Ghibli ਤੋਂ ਬਾਅਦ ਲੋਕ ਹੁਣ ਇਸ ਤਰ੍ਹਾਂ ਬਣਾ ਰਹੇ ChatGPT ਰਾਹੀਂ ਆਪਣੀਆਂ ਤਸਵੀਰਾਂ

ਗੈਜੇਟ ਡੈਸਕ - ਅੱਜਕੱਲ੍ਹ, ਜਦੋਂ ਅਸੀਂ ਕੋਈ ਫੋਟੋ ਖਿੱਚਦੇ ਹਾਂ, ਤਾਂ ਇਹ ਰੰਗਾਂ ਨਾਲ ਭਰੀ ਹੁੰਦੀ ਹੈ ਪਰ ਜੇ ਅਸੀਂ ਆਪਣੇ ਪਿਤਾ ਜਾਂ ਦਾਦਾ ਜੀ ਦੇ ਸਮੇਂ ਦੀ ਗੱਲ ਕਰੀਏ, ਤਾਂ ਫੋਟੋਆਂ ਜ਼ਿਆਦਾਤਰ ਕਾਲੀਆਂ ਅਤੇ ਚਿੱਟੀਆਂ ਹੁੰਦੀਆਂ ਸਨ। ਜੇਕਰ ਤੁਹਾਡੇ ਕੋਲ ਵੀ ਆਪਣੇ ਦਾਦਾ-ਦਾਦੀ ਜਾਂ ਮਾਪਿਆਂ ਦੀਆਂ ਪੁਰਾਣੀਆਂ ਵਿਆਹ ਜਾਂ ਪਰਿਵਾਰਕ ਕਾਲੀਆਂ ਅਤੇ ਚਿੱਟੀਆਂ ਫੋਟੋਆਂ ਹਨ, ਤਾਂ ਇਹ ਖ਼ਬਰ ਤੁਹਾਡੇ ਲਈ ਬਹੁਤ ਖਾਸ ਹੋ ਸਕਦੀ ਹੈ। ਹੁਣ ਤੁਸੀਂ ਇਨ੍ਹਾਂ ਪੁਰਾਣੀਆਂ ਯਾਦਾਂ ਨੂੰ ਦੁਬਾਰਾ ਜ਼ਿੰਦਾ ਕਰ ਸਕਦੇ ਹੋ ਉਹ ਵੀ ਰੰਗਾਂ ਨਾਲ। OpenAI ਦਾ ChatGPT ਹੁਣ ਕੁਝ ਸਕਿੰਟਾਂ ’ਚ ਤੁਹਾਡੀਆਂ ਇਨ੍ਹਾਂ ਕਾਲੀਆਂ ਅਤੇ ਚਿੱਟੀਆਂ ਫੋਟੋਆਂ ਨੂੰ ਰੰਗੀਨ ਬਣਾ ਸਕਦਾ ਹੈ।

ਇਸ ਫੀਚਰ ਰਾਹੀਂ, ਤੁਸੀਂ ਦਹਾਕਿਆਂ ਪੁਰਾਣੀਆਂ ਫੋਟੋਆਂ ਨੂੰ ਇਸ ਤਰ੍ਹਾਂ ਬਣਾ ਸਕਦੇ ਹੋ ਜਿਵੇਂ ਉਹ ਅੱਜ ਲਈਆਂ ਗਈਆਂ ਹੋਣ। ਇਹ ਫੀਚਰ ਇਨ੍ਹੀਂ ਦਿਨੀਂ ਇੰਟਰਨੈੱਟ 'ਤੇ ਬਹੁਤ ਵਾਇਰਲ ਹੋ ਰਹੀ ਹੈ ਅਤੇ ਲੋਕ ਆਪਣੀਆਂ ਪੁਰਾਣੀਆਂ ਪਰਿਵਾਰਕ ਫੋਟੋਆਂ ਨੂੰ ਇਕ ਨਵਾਂ ਰੂਪ ਦੇ ਕੇ ਸੋਸ਼ਲ ਮੀਡੀਆ 'ਤੇ ਸਾਂਝਾ ਕਰ ਰਹੇ ਹਨ। ਆਓ ਜਾਣਦੇ ਹਾਂ ਕਿ ਤੁਸੀਂ ਇਹ ਕਿਵੇਂ ਕਰ ਸਕਦੇ ਹੋ।

ਕਿਵੇਂ ਵਰਤੀਏ?
- ਪਹਿਲਾਂ, ਤੁਹਾਨੂੰ ChatGPT ਵੈੱਬਸਾਈਟ ਜਾਂ ਮੋਬਾਈਲ ਐਪ 'ਤੇ ਜਾਣ ਦੀ ਲੋੜ ਹੈ। ਯਕੀਨੀ ਬਣਾਓ ਕਿ ਤੁਸੀਂ ਲੇਟੈਸਟ ਵਰਜਨ ਦੀ ਵਰਤੋਂ ਕਰ ਰਹੇ ਹੋ ਤਾਂ ਜੋ ਨਵਾਂ ਫੀਚਰ ਸਹੀ ਢੰਗ ਨਾਲ ਕੰਮ ਕਰੇ।
- ਹੁਣ ਫੋਟੋ ਅਪਲੋਡ ਕਰਨ ਲਈ ਪਲੱਸ ਆਈਕਨ 'ਤੇ ਟੈਪ ਕਰੋ।
- ਫਿਰ ChatGPT ਨੂੰ ਇਕ ਸਧਾਰਨ ਮੈਸੇਜ ਭੇਜੋ ਜਿਵੇਂ "ਕਿਰਪਾ ਕਰਕੇ ਇਸ ਕਾਲੇ ਅਤੇ ਚਿੱਟੇ ਚਿੱਤਰ ਨੂੰ ਇਕ ਕੁਦਰਤੀ ਰੰਗੀਨ ਤਸਵੀਰ ’ਚ ਬਦਲੋ ਜੋ ਇਕ ਅਸਲੀ ਫੋਟੋ ਵਰਗੀ ਹੋਵੇ।"
- ਕੁਝ ਪਲਾਂ ’ਚ, ChatGPT ਤੁਹਾਡੀ ਫੋਟੋ ਨੂੰ ਪ੍ਰੋਸੈਸ ਕਰੇਗਾ ਅਤੇ ਤੁਹਾਨੂੰ ਇਕ ਰੰਗੀਨ ਸੰਸਕਰਣ ਦੇਵੇਗਾ ਜੋ ਕੁਦਰਤੀ ਰੰਗ ਦਿਖਾਉਂਦਾ ਹੈ।
- ਹੁਣ ਤੁਸੀਂ ਇਸ ਫੋਟੋ ਨੂੰ ਡਾਊਨਲੋਡ ਕਰ ਸਕਦੇ ਹੋ ਅਤੇ ਇਸਨੂੰ ਆਪਣੀ ਡਿਵਾਈਸ ’ਚ ਸੇਵ ਕਰ ਸਕਦੇ ਹੋ।

ਇੰਨਾ ਹੀ ਨਹੀਂ, ਚੈਟਜੀਪੀਟੀ ਦੇ ਘਿਬਲੀ ਫੀਚਰ ਨੇ ਵੀ ਇੰਟਰਨੈੱਟ 'ਤੇ ਹਲਚਲ ਮਚਾ ਦਿੱਤੀ ਹੈ। ਜਦੋਂ ਇਹ ਫੀਚਰ ਲਾਂਚ ਕੀਤਾ ਗਿਆ ਸੀ, ਤਾਂ ਸੋਸ਼ਲ ਮੀਡੀਆ ਐਨੀਮੇਸ਼ਨ ਸਟਾਈਲ ਦੀਆਂ ਤਸਵੀਰਾਂ ਨਾਲ ਭਰ ਗਿਆ ਸੀ। ਆਮ ਲੋਕਾਂ ਤੋਂ ਲੈ ਕੇ ਮਸ਼ਹੂਰ ਹਸਤੀਆਂ ਤੱਕ, ਹਰ ਕੋਈ ਇਸ ਰੁਝਾਨ ’ਚ ਸ਼ਾਮਲ ਹੋਇਆ। ਉਤਸ਼ਾਹ ਇੰਨਾ ਜ਼ਿਆਦਾ ਸੀ ਕਿ ਓਪਨਏਆਈ ਦੇ ਸੀਈਓ ਸੈਮ ਆਲਟਮੈਨ ਨੂੰ ਖੁਦ ਆ ਕੇ ਕਹਿਣਾ ਪਿਆ, "ਕਿਰਪਾ ਕਰਕੇ ਸਬਰ ਰੱਖੋ, ਸਾਡੀ ਟੀਮ ਇੱਕੋ ਵਾਰ ਸਾਰਿਆਂ ਦੀ ਮੰਗ ਪੂਰੀ ਨਹੀਂ ਕਰ ਸਕਦੀ।"