਆਟੋ ਡੈਸਕ- ਭਾਰਤੀ ਸੜਕਾਂ 'ਤੇ ਲਗਭਗ ਇੱਕ ਦਹਾਕੇ ਤੱਕ ਰਾਜ ਕਰਨ ਵਾਲੀ ਅਤੇ ਫੈਮਿਲੀ ਕਾਰ ਵਜੋਂ ਮਸ਼ਹੂਰ ਟੋਇਟਾ ਇਨੋਵਾ ਕ੍ਰਿਸਟਾ (Innova Crysta) ਹੁਣ ਆਪਣੇ ਸਫਰ ਦੇ ਆਖਰੀ ਪੜਾਅ 'ਤੇ ਪਹੁੰਚ ਗਈ ਹੈ। ਅਜਿਹੀ ਜਾਣਕਾਰੀ ਸਾਹਮਣੇ ਆ ਰਹੀ ਹੈ ਕਿ ਟੋਇਟਾ ਮਾਰਚ 2027 ਤੱਕ ਭਾਰਤੀ ਬਾਜ਼ਾਰ ਤੋਂ ਇਨੋਵਾ ਕ੍ਰਿਸਟਾ ਡੀਜ਼ਲ ਨੂੰ ਬੰਦ ਕਰ ਸਕਦੀ ਹੈ।

ਕਿਉਂ ਬੰਦ ਹੋ ਰਹੀ ਹੈ ਇਹ ਮਸ਼ਹੂਰ ਕਾਰ? 

ਇਸ ਫੈਸਲੇ ਪਿੱਛੇ ਸਭ ਤੋਂ ਵੱਡਾ ਕਾਰਨ ਆਉਣ ਵਾਲੇ ਸਖ਼ਤ CAFE 3 (Corporate Average Fuel Efficiency) ਨਿਯਮ ਮੰਨੇ ਜਾ ਰਹੇ ਹਨ। ਇਹਨਾਂ ਨਿਯਮਾਂ ਤਹਿਤ ਵਾਹਨ ਨਿਰਮਾਤਾ ਕੰਪਨੀਆਂ ਨੂੰ ਆਪਣੇ ਪੂਰੇ ਵਾਹਨ ਪੋਰਟਫੋਲੀਓ ਦਾ ਔਸਤ ਕਾਰਬਨ ਨਿਕਾਸ (CO2 emission) ਘੱਟ ਰੱਖਣਾ ਹੋਵੇਗਾ। ਇਨੋਵਾ ਕ੍ਰਿਸਟਾ ਇੱਕ ਭਾਰੀ ਡੀਜ਼ਲ ਵਾਹਨ ਹੈ, ਜਿਸ ਦਾ ਭਾਰ ਜ਼ਿਆਦਾ ਹੋਣ ਕਾਰਨ CO2 ਨਿਕਾਸ ਵੀ ਜ਼ਿਆਦਾ ਹੁੰਦਾ ਹੈ, ਜੋ ਕਿ ਨਵੇਂ ਨਿਯਮਾਂ ਦੀ ਪਾਲਣਾ ਕਰਨ ਵਿੱਚ ਵੱਡੀ ਚੁਣੌਤੀ ਪੈਦਾ ਕਰ ਰਿਹਾ ਹੈ।

ਇਹ ਵੀ ਪੜ੍ਹੋ- 5 ਜਨਵਰੀ ਤੋਂ ਇਨ੍ਹਾਂ 5 ਰਾਸ਼ੀਆਂ ਦੀ ਚਮਕੇਗੀ ਕਿਸਮਤ, ਹੋਵੇਗਾ ਪੈਸਾ ਹੀ ਪੈਸਾ

ਹਾਈਬ੍ਰਿਡ ਮਾਡਲਾਂ 'ਤੇ ਵਧੇਗਾ ਫੋਕਸ

ਸੂਤਰਾਂ ਅਨੁਸਾਰ, ਟੋਇਟਾ ਹੁਣ ਆਪਣੇ ਸਟ੍ਰੌਂਗ ਹਾਈਬ੍ਰਿਡ ਮਾਡਲਾਂ 'ਤੇ ਜ਼ਿਆਦਾ ਧਿਆਨ ਕੇਂਦਰਿਤ ਕਰੇਗੀ। CAFE ਨਿਯਮਾਂ ਵਿੱਚ ਹਾਈਬ੍ਰਿਡ ਕਾਰਾਂ ਨੂੰ 'ਸੁਪਰ ਕ੍ਰੈਡਿਟ' ਮਿਲਦਾ ਹੈ, ਜਿੱਥੇ ਇੱਕ ਹਾਈਬ੍ਰਿਡ ਕਾਰ ਨੂੰ ਦੋ ਗੱਡੀਆਂ ਦੇ ਬਰਾਬਰ ਗਿਣਿਆ ਜਾਂਦਾ ਹੈ। ਇਸ ਨਾਲ ਕੰਪਨੀ ਲਈ ਨਿਕਾਸ ਦੇ ਟੀਚਿਆਂ ਨੂੰ ਹਾਸਲ ਕਰਨਾ ਆਸਾਨ ਹੋ ਜਾਂਦਾ ਹੈ। ਇਹੀ ਕਾਰਨ ਹੈ ਕਿ ਹਾਈਬ੍ਰਿਡ ਇਨੋਵਾ ਹਾਈਕ੍ਰਾਸ ਕੰਪਨੀ ਲਈ ਜ਼ਿਆਦਾ ਫਾਇਦੇਮੰਦ ਸਾਬਤ ਹੋ ਰਹੀ ਹੈ।

ਇਨੋਵਾ ਕ੍ਰਿਸਟਾ ਨੂੰ ਭਾਰਤ ਵਿੱਚ ਪਹਿਲੀ ਵਾਰ ਮਈ 2016 ਵਿੱਚ ਲਾਂਚ ਕੀਤਾ ਗਿਆ ਸੀ। ਮੌਜੂਦਾ ਸਮੇਂ ਵਿੱਚ ਇਸਦੀ ਕੀਮਤ 18.66 ਲੱਖ ਤੋਂ 25.27 ਲੱਖ ਰੁਪਏ ਦੇ ਵਿਚਕਾਰ ਹੈ।

ਜ਼ਿਕਰਯੋਗ ਹੈ ਕਿ ਪਹਿਲਾਂ ਇਸਨੂੰ 2025 ਦੇ ਆਸ-ਪਾਸ ਬੰਦ ਕੀਤਾ ਜਾਣਾ ਸੀ ਪਰ ਲਗਾਤਾਰ ਮੰਗ ਅਤੇ ਹਾਈਕ੍ਰਾਸ ਦੀ ਘੱਟ ਉਪਲਬਧਤਾ ਕਾਰਨ ਇਸਦਾ ਉਤਪਾਦਨ ਵਧਾ ਦਿੱਤਾ ਗਿਆ ਸੀ।

ਇਹ ਵੀ ਪੜ੍ਹੋ- 'ਕੋਈ ਨਹੀਂ ਦੇਖੇਗਾ T20 ਵਿਸ਼ਵ ਕੱਪ...!', ICC 'ਤੇ ਭੜਕੇ ਅਸ਼ਵਿਨ, ਦੱਸੀ ਵੱਡੀ ਵਜ੍ਹਾ

ਕੀ ਫਾਰਚੂਨਰ 'ਤੇ ਵੀ ਪਵੇਗਾ ਅਸਰ? 

ਇਸ ਖ਼ਬਰ ਦੇ ਆਉਣ ਤੋਂ ਬਾਅਦ ਟੋਇਟਾ ਫਾਰਚੂਨਰ ਦੇ ਡੀਜ਼ਲ ਵੇਰੀਐਂਟ ਨੂੰ ਲੈ ਕੇ ਵੀ ਚਰਚਾ ਛਿੜ ਗਈ ਹੈ। ਹਾਲਾਂਕਿ ਅਜੇ ਇਹ ਸਪੱਸ਼ਟ ਨਹੀਂ ਹੈ ਕਿ ਫਾਰਚੂਨਰ ਨੂੰ ਬੰਦ ਕੀਤਾ ਜਾਵੇਗਾ ਜਾਂ ਨਹੀਂ ਪਰ ਆਉਣ ਵਾਲੀ ਟੋਇਟਾ ਲੈਂਡ ਕਰੂਜ਼ਰ FJ ਵਿੱਚ ਡੀਜ਼ਲ ਇੰਜਣ ਦਾ ਵਿਕਲਪ ਨਾ ਹੋਣਾ ਇਹ ਸੰਕੇਤ ਦਿੰਦਾ ਹੈ ਕਿ ਕੰਪਨੀ ਹੌਲੀ-ਹੌਲੀ ਡੀਜ਼ਲ ਮਾਡਲਾਂ ਤੋਂ ਦੂਰੀ ਬਣਾ ਰਹੀ ਹੈ।

ਇਹ ਵੀ ਪੜ੍ਹੋ- ਸ਼ਰਾਬ ਦੇ ਨਾਲ ਭਾਰਤੀਆਂ ਦੀ ਪਹਿਲੀ ਪਸੰਦ ਹਨ ਇਹ 5 'ਚਖ਼ਨੇ', ਤੀਜਾ ਨੰਬਰ ਹੈ ਸਭ ਦਾ ਮਨਪਸੰਦ