ਟੈਸਲਾ ਕਾਰ ਨੂੰ ਆਟੋਪਾਇਲਟ ਮੋਡ ''ਤੇ ਚਲਾਉਣਾ ਪਿਆ ਮਹਿੰਗਾ, ਲੱਗਾ ਸਪੀਡ ਲਿਮਟ ਤੋੜਨ ਦਾ ਚਾਰਜ

ਆਟੋ ਡੈਸਕ- ਟੈਸਲਾ ਦੀਆਂ ਕਾਰਾਂ ਪੂਰੀ ਦੁਨੀਆ 'ਚ ਆਪਣੇ ਆਟੋਪਾਇਲਟ ਫੀਚਰ ਕਾਰਨ ਬਹੁਤ ਪ੍ਰਸਿੱਧ ਹੋ ਰਹੀਆਂ ਹਨ ਪਰ ਇਸੇ ਫੀਚਰ ਕਾਰਨ ਕਈ ਦੁਰਘਟਾਨਾਵਾਂ ਵੀ ਹੋ ਚੁੱਕੀਆਂ ਹਨ। ਹਾਲ ਹੀ 'ਚ ਕੈਨੇਡਾ ਤੋਂ ਅਜਿਹੀ ਹੀ ਇਕ ਘਟਨਾ ਸਾਹਮਣੇ ਆਈ ਹੈ ਜਿਥੇ ਇਕ ਵਿਅਕਤੀ ਆਪਣੀ ਕਾਰ ਨੂੰ ਆਟੋਪਾਇਲਟ ਮੋਡ 'ਤੇ ਲਗਾ ਕੇ ਸੌਂ ਗਿਆ ਸੀ। ਇਸ ਟੈਸਲਾ ਕਾਰ ਨੇ ਹਾਈਵੇਅ 'ਤੇ ਸਪੀਡ ਲਿਮਟ ਨੂੰ ਤੋੜ ਦਿੱਤਾ ਜਿਸ ਤੋਂ ਬਾਅਦ ਪੁਲਸ ਨੇ ਕਾਰ ਰੁਕਵਾਈ ਅਤੇ ਇਸ ਵਿਅਕਤੀ 'ਤੇ ਖ਼ਤਰਨਾਕ ਡਰਾਈਵਿੰਗ ਦਾ ਚਾਰਜ ਲਗਾਇਆ ਹੈ। 

ਕੈਨੇਡਾ ਦੇ ਪੋਨੋਕਾਰ ਸ਼ਹਿਰ ਦੇ ਹਾਈਵੇਅ 'ਤੇ ਇਹ ਘਟਨਾ ਹੋਈ ਹੈ। ਇਸ ਗੱਲ ਦੀ ਜਾਣਕਾਰੀ ਉਥੋਂ ਦੀ ਲੋਕਲ ਅਲਬਰਟਾ ਪੁਲਸ ਨੇ ਦਿੱਤੀ। ਇਹ ਟੈਲਸਾ ਕਾਰ ਸੈਲਫ ਡਰਾਈਵਿੰਗ ਮੋਡ 'ਚ 140 ਕਿਲੋਮੀਟਰ ਪ੍ਰਤੀ ਘੰਟਾ ਦੀ ਰਫ਼ਤਾਰ 'ਤੇ ਦੌੜ ਰਹੀ ਸੀ। ਪੁਲਸ ਦਾ ਕਹਿਣਾ ਹੈ ਕਿ ਕਾਰ ਦੀਆਂ ਦੋਵੇਂ ਸਾਹਮਣੇ ਵਾਲੀਆਂ ਸੀਟਾਂ ਝੁਕੀਆਂ ਹੋਈਆਂ ਸਨ ਅਤੇ ਬੈਠਣ ਵਾਲਾ ਵਿਅਕਤੀ ਸੁੱਤਾ ਹੋਇਆ ਵਿਖਾਈ ਦੇ ਰਿਹਾ ਸੀ। ਇਸ ਵਿਅਕਤੀ ਦੀ ਉਮਰ 20 ਸਾਲ ਦੱਸੀ ਜਾ ਰਹੀ ਹੈ। ਹਾਲਾਂਕਿ ਉਥੋਂ ਦੀ ਪੁਲਸ ਨੇ ਇਸ ਦਾ ਨਾਂ ਨਹੀਂ ਦੱਸਿਆ। 

Alberta RCMP received a complaint of a car speeding on Hwy 2 near #Ponoka. The car appeared to be self-driving, travelling over 140 km/h with both front seats completely reclined & occupants appeared to be asleep. The driver received a Dangerous Driving charge & summons for court pic.twitter.com/tr0RohJDH1

— RCMP Alberta (@RCMPAlberta) September 17, 2020

ਇਕ ਪੁਲਸ ਅਧਿਕਾਰੀ ਦਾ ਕਹਿਣਾ ਹੈ ਕਿ ਉਨ੍ਹਾਂ ਨੇ ਦੋ ਦਹਾਕਿਆਂ ਦੇ ਆਪਣੇ ਕਰੀਅਰ 'ਟ ਅਜਿਹਾ ਮਾਮਲਾ ਕਦੇ ਨਹੀਂ ਵੇਖਿਆ। ਟੈਸਲਾ ਦੀ ਵੈੱਬਸਾਈਟ 'ਤੇ ਦੱਸਿਆ ਗਿਆ ਹੈ ਕਿ ਮੌਜੂਦਾ ਸਮੇਂ 'ਚ ਆਟੋਪਾਇਲਟ ਫੀਚਰ ਨੂੰ ਡਰਾਈਵਰ ਦੀ ਐਕਟਿਵ ਸੁਪਰਵਿਜ਼ਨ ਦੀ ਲੋੜ ਹੈ ਅਤੇ ਇਹ ਕਾਰ ਆਟੋਨੋਮਸ ਨਹੀਂ ਹੈ। ਗਨੀਮਤ ਰਹੀ ਕਿ ਵਿਅਕਤੀ ਦੀ ਜਾਨ ਬਚ ਗਈ।