ਮਾਰਚ ਮਹੀਨੇ ’ਚ ਵਿਕਣ ਵਾਲੀਆਂ ਇਹ ਹਨ ਟਾਪ 10 MPV ਅਤੇ SUVs, ਜਾਣੋ ਕਿਹੜੀ ਰਹੀ ਪਹਿਲੇ ਨੰਬਰ ’ਤੇ

ਆਟੋ ਡੈਸਕ– ਕਾਰ ਕੰਪਨੀਆਂ ਨੇ ਮਾਰਚ 2021 ’ਚ ਹੋਈ ਵਿਕਰੀ ਦੇ ਅੰਕੜੇ ਜਾਰੀ ਕਰ ਦਿੱਤੇ ਹਨ। ਇਸ ਮਹੀਨੇ ਜਿਥੇ ਸਬ-4-ਮੀਟਰ ਐੱਸ.ਯੂ.ਵੀ. ਨੂੰ ਗਾਹਕਾਂ ਦੁਆਰਾ ਪਸੰਦ ਕੀਤਾ ਗਿਆ ਹੈ ਉਥੇ ਹੀ ਐੱਮ.ਪੀ.ਵੀ. ਸੈਗਮੈਂਟ ਨੇ ਵੀ ਕਾਫੀ ਚੰਗਾ ਪ੍ਰਦਰਸ਼ਨ ਕੀਤਾ ਹੈ। ਮਾਰਚ 2021 ’ਚ ਹੋਈ ਐੱਮ.ਪੀ.ਵੀ. ਸੇਲਸ ਦੀ ਗੱਲ ਕਰੀਏ ਤਾਂ ਇਸ ਲਿਸਟ ’ਚ ਸਭ ਤੋਂ ਉੱਪਰ ਨਾਂਅ ਮਾਰੂਤੀ ਸੁਜ਼ੂਕੀ ਦੀ ਅਰਟਿਗਾ ਦਾ ਆਉਂਦਾ ਹੈ। ਮਾਰਚ 2021 ’ਚ ਇਸ ਦੀਆਂ ਕੁਲ 9,303 ਇਕਾਈਆਂ ਦੀ ਵਿਕਰੀ ਕੀਤੀ ਗਈਹੈ ਜਦਕਿ ਬੀਤੇ ਸਾਲ ਮਾਰਚ ’ਚ ਕੰਪਨੀ ਨੇ ਸਿਰਫ 3,969 ਇਕਾਈਆਂ ਹੀ ਵੇਚੀਆਂ ਸਨ। ਅਜਿਹੇ ’ਚ ਇਸ ਐੱਮ.ਪੀ.ਵੀ. ਐਂਡ ਮਹਿੰਦਰਾ ਦੀ ਬਲੈਰੋ ਨੇ ਜਗ੍ਹਾ ਬਣਾਈ ਹੈ। ਬੀਤੇ ਮਹੀਨੇ ਬਲੈਰੋ ਦੀਆਂ 8,905 ਇਕਾਈਆਂ ਦੀ ਵਿਕਰੀ ਹੋਈ ਹੈ ਜਦਕਿ ਬੀਤੇ ਸਾਲ ਕੰਪਨੀ ਨੇ ਇਸ ਐੱਸ.ਯੂ.ਵੀ. ਦੀਆਂ 2,080 ਇਕਾਈਆਂ ਦੀ ਵਿਕਰੀ ਕੀਤੀ ਸੀ। ਇਸ ਸਾਲ ਇਸ ਦੀ ਵਿਕਰੀ ’ਚ 328 ਫੀਸਦੀ ਦਾ ਵਾਧਾ ਹੋਇਆ ਹੈ। ਟੋਇਟਾ ਕਿਲੋਰਸਕਰ ਦੀ ਲੋਕਪ੍ਰਸਿੱਧ ਐੱਮ.ਪੀ.ਵੀ. ਟੋਇਟਾ ਇਨੋਵਾ ਦੀ ਗੱਲ ਕਰੀਏ ਤਾਂ ਕੰਪਨੀ ਨੇ ਬੀਤੇ ਮਹੀਨੇ ਇਸ ਦੀਆਂ 5,743 ਇਕਾਈਆਂ ਦੀ ਵਿਕਰੀ ਕੀਤੀ ਹੈ, ਉਥੇ ਹੀ ਬੀਤੇ ਸਾਲ ਮਾਰਚ ’ਚ ਇਸ ਦੀਆਂ ਸਿਰਪ 3,810 ਇਕਾਈਆਂ ਦੀ ਵਿਕਰੀ ਹੀ ਹੋਈ ਸੀ। ਇਸ ਸਾਲ ਇਸ ਦੀ ਵਿਕਰੀ ’ਚ 50.7 ਫੀਸਦੀ ਦਾ ਵਾਧਾ ਹੋਇਆ ਹੈ।